Pawan Kalyan: ಪವನ್ ಕಲ್ಯಾಣ್ ಮೊದಲ ಪತ್ನಿ ನಂದಿನಿ ಈಗ ಎಲ್ಲಿದ್ದಾರೆ? ಈಕೆ ಎಷ್ಟು ಕೋಟಿ ಒಡತಿ ಗೊತ್ತಾ?

ಪವನ್ ಕಲ್ಯಾಣ್ ಟಾಲಿವುಡ್​ನಲ್ಲಿ ಸಾಲು ಸಾಲು ಸಿನಿಮಾಗಳನ್ನು ಮಾಡುತ್ತಾ ಬ್ಯುಸಿ ಆಗಿದ್ದಾರೆ. 2009ರಲ್ಲಿ ಅಣ್ಣಾ ಪ್ರಜಾ ರಾಜ್ಯಂ ಪಕ್ಷದ ಮೂಲಕ ಪವನ್ ಕಲ್ಯಾಣ್ ರಾಜಕೀಯಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. 2014ರಲ್ಲಿ ತಮ್ಮದೇ ಆದ ಜನಸೇನಾ ಪಕ್ಷವನ್ನು ಸ್ಥಾಪಿಸಿದರು. ಈಗ 2019ರ ಚುನಾವಣೆಯಲ್ಲಿ ಗಜುವಾಕ ಮತ್ತು ಭೀಮಾವರಂನಿಂದ ಶಾಸಕರಾಗಿ ಸ್ಪರ್ಧಿಸಿ ಸೋತಿದ್ದರು. ವಿರೋಧ ಪಕ್ಷಗಳ ನಾಯಕರು ಕೂಡ ಪವನ್ ಕಲ್ಯಾಣ್ ಮೂರು ಮದುವೆ ವಿಚಾರವನ್ನೇ ಅಸ್ತ್ರ ಮಾಡಿಕೊಂಡಿದ್ದಾರೆ. (ಟ್ವಿಟರ್/ಫೋಟೋ)

ಪವನ್ ಕಲ್ಯಾಣ್ ಎರಡನೇ ಪತ್ನಿ ರೇಣು ದೇಸಾಯಿ ಮತ್ತು ಮೂರನೇ ಪತ್ನಿ ಅನ್ನಾ ಲೆಜ್ನೆವಾ ಬಗ್ಗೆ ಎಲ್ಲರಿಗೂ ತಿಳಿದಿದೆ. ಆದರೆ ಅವರ ಮೊದಲ ಪತ್ನಿ ನಂದಿನಿ ಬಗ್ಗೆ ಕೆಲವೇ ಕೆಲವು ಜನರಿಗೆ ತಿಳಿದಿದೆ. ವಿಚ್ಛೇದನದ ನಂತರ ಪವನ್ ಕಲ್ಯಾಣ್ ಅವರ ಮೊದಲ ಪತ್ನಿ ಏನು ಮಾಡುತ್ತಿದ್ದಾರೆ ಎಂಬ ಕುತೂಹಲ ಅವರ ಅಭಿಮಾನಿಗಳಲ್ಲಿದೆ. (ಟ್ವಿಟರ್/ಫೋಟೋ)

ಪವನ್ ಕಲ್ಯಾಣ್ 1997ರಲ್ಲಿ ನಂದಿನಿ ಎಂಬ ಹುಡುಗಿಯನ್ನು ವಿವಾಹವಾದರು. ಅದರ ನಂತರ 2007ರಲ್ಲಿ ಅವರು ವಿಚ್ಛೇದನ ಪಡೆದರು. ತಮ್ಮ ಮೊದಲ ಪತ್ನಿಗೆ ವಿಚ್ಛೇದನ ನೀಡಿದ ಬಳಿಕ 2008 ರಲ್ಲಿ ರೇಣು ದೇಸಾಯಿ ಅವರನ್ನು ವಿವಾಹವಾದರು. ರೇಣು ದೇಸಾಯಿ ಅವರಿಗೂ ವಿಚ್ಛೇದನ ನೀಡಿ ರಷ್ಯಾದ ಹುಡುಗಿ ಅನ್ನಾ ಲೆಜ್ನೆವಾ ಅವರನ್ನು ಮೂರನೇ ಬಾರಿಗೆ ವಿವಾಹವಾದರು. (ಟ್ವಿಟರ್/ಫೋಟೋ)

ಪವನ್ ಕಲ್ಯಾಣ್ ಮೇಲೆ ಯಾವುದೇ ರಾಜಕೀಯ ಭ್ರಷ್ಟಾಚಾರದ ಆರೋಪ ಇಲ್ಲ. ಹೀಗಾಗಿ ಅವರ ವಿರೋಧಿಗಳು ಅವರ ವೈಯಕ್ತಿಕ ಬದುಕನ್ನೇ ಗುರಿಯಾಗಿಸಿಕೊಂಡಿದ್ದಾರೆ. ಎದುರಾಳಿ ಪಕ್ಷಗಳು ಪವನ್ ಮದುವೆಯನ್ನು ಟೀಕಿಸುತ್ತಾ ಬಂದಿದ್ದಾರೆ. ಮೂರು ಮದುವೆಯಾಗಿದ್ದಕ್ಕೆ ಪವನ್ ಅವರನ್ನು ಪದೇ ಪದೇ ಅವಮಾನಿಸುತ್ತಿದ್ದಾರೆ. ಈ ವಿಷಯದ ಬಗ್ಗೆ ಪವನ್ ಕಲ್ಯಾಣ್ ಕೂಡ ಬಾಲಯ್ಯ ಅವರ ಅನ್​ಸ್ಟಾಪಬಲ್ ಶೋನಲ್ಲಿ ಸ್ಪಷ್ಟನೆ ನೀಡಿದ್ದಾರೆ. (ಟ್ವಿಟರ್/ಫೋಟೋ)

