Ponniyin Selvan 2: ನಂದಿನಿ ಪಾತ್ರ ನಂಗೆ ಕೊಡ್ತೀರಾ ಅಂತ ಕೇಳಿದ ತ್ರಿಶಾ! ಮಣಿರತ್ನಂ ಹೀಗಂದ್ರು

ಮಣಿರತ್ನಂ ಅವರ ಬಹು ನಿರೀಕ್ಷಿತ ಸಿನಿಮಾ ಪೊನ್ನಿಯಿನ್ ಸೆಲ್ವನ್ 1 ಸಿನಿಮಾದ ಎರಡನೇ ಭಾಗ ಪೊನ್ನಿಯಿನ್ ಸೆಲ್ವನ್ 2 ರಿಲೀಸ್ ಆಗಿದೆ. ಎರಡನೇ ಭಾಗ ಸಿನಿಮಾದ ಮೊದಲ ಭಾಗಕ್ಕಿಂತಲೂ ಹೆಚ್ಚು ಮೆಚ್ಚುಗೆಯನ್ನು ಪಡೆದುಕೊಳ್ಳುತ್ತಿದೆ. ಮಣಿರತ್ನಂ ಅವರ ಸಿನಿಮಾ ಸೂಪರ್ ಹಿಟ್ ಆಗಿ ಪ್ರೇಕ್ಷಕರ ಮನಸು ಗೆಲ್ಲುತ್ತಿದೆ.

ಪೊನ್ನಿಯಿನ್ ಸೆಲ್ವನ್ ಕಾದಂಬರಿ ಹಾಗೆಯೇ ಸಿನಿಮಾದ ಪ್ರಮುಖ ಆಕರ್ಷಣೆ ಅಥವಾ ಪ್ರಮುಖ ಭಾಗ ಏನೆಂದರೆ ಇಲ್ಲಿ ಕಂಡುಬರುವ ಇಳಯ ಪಿರಟ್ಟಿ ಕುಂದವೈ ಹಾಗೂ ಪಾಳವಾರ್ ರಾಣಿ ನಂದಿನಿ ನಡುವಿನ ಕ್ಯಾಟ್​ ಫೈಟ್. ಇದು ಚಿತ್ರದಲ್ಲಿ ದೊಡ್ಡ ವಿಶೇಷತೆ.

ಐಶ್ವರ್ಯಾ ರೈ ಹಾಗೂ ತ್ರಿಶಾ ತಮ್ಮ ಪಾತ್ರಗಳಲ್ಲಿ ಪರಾಕಾಯ ಪ್ರವೇಶ ಮಾಡಿದಂತೆ ಅದ್ಭುತವಾಗಿ ನಟಿಸಿದ್ದಾರೆ. ಆದರೆ ಸಿನಿಮಾ ಹೊರತುಪಡಿಸಿ ಆಫ್​ಸ್ಕ್ರೀನ್​ನಲ್ಲಿ ಅವರ ನಡುವೆ ಇರುವ ಬಾಂಡಿಂಗ್ ಕಮ್ಮಿಯಾಯ್ತು ಅಂತ ನೆಟ್ಟಿಗರು ಮಾತನಾಡಿಕೊಂಡಿದ್ದಾರೆ.

ಸಿನಿಮಾ ಆರಂಭಿಸುವ ಮೊದಲು ತ್ರಿಶಾ ಮನಸಿನಲ್ಲಿ ಒಂದು ಆಸೆ ಇತ್ತು. ನಟಿ ತ್ರಿಶಾ ಅವರು ಪೊನ್ನಿಯಿನ್ ಸೆಲ್ವನ್​ನಲ್ಲಿ ನಂದಿನಿ ಪಾತ್ರ ಮಾಡಲು ಬಯಸಿದ್ದರು. ಇದನ್ನು ನಿರ್ದೇಶಕ ಮಣಿರತ್ನಂ ಅವರಲ್ಲಿ ಹೇಳಿದ್ದರು ಕೂಡಾ.

ಆದರೆ ಮಣಿರತ್ನಂ ಒಂದೇ ಏಟಿಗೆ ನೋ ಎಂದುಬಿಟ್ಟಿದ್ದಾರೆ. ಈ ವಿಚಾರವಾಗಿ ನಟಿ ತ್ರಿಶಾ ಅವರೇ ಸಂದರ್ಶನವೊಂದರಲ್ಲಿ ಹಳೆ ಘಟನೆಯನ್ನು ಶೇರ್ ಮಾಡಿದ್ದಾರೆ. ನಂದಿನಿ ಪಾತ್ರ ಕೇಳಿದಾಗ ಮಣಿರತ್ನಂ ಏನು ಹೇಳಿದರು ಎನ್ನುವುದನ್ನು ಕೂಡಾ ರಿವೀಲ್ ಮಾಡಿದ್ದಾರೆ.

