Samantha-Nidhhi: ಸಮಂತಾ ಮಾತ್ರವಲ್ಲ ಈ ನಟಿಯರಿಗೂ ಅಭಿಮಾನಿಗಳು ನಿರ್ಮಿಸಿದ್ದಾರೆ ದೇವಸ್ಥಾನ!

ನೆಚ್ಚಿನ ನಟ-ನಟಿಯರಿಗಾಗಿ ಅಭಿಮಾನಿಗಳು ಏನು ಬೇಕಾದ್ರೂ ಮಾಡಲು ಸಿದ್ಧರಿರುತ್ತಾರೆ. ಕೆಲ ಅಭಿಮಾನಿಗಳು ನಟಿ ಮಣಿಯರಿಗಾಗಿ ದೇಗುಲವನ್ನೇ ನಿರ್ಮಿಸಿದ್ದಾರೆ. ಇಲ್ಲಿಯವರೆಗೂ ಯಾವ ಯಾವ ನಟಿಯರ ಹೆಸರಲ್ಲಿ ದೇವಾಲಯ ನಿರ್ಮಾಣವಾಗಿದೆ ಗೊತ್ತಾ? (ಫೈಲ್/ಫೋಟೋಗಳು)

ನೆಚ್ಚಿನ ನಟ-ನಟಿಯರಿಗಾಗಿ ಅಭಿಮಾನಿಗಳು ಏನು ಬೇಕಾದ್ರೂ ಮಾಡಲು ಸಿದ್ಧರಿರುತ್ತಾರೆ. ಕೆಲ ಅಭಿಮಾನಿಗಳು ನಟಿ ಮಣಿಯರಿಗಾಗಿ ದೇಗುಲವನ್ನೇ ನಿರ್ಮಿಸಿದ್ದಾರೆ. ಇಲ್ಲಿಯವರೆಗೂ ಯಾವ ಯಾವ ನಟಿಯರ ಹೆಸರಲ್ಲಿ ದೇವಾಲಯ ನಿರ್ಮಾಣವಾಗಿದೆ ಗೊತ್ತಾ? (ಫೈಲ್/ಫೋಟೋಗಳು)

ಅಭಿಮಾನಿಯೊಬ್ಬ ಸಮಂತಾಗೆ ದೇವಸ್ಥಾನ ಕಟ್ಟಿದ್ದು ಭಾರೀ ಸುದ್ದಿಯಾಗಿದೆ. ಆಂಧ್ರಪ್ರದೇಶದ ಬಾಪಟ್ಲಾ ಜಿಲ್ಲೆಯ ಅಲಪಾಡು ಮೂಲದ ಸಂದೀಪ್ ಎಂಬ ವ್ಯಕ್ತಿ ತನ್ನ ಮನೆಯ ಆವರಣದಲ್ಲೇ ಸಮಂತಾಗಾಗಿ ಪುಟ್ಟ ಗೂಡು ಕಟ್ಟಿದ್ದಾರೆ. (ಫೈಲ್/ಫೋಟೋಗಳು)

ಸಮಂತಾ ಮೇಲಿನ ಅಭಿಮಾನದಿಂದ ಸಂದೀಪ್ ಎಂಬ ಯುವಕ ಈಗಾಗಲೇ ತಿರುಪತಿ, ಚೆನ್ನೈ, ನಾಗಪಟ್ಟಣಂ ದೇವಸ್ಥಾನಗಳಿಗೆ ನಟಿಯ ಹೆಸರಲ್ಲಿ ತೀರ್ಥಯಾತ್ರೆ ಮಾಡಿದ್ದಾರಂತೆ. ಸಮಂತಾ ಮಯೋಸಿಟಿಸ್​ನಿಂದ ಚೇತರಿಸಿಕೊಂಡ ನಂತರ ಸಂದೀಪ್ ಈ ಯಾತ್ರೆ ಮಾಡಿದ್ರು. ಇದೀಗ ದೇಗುಲ ನಿರ್ಮಿಸಿ ಮೂರ್ತಿ ಇಡಲು ಮುಂದಾಗಿದ್ದಾರೆ. ಇದೀಗ ಈ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. (ಟ್ವಿಟರ್/ಫೋಟೋ)