ಪವನ್ ಮೆಗಾಸ್ಟಾರ್ ಚಿರಂಜೀವಿ ಅವರ ಕಿರಿಯ ಸಹೋದರನಾಗಿ ಚಿತ್ರರಂಗಕ್ಕೆ ಪ್ರವೇಶಿಸಿದರು. ಅಕ ಬೋಯ ಅಕ ಗಿಯಾಲ ಚಿತ್ರದ ಮೂಲಕ ನಾಯಕನಾಗಿ ಪದಾರ್ಪಣೆ ಮಾಡಿ ಹಂತ ಹಂತವಾಗಿ ಪವರ್ ಸ್ಟಾರ್ ಆಗಿ ಬೆಳೆದರು. ಸುಸ್ವಾಗತಂ, ತೊಲಿಪ್ರೇಮ, ತಮ್ಮುಡು, ಖುಷಿ, ಗಬ್ಬರ್ ಸಿಂಗ್, ಅತ್ತಾರಿಂಟಿಕಿ ದಾರೇದಿ, ವಕೀಲ್ ಸಾಬ್, ಭೀಮ್ಲಾ ನಾಯಕ್ ಸಿನಿಮಾಗಳ ಮೂಲಕ ತೆಲುಗಿನಲ್ಲಿ ಟಾಪ್ ಹೀರೋ ಆಗಿದ್ದಾರೆ. (ಟ್ವಿಟರ್/ಫೋಟೋ)

ಪವನ್ ಕಲ್ಯಾಣ್ 1997ರಲ್ಲಿ ವಿಶಾಖಪಟ್ಟಣದ ನಂದಿನಿ ಎಂಬ ಹುಡುಗಿಯನ್ನು ಮೊದಲು ವಿವಾಹವಾದರು. ಕುಟುಂಬ ಸದಸ್ಯರ ಸಮ್ಮುಖದಲ್ಲಿ ವಿವಾಹ ನೆರವೇರಿತು. ಕೆಲ ದಿನಗಳ ನಂತರ ಇಬ್ಬರ ನಡುವೆ ಜಗಳ ನಡೆದಿದೆ. ಕೊನೆಗೆ ಅದು ವಿಚ್ಛೇದನಕ್ಕೆ ಕಾರಣವಾಯಿತು. (ಫೈಲ್/ಫೋಟೋ)

ಆ ವೇಳೆ ನಂದಿನಿ ಪವನ್ ಕಲ್ಯಾಣ್ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದರು. ನಂತರ 2007ರಲ್ಲಿ ಪವನ್ ಕಲ್ಯಾಣ್ ನಂದಿನಿಯಿಂದ ವಿಚ್ಛೇದನ ಪಡೆದರು. ಆ ನಂತರ ಪವನ್ ಕಲ್ಯಾಣ್, ರೇಣು ದೇಸಾಯಿ ಜೊತೆ ‘ಬದ್ರಿ’ ಸಿನಿಮಾದಲ್ಲಿ ನಟಿಸಿದ್ದರು. ಆ ನಂತರ ಆಕೆಯನ್ನೇ ರಿಜಿಸ್ಟರ್ ಮ್ಯಾರೇಜ್ ಆದರು. ರೇಣು ದೇಸಾಯಿ ಜೊತೆಗಿನ ಸಂಬಂಧ ಕೂಡ ಮುರಿದುಬಿತ್ತು. ರಷ್ಯಾದ ನಟಿ ಅನ್ನಾ ಲೆಜ್ನೆವಾ ಅವರನ್ನು ವಿವಾಹವಾದರು. ಈ ದಂಪತಿಗೆ ಒಬ್ಬ ಮಗಳು ಮತ್ತು ಒಬ್ಬ ಮಗ ಇದ್ದಾರೆ. (ಟ್ವಿಟರ್/ಫೋಟೋ)

ಪವರ್ ಸ್ಟಾರ್ ಜೊತೆಗಿನ ವಿಚ್ಛೇದನದ ನಂತರ ನಂದಿನಿ ತನ್ನ ಹೆಸರನ್ನು ಜಾನ್ ಎಂದು ಬದಲಾಯಿಸಿಕೊಂಡರು. 2010ರಲ್ಲಿ ಡಾ. ಕೃಷ್ಣಾ ರೆಡ್ಡಿ ಅವರನ್ನು ವಿವಾಹವಾದರು. ಸದ್ಯ ಅವರು ಅಮೆರಿಕದಲ್ಲಿ ನೆಲೆಸಿದ್ದಾರೆ ಎನ್ನಲಾಗ್ತಿದೆ. ನಂದಿನಿ ಈಗ 200 ಕೋಟಿ ಒಡತಿಯಾಗಿದ್ದಾರೆ. 2ನೇ ಪತಿಯ ಜೊತೆ ತನ್ನ ಜೀವನವನ್ನು ನಂದಿನಿ ಸಂತೋಷವಾಗಿ ಕಳೆಯುತ್ತಿದ್ದಾರೆ. (ಫೈಲ್/ಫೋಟೋ)