Karan Johar: ತನ್ನ ಬಯೋಪಿಕ್​ನಲ್ಲಿ ಯಾರು ನಟಿಸ್ಬೇಕು ಎಂದು ರಿವೀಲ್ ಮಾಡಿದ ಕರಣ್ ಜೋಹರ್

ಬಾಲಿವುಡ್ ನಟ ರಣವೀರ್ ಸಿಂಗ್ ತಮ್ಮ 'ಬಯೋಪಿಕ್'ನ ಭಾಗವಾಗಬೇಕೆಂದು ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ ಬಯಸಿದ್ದಾರೆ. ಏಕೆಂದರೆ ನಟ ತಮ್ಮ ಪಾತ್ರವನ್ನು ಉತ್ತಮವಾಗಿ ನಿರ್ವಹಿಸಬಲ್ಲರು. ಇದಲ್ಲದೆ, ಅವರು ತಮ್ಮ ಬಾಲ್ಯವನ್ನು ತೆರೆಯ ಮೇಲೆ ತೋರಿಸಬೇಕೆಂದು ಬಯಸುತ್ತಿರುವುದಾಗಿ ಬಹಿರಂಗಪಡಿಸಿದರು. ಏಕೆಂದರೆ ತಾವು ಅದ್ಭುತ ಬಾಲ್ಯದ ನೆನಪುಗಳನ್ನು ಹೊಂದಿದ್ದು, ಪೋಷಕರು ತನಗೆ ಎಲ್ಲವನ್ನೂ ಚೆನ್ನಾಗಿ ಕಲಿಸಿದರು ಎಂದಿದ್ದಾರೆ.

ರೊಪೊಸೊದಲ್ಲಿ ಲೈವ್ ಶೋನಲ್ಲಿ, 'ಕುಚ್ ಕುಚ್ ಹೋತಾ ಹೈ' ನಿರ್ದೇಶಕರಿಗೆ ಅವರ ಜೀವನಚರಿತ್ರೆಯಲ್ಲಿ ಅವರ ಪಾತ್ರವನ್ನು ಯಾರು ಉತ್ತಮವಾಗಿ ಚಿತ್ರಿಸಬಹುದು ಎಂದು ಕೇಳಿದಾಗ, ಕರಣ್ ಜೋಹರ್ ಉತ್ತರಿಸಿ, "ರಣವೀರ್ ಸಿಂಗ್ ಎಂದು ನಾನು ಭಾವಿಸುತ್ತೇನೆ. ಅವರು ಅವರ ಕೈಲಾದಷ್ಟು ಮಾಡುತ್ತಾರೆ ಎಂದಿದ್ದಾರೆ.

ಕರಣ್ ಅವರು ಚಲನಚಿತ್ರ ನಿರ್ಮಾಪಕರಾದ ಯಶ್ ಜೋಹರ್ ಮತ್ತು ಹಿರೂ ಜೋಹರ್ ಅವರಿಗೆ ಜನಿಸಿದರು. ಕುಚ್ ಕುಚ್ ಹೋತಾ ಹೈ ಚಿತ್ರದ ಮೂಲಕ ನಿರ್ದೇಶಕರಾಗಿ ಪಾದಾರ್ಪಣೆ ಮಾಡಿದರು.

ನಂತರ 'ಕಭಿ ಖುಷಿ ಕಭಿ ಗಮ್', 'ಕಭಿ ಅಲ್ವಿದಾ ನಾ ಕೆಹನಾ', 'ಮೈ ನೇಮ್ ಈಸ್ ಖಾನ್', 'ಸ್ಟೂಡೆಂಟ್ ಆಫ್ ದಿ ಇಯರ್' ಹೀಗೆ ಹಲವು ಚಿತ್ರಗಳನ್ನು ನಿರ್ದೇಶಿಸಿದ್ದಾರೆ.

ನನ್ನ ಬಾಲ್ಯ ಅದ್ಭುತವಾಗಿತ್ತು ಎಂದು ಕರಣ್ ಹೇಳುತ್ತಾರೆ. ನನ್ನ ಹೆತ್ತವರು ತುಂಬಾ ಒಳ್ಳೆಯವರಾಗಿದ್ದರು. ಜೀವನದಲ್ಲಿ ನನಗೆ ಅದ್ಭುತವಾದ ಪಾಠಗಳನ್ನು ಕಲಿಸಿದರು ಎಂದಿದ್ದಾರೆ.

ನಾನು ಕೂಡ ಇತರರಿಗಿಂತ ಭಿನ್ನವಾಗಿರುವುದರಿಂದ ಅದಕ್ಕೆ ಬೆಲೆ ತೆರಬೇಕಾಯಿತು. ಇದು ಕಷ್ಟಕರವಾಗಿತ್ತು, ಆದರೆ ತುಂಬಾ ಪವರ್​​ಫುಲ್ ಟೈಂ. ಏಕೆಂದರೆ ನಾನು ಹಿಂತಿರುಗಿ ನೋಡಿದಾಗ, ಆ ಹಂತದಲ್ಲಿ ನಾನು ಸಾಕಷ್ಟು ಕಲಿತಿದ್ದೇನೆ ಎಂದು ನನಗೆ ಅನಿಸುತ್ತದೆ ಎಂದಿದ್ದಾರೆ.

ಕರಣ್ ಅವರನ್ನು KJo ಎಂದು ಕರೆಯಲಾಗಿದ್ದರೂ, ಅವರು ಈ ಅಡ್ಡಹೆಸರನ್ನು ಇಷ್ಟಪಡುವುದಿಲ್ಲ. ಜನರು ಅವರನ್ನು ಕರಣ್ ಎಂದು ಕರೆಯಬೇಕೆಂದು ಬಯಸುತ್ತಾರೆ ಎಂದು ಬಹಿರಂಗಪಡಿಸಿದರು.

ಇದರೊಂದಿಗೆ ಕರಣ್ ಜೋಹರ್ ಅವರು ತಮ್ಮ ಟಾಕ್ ಶೋನಲ್ಲಿ ಅಂತರಾಷ್ಟ್ರೀಯ ತಾರೆಗಳಾದ ಎಲ್ಲೆನ್ ಡಿಜೆನೆರೆಸ್ ಮತ್ತು ಮೆರಿಲ್ ಸ್ಟ್ರೀಪ್ ಅವರನ್ನು ಅತಿಥಿಗಳಾಗಿ ಸೇರಿಸಿಕೊಳ್ಳುವ ಬಯಕೆಯನ್ನು ಹಂಚಿಕೊಂಡರು.