Weekend With Ramesh: ಈ ವಾರ ನೆನಪುಗಳನ್ನು ಮೆಲುಕು ಹಾಕಲು ಬರ್ತಿರುವ ಈ ಸ್ಟಾರ್ ಗೆಸ್ಟ್ ಯಾರು?

ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ಈ ವಾರದ ಅತಿಥಿ ಯಾರು ಎಂದು ತಿಳಿಯಲು ಅಭಿಮಾನಿಗಳು ಕುತೂಹಲದಿಂದ ಕಾಯ್ತಿದ್ದಾರೆ. ಇದೀಗ ಜೀ ವಾಹಿನಿ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟರ್ ಒಂದನ್ನು ರಿಲೀಸ್ ಮಾಡಿದೆ.

ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದ ಈ ವಾರದ ಅತಿಥಿ ಯಾರು ಅಂತ ಗೇಸ್ ಮಾಡಿ ಎಂಬ ಪೋಸ್ಟರ್ ಇದೀಗ ವೈರಲ್ ಆಗಿದೆ. ಮುಖ ಸರಿಯಾಗಿ ಕಾಣದ ಫೋಟೋ ನೋಡಿದ ಅಭಿಮಾನಿಗಳು ಅತಿಥಿಯನ್ನು ಗೆಸ್ ಮಾಡಿಯೇ ಬಿಟ್ಟಿದ್ದಾರೆ.

ನೆನಪುಗಳನ್ನು ಮೆಲುಕು ಹಾಕಲು ಬರ್ತಿರೋದು ನಮ್ಮ ನೆನಪಿರಲಿ ಪ್ರೇಮ್ ಎಂದು ಅನೇಕರು ಕಮೆಂಟ್ ಮಾಡಿದ್ದಾರೆ. ಈ ವಾರ ಸಾಧಕರ ಕುರ್ಚಿಯಲ್ಲಿ ನಟ ಪ್ರೇಮ್ ಕಾಣಿಸಿಕೊಳ್ಳಲಿದ್ದಾರೆ.

ಚಿತ್ರರಂಗಕ್ಕೆ ಗಾಡ್ ಫಾದರ್ ಇಲ್ಲದೆ ಎಂಟ್ರಿ ಕೊಟ್ಟು ಬಳಿಕ ನಟ ಪ್ರೇಮ್ ಹಂತ ಹಂತವಾಗಿ ಬೆಳೆದು ನಿಂತಿದ್ದಾರೆ. ಕನ್ನಡ ಸಿನಿಮಾ ಇಂಡಸ್ಟ್ರಿಗೆ ಅನೇಕ ಹಿಟ್ ಸಿನಿಮಾಗಳನ್ನು ಕೂಡ ನೀಡಿದ್ದಾರೆ.

ವೀಕೆಂಡ್ ವಿತ್ ರಮೇಶ್ ಸೀಸನ್ 4 ಕಾರ್ಯಕ್ರಮ ಈಗಾಗಲೇ 3 ವಾರಗಳನ್ನು ಪೂರ್ಣಗೊಳಿಸಿದೆ. ಸೀಸನ್ 4ರ ಸಾಧಕರ ಕುರ್ಚಿಯಲ್ಲಿ ಮೊದಲ ಅತಿಥಿಯಾಗಿ ಸ್ಯಾಂಡಲ್​ವುಡ್ ನಟಿ ಮೋಹಕ ತಾರೆ ರಮ್ಯಾ ಕಾಣಿಸಿಕೊಂಡ್ರು. ತನ್ನ ಜೀವನದ ಸಿಹಿ-ಕಹಿ ಘಟನೆಗಳನ್ನು ಹಂಚಿಕೊಂಡ್ರು.

ಮೊದಲ ಶೋ ಇಂಗ್ಲಿಷ್ ಮಯವಾಗಿತ್ತು ಎಂದು ಟ್ರೋಲ್ ಕೂಡ ಆಗಿದೆ. ಬಳಿಕ 2ನೇ ವಾರ ಭಾರತದ ಮೈಕಲ್ ಜಾಕ್ಸನ್ ಎಂದೇ ಕರೆಸಿಕೊಳ್ಳುವ ಪ್ರಭುದೇವ್ ಸಾಧಕರ ಕುರ್ಚಿ ಏರಿದ್ರು. ನನ್ನ ಸಿನಿ ಜರ್ನಿಯ ಏಳು-ಬೀಳುಗಳ ಬಗ್ಗೆ ಮುಕ್ತವಾಗಿ ಮಾತಾಡಿದ್ರು.

ಮೂರನೇ ವಾರ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ಇಬ್ಬರು ಅತಿಥಿಗಳು ಕಾಣಿಸಿಕೊಂಡ್ರು. ಜಯದೇವ ಆಸ್ಪತ್ರೆಯ ನಿರ್ದೇಶಕ ಡಾ.ಮಂಜುನಾಥ್ ಸಾಧಕರ ಕುರ್ಚಿಯಲ್ಲಿ ಕುಳಿತು ಹೃದಯದ ಕಥೆ ಹೇಳಿ ಪ್ರೇಕ್ಷಕರ ಹೃದಯ ಗೆದ್ದರು.

ಭಾನುವಾರದ (ಏ.09) ಎಪಿಸೋಡ್​ನಲ್ಲಿ ಹಿರಿಯ ನಟ ದತ್ತಣ್ಣ ಅತಿಥಿಯಾಗಿ ಆಗಮಿಸಿದ್ರು. ಬಾಲ್ಯ, ಶಿಕ್ಷಣ, ಸೇನೆಯಲ್ಲಿ ಸೇವೆ, ರಂಗಭೂಮಿ, ಸಿನಿಮಾ ಜರ್ನಿ ಹೀಗೆ ಸಾಕಷ್ಟು ವಿಚಾರಗಳ ಬಗ್ಗೆ ಮಾತಾಡಿದ ದತ್ತಣ್ಣ, ಬ್ಯಾಚುಲರ್ಸ್ ಬದುಕೆ ಬೆಸ್ಟ್ ಅಂದ್ರು.

ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದ 4ನೇ ಈ ವಾರದ ಅತಿಥಿ ಡಾಲಿ ಧನಂಜಯ್ ಆಗಮಿಸಿದ್ರು. ಸಿನಿಮಾ ಇಂಡಸ್ಟ್ರಿಯಲ್ಲಿ ಬಡವರು ಮಕ್ಕಳು ಬೆಳೆಯೋದು ಎಷ್ಟು ಕಷ್ಟ ಅನ್ನೋದನ್ನು ಎಳೆ ಎಳೆಯಾಗಿ ತಿಳಿಸಿಕೊಟ್ರು.