Martin: ಧ್ರುವ ಜೊತೆ ನಟಿಸಿರೋ ಆ ಇಬ್ಬರು ದೈತ್ಯರು ಯಾರು? ಇವರ ಹಿಸ್ಟರಿ ತಿಳಿದುಕೊಂಡ್ರೆ ಬೆಚ್ಚಿ ಬೀಳ್ತೀರಾ!

ಧ್ರುವ ಸರ್ಜಾ ಅಭಿನಯದ ಮಾರ್ಟಿನ್ ಸಿನಿಮಾದ ಟೀಸರ್ ಫೆಬ್ರವರಿ 23 ಬಿಡುಗಡೆಯಾಗಿದೆ. ಟೀಸರ್ ಸಿನಿಪ್ರೇಮಿಗಳಿಗೆ ಇಷ್ಟವಾಗಿದ್ದು, ಒಂದೇ ದಿನದಲ್ಲಿ ಎರಡು ಕೋಟಿಗೂ ಹೆಚ್ಚು ಬಾರಿ ವೀಕ್ಷಣೆಯಾಗಿದೆ.

ಟೀಸರ್​ ನೋಡಿದ ಪ್ರತಿಯೊಬ್ಬರು ಸಿನಿಮಾ ರಿಲೀಸ್​ ಯಾವಾಗ ಆಗುತ್ತೆ ಅಂತ ತುದಿಗಾಲಿನಲ್ಲಲಿ ಕಾಯುತ್ತಿದ್ದಾರೆ. ಅದರಲ್ಲೂ ಧ್ರುವ ಸರ್ಜಾ ಆ್ಯಕ್ಷನ್​ ನೋಡಿ ಎಲ್ಲರೂ ಫಿದಾ ಆಗಿದ್ದಾರೆ.

ಅಲ್ಲದೇ ಟೀಸರ್ ಕೊನೆಯಲ್ಲಿ ಧ್ರುವ ಸರ್ಜಾ ಇಬ್ಬರು ದಿಗ್ಗಜರ ಜೊತೆ ಕಾದಾಡುತ್ತಿರುವ ದೃಶ್ಯಗಳು ಅದ್ಭುತವಾಗಿದೆ. ಟೀಸರ್‌ನಲ್ಲಿ ಕಾಣಿಸಿಕೊಂಡಿರುವ ಇಬ್ಬರು ವ್ಯಕ್ತಿಗಳು ನಿಜವಾಗಿಯೂ ಮನುಷ್ಯರೇ ಅನ್ನಿಸುವಷ್ಟು ಭಯಂಕರವಾಗಿ ಕಾಣಿಸುತ್ತಾರೆ.

ಮಾರ್ಟಿನ್ ಚಿತ್ರದಲ್ಲಿ ಧ್ರುವ ಸರ್ಜಾ ಜೊತೆ ಕಾಣಿಸಿಕೊಂಡಿರುವ ಇಬ್ಬರು ಹೆಸರು ನ್ಯಾಥನ್ ಜೋನಾಸ್ ಮತ್ತು ರೂಬಿಲ್ ಮೊಸ್ಕ್ವೆರಾ. ವಿಶ್ವದ ಅತ್ಯುತ್ತಮ ದೇಹದಾರ್ಢ್ಯ ಪಟುಗಳು.

ಇಬ್ಬರನ್ನು ನೋಡಿದರೂ ಒಂದು ಕ್ಷಣ ಬೆಚ್ಚಿ ಬೀಳುವಂತಿದ್ದಾರೆ. ಹಾಲಿವುಡ್​, ಕೆಲ ಬಾಲಿವುಡ್​ ಸಿನಿಮಾಗಳಲ್ಲೂ ಅಜಾನುಬಾಹು ನ್ಯಾಥನ್​ ಜೋನಸ್ ನಟಿಸಿದ್ದಾರೆ. ಜಾಕಿಚಾನ್​ರ ‘ಫಸ್ಟ್ ಸ್ಟ್ರೈಕ್’, ಟೋನಿ ಜಾ ನಟನೆಯ ‘ದಿ ಪ್ರೊಟೆಕ್ಟರ್’, ಆಸ್ಕರ್ ವಿಜೇತ ‘ಮ್ಯಾಡ್​ ಮ್ಯಾಕ್ಸ್; ಫ್ಯೂರಿ ರೋಡ್’, ‘ದಿ ಸ್ಕಾರ್ಪಿಯನ್ ಕಿಂಗ್’, ‘ಟ್ರಾಯ್’ ಸಿನಿಮಾಗಳ ಜೊತೆಗೆ ತಮಿಳಿನ ‘ಭೂಲಾಹಂ’, ಹಿಂದಿಯ ‘ಎ ಫ್ಲೈಯಿಂಗ್ ಜೆಟ್’ ಸಿನಿಮಾಗಳಲ್ಲಿ ನ್ಯಾಥನ್​ ಜೋನಸ್​ ನಟಿಸಿದ್ದಾರೆ.

