Naga Chaitanya-Shobhitha: ಸಮಂತಾ ಮಾಜಿ ಪತಿ ನಾಗ ಚೈತನ್ಯ ಡೇಟ್ ಮಾಡ್ತಿರೋ ನಟಿ, ಯಾರೀಕೆ ಶೋಭಿತಾ?

ಸಮಂತಾ ಅವರ ಮಾಜಿ ಪತಿ ನಾಗ ಚೈತನ್ಯ ಅವರು ಶೋಭಿತಾ ಧೂಳೀಪಾಲ ಎಂಬ ನಟಿಯ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನುವ ಸುದ್ದಿ ಸ್ವಲ್ಪ ಸಮಯ ಹಿಂದಿನಿಂದಲೇ ಕೇಳಿ ಬರುತ್ತಿದೆ. ಆರಂಭದಲ್ಲಿ ರೂಮರ್ಸ್ ಎನ್ನಲಾಗಿದ್ದರೂ ಈಗ ಈ ಸುದ್ದಿ ಮತ್ತಷ್ಟು ವೈರಲ್ ಆಗಿದೆ.

ಈಗ ಇಬ್ಬರೂ ವೆಕೇಷನ್ ಹೋಗಿದ್ದು ಇವರ ನಡುವಿನ ಸಂಬಂಧ ಮತ್ತಷ್ಟು ಡಿಸ್ಕಸ್ ಆಗುತ್ತಿದೆ. ಹಾಗಿದ್ದರೆ ಶೋಭಿತಾ ಯಾರು? ಎಲ್ಲಿಯವರು? ಯಾವ ಇಂಡಸ್ಟ್ರಿಯವರು?

ಶೋಭಿತಾ ಧೂಳಿಪಾಲ 31 ಮೇ 1992ರಂದು ಜನಿಸಿದರು. ಭಾರತೀಯ ನಟಿ ಹಾಗೂ ರೂಪದರ್ಶಿಯಾಗಿ ಗುರುತಿಸಲ್ಪಟ್ಟಿರುವ ಇವರು ಸಿನಿಮಾ ನಟಿಯಾಗಿ ಇತ್ತೀಚೆಗೆ ಹೈಲೈಟ್ ಆಗಿದ್ದಾರೆ.

ಶೋಭಿತಾ ತೆಲುಗು, ಹಿಂದಿ, ತಮಿಳು ಮತ್ತು ಮಲಯಾಳಂ ಸಿನಿಮಾಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅವರು ಫೆಮಿನಾ ಮಿಸ್ ಇಂಡಿಯಾ 2013 ಸ್ಪರ್ಧೆಯಲ್ಲಿ ಫೆಮಿನಾ ಮಿಸ್ ಇಂಡಿಯಾ ಅರ್ಥ್ 2013 ಪ್ರಶಸ್ತಿ ಪಡೆದರು.

ಮಿಸ್ ಅರ್ಥ್ 2013ರಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದರು ಶೋಭಿತಾ. ನಟಿ ಅನುರಾಗ್ ಕಶ್ಯಪ್ ಅವರ ಥ್ರಿಲ್ಲರ್ ಚಿತ್ರ ರಾಮನ್ ರಾಘವ್ 2.0 (2016) ಮೂಲಕ ನಟನೆಗೆ ಪಾದಾರ್ಪಣೆ ಮಾಡಿದರು.

ಅವರು ತೆಲುಗು ಚಿತ್ರಗಳಾದ ಗೂಡಾಚಾರಿ (2018) ಮತ್ತು ಮೇಜರ್ (2022), ಮತ್ತು ಮಲಯಾಳಂ ಚಿತ್ರ ಕುರುಪ್ (2021) ನಲ್ಲಿ ನಟಿಸಿದರು. ಕುರುಪ್ ಸಿನಿಮಾದಲ್ಲಿ ದುಲ್ಕರ್​ ಸಲ್ಮಾನ್​ಗೆ ಜೋಡಿಯಾಗಿದ್ದರು.

ಇದೀಗ ಶೋಭಿತಾ ನಾಗ ಚೈತನ್ಯ ಜೊತೆ ಡೇಟ್ ಮಾಡುತ್ತಿರುವ ವಿಚಾರ ಹೆಚ್ಚು ಚರ್ಚೆಯಾಗುತ್ತಿದೆ. ಇನ್ನೂ ಸೂಪರ್ ಹಿಟ್ ಸಿನಿಮಾ ಕೊಡದಿದ್ದರೂ ಶೋಭಿತಾ ಸ್ವಲ್ಪ ಮಟ್ಟಿಗೆ ಪ್ರಸಿದ್ಧಿ ಪಡೆದಿದ್ದಾರೆ.