Shocking News: ಸಂಕಷ್ಟದಲ್ಲಿ ಸ್ಟಾರ್​ ನಟ, ಅನುಮತಿಯಿಲ್ಲದೇ ಈ ಪಕ್ಷಿ ಸಾಕಿದ್ದಕ್ಕೆ 5 ಲಕ್ಷ ದಂಡ!

ಸಂಕಷ್ಟದಲ್ಲಿ ನಟ ರೋಬೋ ಶಂಕರ್ ಸಿಲುಕಿದ್ದಾರೆ. ಅರಣ್ಯ ಇಲಾಖೆಯ ಅನುಮತಿಯಿಲ್ಲದೆ ಎರಡು ಅಲೆಕ್ಸಾಂಡ್ರಿನ್ ಗಿಳಿಗಳನ್ನು ಸಾಕಿದ್ದಕ್ಕಾಗಿ ನಟ ರೋಬೋ ಶಂಕರ್ ಮನೆ ಮೇಲೆ ವನ್ಯಜೀವಿ ಅಪರಾಧ ನಿಯಂತ್ರಣ ದಳ ದಾಳಿ ನಡೆಸಿದೆ.

ಜೊತೆಗೆ 2 ಅಲೆಕ್ಸಾಂಡ್ರಿನ್ ಗಿಳಿಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಗಿಳಿಗಳನ್ನು ವಶಪಡಿಸಿಕೊಂಡು ಮೃಗಾಲಯಕ್ಕೆ ಕಳುಹಿಸಿದೆ.

ಅರಣ್ಯ ಇಲಾಖೆಯಿಂದ ಅನುಮತಿ ಪಡೆಯದ ಹೊರತು ಈ ಅಪರೂಪದ ಜಾತಿಯ ಪಕ್ಷಿಗಳ ಸಂತಾನವೃದ್ಧಿಗೆ ವನ್ಯಜೀವಿ ಸಂರಕ್ಷಣಾ ಕಾಯ್ದೆಯಡಿಯಲ್ಲಿ ಅವಕಾಶವಿಲ್ಲ. ನ

ನಟನಿಗೆ ರೂ. 5 ಲಕ್ಷದವರೆಗೆ ದಂಡ ವಿಧಿಸುವ ಸಾಧ್ಯತೆ ಇದೆ. ಮತ್ತು ಈ ನಟನ ಮನೆಯಲ್ಲಿ ಈ ಗಿಳಿಗಳು ಇರುವ ವಿಷಯ ಪ್ರಾಣಿ ಪ್ರಿಯರಿಂದ ಬೆಳಕಿಗೆ ಬಂದಿದೆ.

ಇನ್ನೂ ರೋಬೋ ಶಂಕರ್​ ಸಾಕಷ್ಟು ತಮಿಳು ಸಿನಿಮಾಗಳಲ್ಲಿ ನಟಿಸಿ ಜನರ ಮೆಚ್ಚುಗೆ ಗಳಿಸಿಕೊಂಡಿದ್ದಾರೆ. ಇತ್ತೀಚೆಗೆ ರೋಬೋ ಶಂಕರ್​ ತಮ್ಮ ಮನೆಯಲ್ಲಿ ಇದ್ದ ಅಪರೂಪದ ಪಕ್ಷಿಗಳ ವಿಶಿಷ್ಟತೆಯನ್ನು ಹೇಳುತ್ತಿರುವ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದರು.

ಈ ಸಂದರ್ಭದಲ್ಲಿ ರೋಬೋ ಶಂಕರ್ ಕುಟುಂಬದ ಸದಸ್ಯರು ಪಂಜರದ ಗಿಳಿಗಳಿಗೆ ಹೇಗೆ ಆಹಾರ ನೀಡುತ್ತಾರೆ ಎಂಬುದನ್ನು ತೋರಿಸಲಾಯಿತು. ವ್ಯಕ್ತಿಯೊಬ್ಬರು ನೀಡಿದ ದೂರಿನ ಮೇರೆಗೆ ಅರಣ್ಯ ಇಲಾಖೆ ಅಧಿಕಾರಿಗಳು ನಟನ ಮನೆಗೆ ಮನೆಗೆ ದಾಳಿ ನಡೆಸಿ ಎರಡು ಗಿಳಿಗಳನ್ನು ವಶಪಡಿಸಿಕೊಂಡಿದ್ದಾರೆ.

ಮೇಲಾಗಿ ಶಂಕರ್ ವಿರುದ್ಧ ವನ್ಯಜೀವಿ ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ. ಈ ಸಂದರ್ಭದಲ್ಲಿ ಅರಣ್ಯ ಇಲಾಖೆಯ ಅಧಿಕಾರಿಗಳು ಗಿಳಿಗಳ ಆರೋಗ್ಯ ಸ್ಥಿತಿ ಕುರಿತು ಪರಿಶೀಲನೆ ನಡೆಸುತ್ತಿದ್ದಾರೆ.

ಈ ಪ್ರಕರಣದಲ್ಲಿ ಜೈಲು ಶಿಕ್ಷೆ ಇಲ್ಲದಿದ್ದರೂ, ರೂ. 5 ಲಕ್ಷದವರೆಗೆ ದಂಡ ವಿಧಿಸುವ ಸಾಧ್ಯತೆ ಇದೆ ಎನ್ನುತ್ತಾರೆ ಅರಣ್ಯ ಇಲಾಖೆ ಅಧಿಕಾರಿಗಳು.