Samantha: ಅಕ್ಷಯ್ ಕುಮಾರ್ ಜೊತೆ ಸಿನಿಮಾ ಮಾಡ್ತಾರಾ ಸಮಂತಾ? ಏನಿದು ಹೊಸ ಮ್ಯಾಟರ್?

ಸಮಂತಾ ಪುಷ್ಪ ಸಿನಿಮಾದ ನಂತರ ಫುಲ್ ಟ್ರೆಂಡಿಂಗ್​ನಲ್ಲಿದ್ದಾರೆ. ಬಾಲಿವುಡ್​ನಲ್ಲಿ ಸಹ ನಟಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಈ ಬಗ್ಗೆ ಸಮಂತಾ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಇದೀಗ ಅಭಿಮಾನಿಗಳಲ್ಲಿ ಪ್ರಶ್ನೆ ಮೂಡಿದೆ.

ಸಮಂತಾ ಈಗಾಗಲೇ ಫ್ಯಾಮಿಲಿ ಮ್ಯಾನ್​ ಸೀರೀಸ್​ ಮೂಲಕ ಹಿಂದಿಯಲ್ಲಿ ಅಭಿಮಾನಿಗಳನ್ನು ಪಡೆದುಕೊಂಡಿದ್ದಾರೆ. ಪುಷ್ಪ ಸಿನಿಮಾದಲ್ಲಿ ಸೊಂಟ ಬಳುಕಿಸಿದ ಈ ಸುಂದರಿಗೆ ಬೇಡಿಕೆ ಹೆಚ್ಚಾಗಿದೆ. ಬಾಲಿವುಡ್​ನಿಂದ ಸಹ ಆಫರ್​ಗಳು ಬರುತ್ತಿದೆ.

ಸದ್ಯ ಸಮಂತಾ ಅಕ್ಷಯ್ ಕುಮಾರ್ ಜೊತೆ ಸಿನಿಮಾ ಮಾಡ್ತಾರಾ ಎಂದು ಅಭಿಮಾನಿಗಳು ಕೇಳುತ್ತಿದ್ದಾರೆ. ಅದಕ್ಕೆ ಕಾರಣ ಕಾಫಿ ವಿತ್ ಕರಣ್ ಶೋ. ಸಮಂತಾ ಇತ್ತೀಚೆಗೆ ಕಾಫಿ ವಿತ್ ಕರಣ್ ಶೋನಲ್ಲಿ ಭಾಗವಹಿಸಿದ್ದರು. ಅದರ ಪ್ರೋಮೋ ಫುಲ್ ವೈರಲ್ ಆಗುತ್ತಿದೆ.

ಈ ಪ್ರೋಮೋದಲ್ಲಿ ನಾವು ಸಮಂತಾ ಜೊತೆ ಬಾಲಿವುಡ್​ ನಟ ಅಕ್ಷಯ್​ ಕುಮಾರ್ ಇದ್ದಾರೆ. ಹಾಗಾಗಿ ಸಮಂತಾ ಅಕ್ಷಯ್​ ಕುಮಾರ್ ಜೊತೆ ಸಿನಿಮಾ ಒಪ್ಪಿಕೊಂಡಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ. ಇದು ನಿಜವಾಗಿದ್ದರೆ ಸಮಂತಾ ಅಭಿಮಾನಿಗಳಿಗೆ ಗುಡ್​ನ್ಯೂಸ್​ ಎನ್ನಬಹುದು.

ಇನ್ನೊಂದು ಮುಖ್ಯವಾದ ವಿಚಾರ ಎಂದರೆ ಈ ಸಿನಿಮಾವನ್ನ ಕರಣ್ ಜೋಹಾರ್ ನಿರ್ಮಾಣ ಮಾಡುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಹೌದು, ಸಮಂತಾ ಕರಣ್ ಟೀಂ ಸೇರಿದ್ದಾರಂತೆ. ಅಭಿಮಾನಿಗಳು ಸಮಂತಾ ಬಾಲಿವುಡ್​ನಲ್ಲಿ ಮಿಮಚಲು ರೆಡಿ ಆಗಿರುವುದು ಕೇಳಿ ಖುಷ್​ ಆಗಿದ್ದಾರೆ.

ಒಂದೊಳ್ಳೆ ಕಥೆಯ ಮೂಲಕ ಕಮಾಲ್ ಮಾಡಲು ಸಮಂತಾ ಸಹ ಸಿದ್ದರಿದ್ದಾರೆ. ಆದರೆ ಈ ಬಗ್ಗೆ ಅಕ್ಷಯ್ ಕುಮಾರ್ ಅಥವಾ ಸಮಂತಾ ಆಗಲಿ ಹಾಗೆಯೇ ನಿರ್ಮಾಪಕ ಕರಣ್ ಜೋಹರ್ ಕೂಡ ಯಾವುದೇ ಮಾಹಿತಿ ನೀಡಿಲ್ಲ. ಅಧಿಕೃತ ಮಾಹಿತಿ ಹೊರ ಬರುವುದು ಬಾಕಿ ಇದೆ.

ಸಮಂತಾ ಶೂಟಿಂಗ್ಗಳಲ್ಲಿ ಬ್ಯುಸಿ ಇದ್ದಾರೆ. ವಿಜಯ್ ದೇವರಕೊಂಡ ಜೊತೆ ಖುಷಿ ಸಿನಿಮಾ ಮಾಡುತ್ತಿದ್ದಾರೆ. ಅಲ್ಲದೇ, ಸೋಷಿಯಲ್ ಮೀಡಿಯಾದಲ್ಲಿ ಸಹ ಅವರು ಆಕ್ಟೀವ್ ಇದ್ದು, ಅಭಿಮಾನಿಗಳ ಜೊತೆ ಸಂಪರ್ಕದಲ್ಲಿರುತ್ತಾರೆ.

ಸಾಲು ಸಾಲು ಅವಕಾಶಗಳು ಬರುತ್ತಿದ್ದರೂ ತೆಲುಗು ಸಿನಿಮಾಗಳತ್ತ ಹೆಚ್ಚು ಗಮನ ಹರಿಸುತ್ತಿರುವುದಕ್ಕೆ ಕಾರಣ ಹಿಂದಿಯಿಂದ ಬರುತ್ತಿರುವ ಆಫರ್ ಗಳನ್ನು ಒಪ್ಪುತ್ತಿಲ್ಲ ಎಂಬೆಲ್ಲಾ ಸುದ್ದಿ ಇತ್ತು. ಅಲ್ಲದೇ ಸೆಕೆಂಡ್ ಹೀರೋಯಿನ್ ಆಗಿ ಹೆಚ್ಚು ಆಫರ್ ಬರುತ್ತಿದೆ ಎನ್ನಲಾಗುತ್ತಿತ್ತು. ಆದರೆ ಈ ಹೊಸ ಸುದ್ದಿ ಬಂದಿದ್ದು, ಅಪ್​ಡೇಟ್​ಗೆ ಕಾದುನೋಡಬೇಕಿದೆ.