Imran Khan-Lekha: ಇಮ್ರಾನ್ ಖಾನ್ ಜೊತೆ ಸೌತ್ ನಟಿ ಡೇಟಿಂಗ್; ಕೈ-ಕೈ ಹಿಡಿದು ಓಡಾಡ್ತಿದೆ ಈ ಜೋಡಿ

ಇಮ್ರಾನ್ ಖಾನ್ ಸೌತ್ ನಟಿ ಲೇಖಾ ವಾಷಿಂಗ್ಟನ್ ಜೊತೆ ಫುಲ್ ಕ್ಲೋಸ್ ಆಗಿದ್ದಾರಂತೆ. ಇಬ್ಬರ ವಿಡಿಯೋ ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿವೆ. ಲೇಖಾ ವಾಷಿಂಗ್ಟನ್ ತಮಿಳು ಮತ್ತು ತೆಲುಗು ಚಿತ್ರಗಳಲ್ಲಿ ನಟಿಸಿದ್ದಾರೆ.

ಲೇಖಾ ವಾಷಿಂಗ್ಟನ್ ದಕ್ಷಿಣದ ಜನಪ್ರಿಯ ನಟಿಯಾಗಿದ್ದಾರೆ. ರಂಗಭೂಮಿ ಕಲಾವಿದೆ ಕೂಡ ಆಗಿದ್ದಾರೆ.  ಇವರು 1999ರಲ್ಲಿ ಸೌತ್ ಸಿನಿಮಾ ಮೂಲಕ ಸಿನಿಮಾ ರಂಗಕ್ಕೆ ಎಂಟ್ರಿ ನೀಡಿ ಜನಪ್ರಿಯರಾಗಿದ್ದಾರೆ.

ನಟನೆಯ ನಂತರ ಲೇಖಾ ವಿಡಿಯೋ ಜಾಕಿಯತ್ತ ಮುಖ ಮಾಡಿದರು. 2008ರಲ್ಲಿ ಜಯಮಕೊಂಡನ್ ಚಿತ್ರದಲ್ಲಿ ಕಾಣಿಸಿಕೊಂಡರು. ಲೇಖಾ ವಾಷಿಂಗ್ಟನ್ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದಂತೆ ಅನೇಕ ವಿವಾದಗಳನ್ನು ಮೈಮೇಲೆ ಎಳೆದುಕೊಂಡಿದ್ದಾರೆ.

ನಿರ್ದೇಶಕ ವಿಕಾಸ್ ಬಹ್ಲ್ ತನ್ನನ್ನು ಅನುಚಿತವಾಗಿ ಸ್ಪರ್ಶಿಸಿದ್ದಾರೆ ಎಂದು ಲೇಖಾ ಆರೋಪಿಸಿದ್ದರು. 2018ರಲ್ಲಿ, ಸಾಮಾಜಿಕ ಮಾಧ್ಯಮ ಪೋಸ್ಟ್ ಮೂಲಕ, ಅವರು ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದರು ಮತ್ತು 'ಪೀಟರ್ ಗಯಾ ಕಾಮ್ ಸೆ' ಚಿತ್ರೀಕರಣದ ಸಮಯದಲ್ಲಿ ವಿಕಾಸ್ ಬೆಹ್ಲ್ ತನ್ನನ್ನು ಅನುಚಿತವಾಗಿ ಸ್ಪರ್ಶಿಸಿದ್ದಾರೆ ಎಂದು ಹೇಳಿಕೊಂಡಿದ್ದರು.

ಅಷ್ಟೇ ಅಲ್ಲದೇ ಲೇಖಾ ವಾಷಿಂಗ್ಟನ್ ನಟ ಸಿಂಬು ವಿರುದ್ಧ ಲೈಂಗಿಕ ಶೋಷಣೆ ಆರೋಪ ಕೂಡ ಮಾಡಿದ್ದರು. ಈ ಆರೋಪಗಳ ನಂತರ, ನಟನ ಅಭಿಮಾನಿಗಳ ಲೇಖಾ ವಾಷಿಂಗ್ಟನ್ ವಿರುದ್ಧ ಕಿಡಿಕಾರಿದ್ರು.

2011 ರಲ್ಲಿ ಪ್ಯಾಬ್ಲೋ ಚಟರ್ಜಿ ಎಂಬುವರನ್ನು ಲೇಖಾ ಮದುವೆಯಾಗಿದ್ದರು. ಇದೀಗ ನಟ ಇಮ್ರಾನ್ ಖಾನ್ ಕೈ ಹಿಡಿದುಕೊಂಡ ಜೊತೆ ಜೊತೆಯಾಗಿ ಓಡಾಡ್ತಿದ್ದಾರೆ. ಇದೀಗ ಇಬ್ಬರ ಸಂಬಂಧದ ಬಗ್ಗೆ ಚರ್ಚೆ ಶುರುವಾಗಿದೆ. ಇಮ್ರಾನ್ ಮತ್ತು ಲೇಖಾ ತಮ್ಮ ಸಂಬಂಧದ ಬಗ್ಗೆ ಹೇಳಿಕೊಂಡಿಲ್ಲ.

ಇಮ್ರಾನ್ ಖಾನ್​ಗೂ ಕೂಡ ಈಗಾಗಲೇ ಮದುವೆಯಾಗಿದೆ. ತಮ್ಮ ಬಾಲ್ಯದ ಗೆಳತಿ ಆವಂತಿಕಾ ಮಲಿಕ್ ಅವರನ್ನು 2011 ರಲ್ಲಿ ವಿವಾಹವಾದರು. ಅವರಿಗೆ ಇಮಾರಾ ಎಂಬ ಮಗಳಿದ್ದಾಳೆ. ಅವರು 2019 ರಲ್ಲಿ ವಿಚ್ಛೇದನವನ್ನೂ ಪಡೆದಿದ್ದಾರೆ. (ಫೋಟೋಗಳು- ಲೇಖಾ ವಾಷಿಂಗ್ಟನ್ Instagram)