Prabhas: ಪ್ರಭಾಸ್ ಪ್ರಾಜೆಕ್ಟ್ K ಸಿನಿಮಾ ದೃಶ್ಯ ಹೀಗಿರುತ್ತಾ? AI ಫೋಟೋಸ್ ನೋಡಿ

ಪ್ರಾಜೆಕ್ಟ್ ಕೆ ನಾಗ್ ಅಶ್ವಿನ್ ನಿರ್ದೇಶನದ ವೈಜ್ಞಾನಿಕ ಕಾಲ್ಪನಿಕ ಚಲನಚಿತ್ರವಾಗಿದೆ. ವೈಜಯಂತಿ ಮೂವೀಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಿಸಲಾಗಿದೆ. ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್, ದೀಪಿಕಾ ಪಡುಕೋಣೆ ಮತ್ತು ಅಮಿತಾಭ್ ಬಚ್ಚನ್ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದ ಕಥೆ ಏನು ಅನ್ನೋದು ಕುತೂಹಲ ಮೂಡಿಸಿದೆ.

ಜನವರಿ 12, 2024 ರಂದು ಚಿತ್ರ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಘೋಷಿಸಿದ್ದರೂ, ಅಭಿಮಾನಿಗಳು ಕಥೆಯನ್ನು ತಿಳಿಯಲು ಕಾಯುತ್ತಿದ್ದಾರೆ. ಇದೊಂದು ಕಾಲ್ಪನಿಕ ಲೋಕದ ಕಥೆಯಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.

ಈ ಸಿನಿಮಾದ ಫಸ್ಟ್ ಲುಕ್ ಮತ್ತು ಪೋಸ್ಟರ್ ಗಳು ರಿಲೀಸ್ ಆಗಿದ್ದು, ಇದೊಂದು ವೈಜ್ಞಾನಿಕ ಕಾಲ್ಪನಿಕ ಕಥೆಯಾಗಿರಬಹುದು ಎಂದು ಅಭಿಮಾನಿಗಳು ನಿರೀಕ್ಷಿಸುತ್ತಿದ್ದಾರೆ.

ಒಟ್ಟಿನಲ್ಲಿ ಪ್ರಾಜೆಕ್ಟ್ ಕೆ ಸಿನಿಮಾ ಹೇಗಿರುತ್ತೆ ಅನ್ನೋದು ಸಿನಿಮಾಗೆ ಒಳ್ಳೆ ಹೈಪ್ ತಂದಿದೆ. ಇದೇ ವಿಚಾರ ಸಿನಿಮಾದ ಬಗ್ಗೆ ಕುತೂಹಲ ಹೆಚ್ಚುವಂತೆ ಮಾಡಿದೆ.

ನಾವು ಈಗ ನೋಡುತ್ತಿರುವ ಫೋಟೋಗಳಿಗೂ ಪ್ರಾಜೆಕ್ಟ್ ಕೆಗೂ ಯಾವುದೇ ಸಂಬಂಧವಿಲ್ಲ. ಆದರೆ ಸಿನಿಮಾ ಬಹುತೇಕ ಹೀಗೆಯೇ ಇರಲಿದೆ ಎಂಬ ನಿರೀಕ್ಷೆ ನೆಟ್ಟಿಗರಲ್ಲಿದೆ.

ಅವುಗಳನ್ನು ಪ್ರಸಿದ್ಧ ಗ್ರಾಫಿಕ್, ಡಿಜಿಟಲ್ ಮತ್ತು ಫ್ಯಾಂಟಸಿ ವಿಶ್ವ ವಿನ್ಯಾಸಕ ವಿಲಿಯಂ ಕ್ಯಾಸ್ ರಚಿಸಿದ್ದಾರೆ. ವಿಲಿಯಂ ಕಾಸ್ ಅಸಾಧಾರಣ ಕಾಲ್ಪನಿಕ ಜಗತ್ತನ್ನು ಕಲ್ಪಿಸಿಕೊಟ್ಟಿದ್ದಾರೆ.

ಕಾನ್ಸೆಪ್ಟ್​ಗಳು ನೀಟಾಗಿದ್ದರೂ ಎಲ್ಲದರಲ್ಲಿಯೂ ಎಐ ಝಲಕ್ ನೀಟಾಗಿ ಎದ್ದು ಕಾಣುತ್ತಿದೆ. ಆದರೂ ಈ ಚಿತ್ರಗಳು ಮೋಹಕವಾಗಿವೆ.

ಕೆರೆ, ಮನೆ, ಕಾಡು ಎಲ್ಲವನ್ನೂ ಸೂಚಿಸುವಂತಹ ಎಐ ಫೋಟೋಗಳಿಗೆ ಪ್ರೇರಣೆ ಯಾವುದೆಂದು ತಿಳಿಯದಿದ್ದರೂ ಬಹುತೇಕ ಫೋಟೋಗಳ ಬೇಸ್ ಪ್ರಕೃತಿಯಾಗಿದೆ.