ನಾಯಕಿಯರಿಗೆ ದೇವಸ್ಥಾನ ಕಟ್ಟುವ ಸಂಪ್ರದಾಯ ಹಿರಿಯ ನಾಯಕಿ ಖುಷ್ಬೂ ಅವರಿಂದಲೇ ಆರಂಭವಾಯಿತು ಎಂದು ಹೇಳಬಹುದಾಗಿದೆ. ತಮಿಳುನಾಡಿನಲ್ಲಿ ಖುಷ್ಬೂ ಅಭಿಮಾನಿಗಳು ದೇಗುಲ ನಿರ್ಮಿಸಿ ಹಾಲಿನಭಿಷೇಕ ಮಾಡಿದ್ದು ಭಾರೀ ಸುದ್ದಿ ಆಗಿತ್ತು. (ಫೈಲ್/ಫೋಟೋ)

ಸೌತ್ ಲೇಡಿ ಸೂಪರ್ ಸ್ಟಾರ್ ನಯನತಾರಾಗೆ ಅಭಿಮಾನಿಗಳು ದೇವಾಲಯ ನಿರ್ಮಿಸಿದ್ದಾರೆ. ರಜನಿಕಾಂತ್ ಅಭಿನಯದ ‘ಚಂದ್ರಮುಖಿ’ ಸಿನಿಮಾದ ಮೂಲಕ ಜನಪ್ರಿಯತೆ ಗಳಿಸಿದ ಕೇರಳದ ಕುಟ್ಟಿ ನಯನತಾರಾಗೆ ಅಭಿಮಾನಿಗಳು ದೇವಸ್ಥಾನ ಕಟ್ಟಿ ಪೂಜಿಸಿದ್ದಾರೆ. ಫೈಲ್/ಫೋಟೋ)

ಖುಷ್ಬೂ ಮತ್ತು ನಯನತಾರಾ ಬಳಿಕ ತಮಿಳುನಾಡಿನ ನಮಿತಾ ಅಭಿಮಾನಿಗಳು ಆಕೆಗಾಗಿ ದೇಗುಲ ನಿರ್ಮಿಸಿದ್ರು. ತೆಲುಗಿನಲ್ಲಿ ‘ಸೊಂಟಂ’ ಚಿತ್ರದ ಮೂಲಕ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟ ನಟಿ ನಮಿತಾ, ತಮಿಳು ಸಿನಿಮಾಗಳಲ್ಲಿ ನಟಿಸಿ ಜನಪ್ರಿಯತೆ ಪಡೆದರು. (ಫೈಲ್/ಫೋಟೋ)

ತಮಿಳು ಅಭಿಮಾನಿಗಳು ಮಂದಿರ ಕಟ್ಟಿರುವ ನಾಯಕಿಯರ ಪಟ್ಟಿಗೆ ಹನ್ಸಿಕಾ ಕೂಡ ಸೇರಿಕೊಂಡಿದ್ದಾರೆ. ತಮಿಳಿನಲ್ಲಿ ಆಕೆಯ ಚಿತ್ರಗಳಿಗೆ ಉತ್ತಮ ಪ್ರತಿಕ್ರಿಯೆ ಬಂದಿದ್ದರಿಂದ ಅಭಿಮಾನಿಗಳು ದೇಗುಲಗಳನ್ನು ನಿರ್ಮಿಸಿ ಅರ್ಚನೆ, ಹಾಲಿನ ಅಭಿಷೇಕಗಳನ್ನು ಮಾಡಿದರು.

ಖುಷ್ಬೂ, ನಯನತಾರಾ, ನಮಿತಾ, ಹನ್ಸಿಕಾ ನಂತರ ಅಭಿಮಾನಿಗಳು ಸೇರಿ ಮಂದಿರ ಕಟ್ಟುವ ಮಟ್ಟಕ್ಕೆ ನಟಿ ನಿಧಿ ಅಗರ್ವಾಲ್ ಕೂಡ ಬೆಳೆದಿದ್ದಾರೆ. ನಿಧಿ ಅಗರ್ವಾಲ್ ಸ್ಟಾರ್ ಹೀರೋಯಿನ್ ಅಲ್ಲದಿದ್ರೂ ಕೆಲ ಅಭಿಮಾನಿಗಳು ಆಕೆಗೆ ದೇವಸ್ಥಾನ ಕಟ್ಟಿಸಿ ಪೂಜಿಸಿದ್ದಾರೆ.