Yash: ಮಾಲಿವುಡ್ ಚಿತ್ರತಂಡಕ್ಕೆ ಊಟ ಕಳುಹಿಸಿದ ಯಶ್! ರಾಕಿಭಾಯ್ ಬಗ್ಗೆ ದುಲ್ಕರ್ ಏನಂದ್ರು?

ಮಾಲಿವುಡ್​ನ ಸ್ಟಾರ್ ನಟ ದುಲ್ಕರ್ ಸಲ್ಮಾನ್ ಅವರು ಸೌತ್​ನ ಸ್ಟಾರ್ ನಟರಲ್ಲಿ ಒಬ್ಬರು. ಪ್ಯಾನ್ ಇಂಡಿಯಾ ಹಿಟ್ ಸಿನಿಮಾ ಕೊಡದಿದ್ದರೂ ಇವರಿಗೆ ಅಪಾರ ಅಭಿಮಾನಿಗಳಿದ್ದಾರೆ.

ತಂದೆ, ನಟ ಮುಮ್ಮಟ್ಟಿ ಅವರಂತೆಯೇ ಅತ್ಯಂತ ಸರಳ ಸಜ್ಜನ ವ್ಯಕ್ತಿ ದುಲ್ಕರ್. ಮಾಲಯಾಳಂ ಹಾಗೂ ತೆಲುಗು ಇಂಡಸ್ಟ್ರಿಯಲ್ಲಿ ಆ್ಯಕ್ಟಿವ್ ಆಗಿದ್ದಾರೆ ಈ ನಟ.

ದುಲ್ಖರ್ ಸಲ್ಮಾನ್ ಅವರು ಇತ್ತೀಚೆಗೆ ಟ್ವಿಟರ್​ನಲ್ಲಿ ಆಸ್ಕ್ ಮಿ ಎನಿಥಿಂಗ್ ಸೆಷನ್ ಮಾಡಿದ್ದಾರೆ. ಇದರಲ್ಲಿ ಯಶ್ ಫ್ಯಾನ್ಸ್ ಯಶ್ ಬಗ್ಗೆ ಏನಾದರೂ ಹೇಳಿ ಅಂತ ಕೇಳಿಕೊಂಡಿದ್ದಾರೆ.

ಯಶ್ ಕುರಿತು ಕೆಲವು ಮಾತುಗಳನ್ನು ಹೇಳಿ ಎಂದು ನೆಟ್ಟಿಗರೊಬ್ಬರು ದುಲ್ಕರ್ ಅವರಿಗೆ ಪ್ರಶ್ನೆ ಮಾಡಿದ್ದಾರೆ. ಇದಕ್ಕೆ ನಟ ಉತ್ತರಿಸಿದ್ದು ಯಶ್ ಫ್ಯಾನ್ಸ್ ಖುಷಿಪಟ್ಟಿದ್ದಾರೆ.

ಅವರು ಕರುಣೆ ಇರುವಂತಹ ವ್ಯಕ್ತಿ. ನಾವಿಬ್ಬರೂ ಮೈಸೂರಿನಲ್ಲಿ ಶೂಟಿಂಗ್ ಮಾಡುತ್ತಿದ್ದ ಸಂದರ್ಭ ನನಗೂ ನನ್ನ ಟೀಂಗೂ ನಾವು ತಿನ್ನುವುದಕ್ಕಿಂತ ಹೆಚ್ಚು ಆಹಾರವನ್ನು ಕಳುಹಿಸಿಕೊಟ್ಟಿದ್ದರು. ನನ್ನ ಕಡೆಯಿಂದ ಯಶ್​ಗೆ ಸೋ ಮಚ್ ಲವ್ ಎಂದು ಉತ್ತರಿಸಿದ್ದಾರೆ ನಟ ದುಲ್ಕರ್ ಸಲ್ಮಾನ್.

ಕೊನೆಯದಾಗಿ ದುಲ್ಕರ್ ಅವರು ಮೃಣಾಲ್ ಠಾಕೂರ್ ಜೊತೆ ಸೀತಾ ರಾಮಂ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಇದು ತೆಲುಗಿನಲ್ಲಿ ದೊಡ್ಡ ಹಿಟ್ ಆಗಿ ಹೊರಹೊಮ್ಮಿತು.

ಇದರಲ್ಲಿ ಅವರು ಆರ್ಮಿಯಲ್ಲಿ ಕೆಲಸ ಮಾಡುವ ಅನಾಥ ಯುವಕನ ಪಾತ್ರವನ್ನು ಮಾಡಿದ್ದಾರೆ. ಇದಕ್ಕೂ ಮುನ್ನ ಮಹಾನಟಿ ಸಿನಿಮಾ ಮಾಡಿದ್ದಾಗಲೂ ಸೂಪರ್ ಹಿಟ್ ಆಗಿತ್ತು.