Year Ender 2021: ಈ ವರ್ಷ ವಿಚ್ಚೇದನ ಪಡೆದು ದೂರಾದ ಸೆಲೆಬ್ರಿಟಿಗಳು ಇವ್ರೆ ನೋಡಿ..!

2021ರಲ್ಲಿ ಸಿನಿಮಾ ವಿಚಾರಕ್ಕಿಂತ ತಾರೆಯರ ವಿಚ್ಚೇದನ ವಿಷಯವೇ ಈ ವರ್ಷ ಸಾಕಷ್ಟು ಸುದ್ದಿ ಆಗಿತ್ತು. . ಅಮೀರ್ ಖಾನ್-ಕಿರಣ್ ರಾವ್, ಸಮಂತಾ ರುತ್ ಪ್ರಭು-ನಾಗ ಚೈತನ್ಯ ಅವರ ಡಿವೋರ್ಸ್​ ವಿಚಾರ ಭಾರಿ ಚರ್ಚೆಯಾಗಿತ್ತು. ಹಾಗಿದ್ದರೆ ಈ ವರ್ಷ ಡಿವೋರ್ಸ್​ ಪಡೆದು ದೂರಾದ ತಾರೆಯರ ಪಟ್ಟಿ ಇಲ್ಲಿದೆ ನೋಡಿ

ಸಾಮಾನ್ಯವಾಗಿ ಸೋಷಿಯಲ್ ಮೀಡಿಯಾ ಮತ್ತು ಲೈಮ್-ಲೈಟ್ ನಿಂದ ದೂರ ಉಳಿಯುವ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಅಮೀರ್ ಖಾನ್ ಅವರು ಕಿರಣ್ ರಾವ್ ಅವರೊಂದಿಗೆ ವಿಚ್ಛೇದನದ ಬಗ್ಗೆ ಮಾತನಾಡಿದ್ದು ಅಭಿಮಾನಿಗಳಿಗೆ ಆಶ್ಚರ್ಯ ತಂದಿತ್ತು. 15 ವರ್ಷಗಳ ಅವರ ವೈವಾಹಿಕ ಜೀವನದಲ್ಲಿ, ಎಲ್ಲವೂ ಚೆನ್ನಾಗಿದೆ ಮತ್ತು ಇಬ್ಬರೂ ಪರಸ್ಪರ ಸಂತೋಷದಿಂದ ಇದ್ದಾರೆ ಎಂದು ನಂಬಲಾಗಿತ್ತು. ಇಬ್ಬರೂ ಜಂಟಿ ಹೇಳಿಕೆ ನೀಡುವ ಮೂಲಕ ವಿಚ್ಛೇದನದ ಬಗ್ಗೆ ಮಾಹಿತಿ ನೀಡಿದ್ದರು.

ಈ ವರ್ಷ ಮತ್ತೊಂದು ಶಾಕಿಂಗ್​ ನ್ಯೂಸ್​ ಅಂದರೆ, ಸೌತ್​ ಕ್ಯೂಟ್​ ಕಪಲ್​ ಸಮಂತಾ ಹಾಗೂ ನಾಗ ಚೈತನ್ಯ ದೂರಾದ ವಿಚಾರ. ಹೌದು ಪ್ರೀತಿಸಿ ಮದುವೆಯಾಗಿದ್ದ ಈ ಜೋಡಿ ವಿಚ್ಚೇದನ ಪಡೆದು ದೂರಾಗಿದ್ದಾರೆ.

ನಟಿ ಮತ್ತು ರಾಜಕಾರಣಿ ನುಸ್ರತ್ ಜಹಾನ್ ಮತ್ತು ನಿಖಿಲ್ ಜೈನ್ ಅವರ ದಾಂಪತ್ಯ ಜೀವನವು ಕೇವಲ 2 ವರ್ಷಗಳ ಕಾಲ ನಡೆಯಿತು. ವಿದೇಶದಲ್ಲಿ ವಿವಾಹವಾದ ನಂತರ, ಇಬ್ಬರೂ ಕೋಲ್ಕತ್ತಾದಲ್ಲಿ ಆರತಕ್ಷತೆಯನ್ನು ಮಾಡಿದ್ದರು. ಆದರೆ ಕೆಲ ಮನಸ್ಥಾಪಗಳಿಂದ ನುಸ್ರತ್​ ತಮ್ಮ ಪತಿಯಿಂದ ದೂರಾಗಿದ್ದಾರೆ.

ಬಾಲಿವುಡ್​ ನಟಿ ಕೀರ್ತಿ ಕುಲ್ಹಾರಿ ತನ್ನ ಪತಿ ಸಾಹಿಲ್ ಸೆಹಗಲ್ ಅವರೊಂದಿಗೆ 5 ವರ್ಷಗಳನ್ನು ಸಂತೋಷದಿಂದ ಕಳೆದ ನಂತರ ಈ ವರ್ಷ ಬೇರೆಯಾದರು. ಅವರು 2016 ರಲ್ಲಿ ವಿವಾಹವಾಗಿದ್ದರು.

ಬಾಲಿವುಡ್​ ಕಿರುತೆರೆ ನಟಿ ನಿಶಾ ರಾವಲ್ ಅವರ ಪತಿ ನಟ ಕರಣ್ ಮೆಹ್ರಾ ಅವರನ್ನು ಕೌಟುಂಬಿಕ ಹಿಂಸೆಯ ಆರೋಪ ಮಾಡಿದಾಗ, ಅಭಿಮಾನಿಗಳು ಆಶ್ಚರ್ಯಚಕಿತರಾದರು. ಇದಾದ ಬಳಿಕ ಈ ಜೋಡಿಯೂ ಡಿವೋರ್ಸ್​ ಪಡೆದಯ ಬೇರೆಯಾಗಿದ್ದಾರೆ.

ಖ್ಯಾತ ಗಾಯಕ ಯೋ ಯೋ ಹನಿ ಸಿಂಗ್ ಕೂಡ ತಮ್ಮ ಪತ್ನಿ ಶಾಲಿನಿ ತಲ್ವಾರ್ ಅವರನ್ನು ಕೌಟುಂಬಿಕ ದೌರ್ಜನ್ಯದ ಆರೋಪ ಹೊರಿಸಿ ಸಂಬಂಧವನ್ನು ಅಂತ್ಯಗೊಳಿಸಿದ್ದಾರೆ. ಹೃದೇಶ್ ಸಿಂಗ್ ಅಲಿಯಾಸ್​ ಯೋ ಯೋ ಹನಿ ಸಿಂಗ್ ಮತ್ತು ತಲ್ವಾರ್ ಜನವರಿ 23, 2011 ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.