ಜಾಕಿಚಾನ್​ರ ‘ಫಸ್ಟ್ ಸ್ಟ್ರೈಕ್’, ಟೋನಿ ಜಾ ನಟನೆಯ ‘ದಿ ಪ್ರೊಟೆಕ್ಟರ್’, ಆಸ್ಕರ್ ವಿಜೇತ ‘ಮ್ಯಾಡ್​ ಮ್ಯಾಕ್ಸ್; ಫ್ಯೂರಿ ರೋಡ್’, ‘ದಿ ಸ್ಕಾರ್ಪಿಯನ್ ಕಿಂಗ್’, ‘ಟ್ರಾಯ್’ ಸಿನಿಮಾಗಳ ಜೊತೆಗೆ ತಮಿಳಿನ ‘ಭೂಲಾಹಂ’, ಹಿಂದಿಯ ‘ಎ ಫ್ಲೈಯಿಂಗ್ ಜೆಟ್’ ಸಿನಿಮಾಗಳಲ್ಲಿ ನ್ಯಾಥನ್​ ಜೋನಸ್​ ನಟಿಸಿದ್ದಾರೆ.

ನ್ಯಾಥನ್ ಜೋನಸ್ ಡಬ್ಲುಡಬ್ಲುಎ, ಡಬ್ಲುಡಬ್ಲುಇ ನಲ್ಲಿ ಹಲವು ಪ್ರಶಸ್ತಿಗಳನ್ನು ಬಾಚಿಕೊಂಡಿದ್ದಾರೆ. ಇದಕ್ಕೂ ಮುನ್ನ ಆಸ್ಟ್ರೇಲಿಯಾದಲ್ಲಿ ದರೋಡೆಕೋರನಾಗಿದ್ದ ನ್ಯಾಥನ್ 16 ವರ್ಷ ಜೈಲುವಾಸವನ್ನೂ ಅನುಭವಿಸಿದ್ದಾರೆ.

ಟೀಸರ್​ನಲ್ಲಿ ಗಮನ ಸೆಳೆವ ಮತ್ತೊಬ್ಬ ದೈತ್ಯ ರೂಬಿಲ್ ಮೊಸ್ಕ್ಯುರಾ. ಈತನನ್ನು ‘ನೆಕ್​ಜಿಲಾ’ ಎಂದು ಇವರನ್ನು ಕರೆಯುತ್ತಾರೆ. ಭಾರಿ ಗಾತ್ರದ ಕತ್ತು ಹೊಂದಿರುವ ಕಾರಣಕ್ಕೆ ರೂಬಿಲ್​ಗೆ ಈ ಹೆಸರು ಬಂದಿದೆ.

ಅವರಷ್ಟು ದಪ್ಪ, ದೊಡ್ಡದಾದ ಕತ್ತನ್ನು ಹೊಂದಿರುವ ವ್ಯಕ್ತಿ ವಿಶ್ವದಲ್ಲಿಯೇ ಇಲ್ಲ. ರೂಬಿಲ್​ನ ಕತ್ತಿನ ಸುತ್ತಳತೆ ಬರೋಬ್ಬರಿ 52 ಸೆಂಟಿಮೀಟರ್​ಗಳು.

ರೂಬಿಲ್ ಕೊಲಂಬಿಯಾ ದೇಶದವರು. ದಿನದ ಹಲವು ಗಂಟೆ ಜಿಮ್​ನಲ್ಲಿ ಕಳೆಯುವ ಈ ದೈತ್ಯ, ಕತ್ತಿನ ಭಾಗಕ್ಕಾಗಿಯೇ ವಿಶೇಷ ವ್ಯಾಯಾಮ, ಲಿಫ್ಟಿಂಗ್​ಗಳನ್ನು ಮಾಡುತ್ತಾರೆ.