ನನಗೆ ನಂದಿನಿ ಪಾತ್ರ ಇಷ್ಟ. ಹಾಗೆಯೇ ನಂದಿನಿ ಪಾತ್ರವನ್ನು ಮಾಡುವುದಕ್ಕೂ ಇಷ್ಟ. ನಾನು ಮಣಿರತ್ನಂ ಸರ್ ಅವರ ಆಫೀಸ್​ಗೆ ಹೋದಾಗ ಈ ವಿಚಾರ ಹೇಳಿದ್ದೆ. ಆದರೆ ಅವರು ಸಾಧ್ಯವಿಲ್ಲ ಎಂದರು. ನಾವು ಸೈನ್ ಮಾಡಿರುವ ಮೊದಲ ವಿಚಾರವೇ ಅದು. ಅದು ಮುಗಿದಾಗಿದೆ. ಐಶ್ ಮಾತ್ರ ಅದನ್ನು ಮಾಡಲು ಸಾಧ್ಯ ಎಂದರು. ಖಂಡಿತಾ ನಾನವರ ಮಾತನ್ನು ಸಂಪೂರ್ಣವಾಗಿ ಒಪ್ಪುತ್ತೇನೆ ಎಂದಿದ್ದಾರೆ ತ್ರಿಶಾ.

ಪೊನ್ನಿಯಿನ್ ಸೆಲ್ವನ್ ಸಿನಿಮಾದಲ್ಲಿ ತ್ರಿಶಾ ಅವರು ಚೋಳ ರಾಜಕುಮಾರಿ ಕುಂದವೈ ಪಾತ್ರವನ್ನು ಮಾಡಿದ್ದಾರೆ. ಕುಂದವೈ ಆದಿತ್ಯ ಕರಿಕಾಲನ್(ವಿಕ್ರಂ) ಅವರ ತಂಗಿ ಹಾಗೂ ಅರುಳ್​ಮೊಳಿ ವರ್ಮನ್(ಜಯಂ ರವಿ) ಅವರ ಅಕ್ಕ.

ಕುಂದವೈ ಸೌಂದರ್ಯ, ಬುದ್ಧಿವಂತಿಕೆ, ರಾಜ್ಯಾಡಳಿತದ ಕುರಿತಾದ ಆಸಕ್ತಿ, ಕಲೆ, ಸಂಗೀತಾ, ಸಾಹಿತ್ಯದ ಕುರಿತಾದ ಪ್ರೇಮದಿಂದಲೇ ಪ್ರಸಿದ್ಧ. ನಂದಿನಿ ಕುಂದವೈ ರಾಜಾತಾಂತ್ರಿಕ ಗುಣದಿಂದಾಗಿ ಆಕೆಯನ್ನು ಇಷ್ಟಪಡುವುದಿಲ್ಲ. ಇತ್ತ ಕುಂದವೈ ಯಾರನ್ನೇ ಆದರೂ ಮೋಡಿ ಮಾಡವಲ್ಲ ನಂದಿನಿಯ ಸೌಂದರ್ಯದಿಂದಾಗಿ ಆಕೆಯನ್ನು ಇಷ್ಟಪಡುವುದಿಲ್ಲ.

ನಂದಿನಿ ಈ ಸಿನಿಮಾದ ಪ್ರಮುಖ ವಿಲನ್. ರಾಣಿ ನಂದಿನಿ ಪಾಂಡಿಯ ದೊರೆ ವೀರಪಾಂಡಿಯನ್ ಸಾವಿಗೆ ಪ್ರತೀಕಾರ ತೆಗೆಯಲು ಬಯಸುವುದಲ್ಲದೆ ಚೋಳ ಸಾಮ್ರಾಜ್ಯ ವಶಪಡಿಸಲು ಪ್ರಯತ್ನಿಸುತ್ತಾಳೆ. ಆದರೆ ನಂತರ ಪೆರಿಯ ಪಳುವೆಟ್ಟರಾಯರ್(ಶರತ್ ಕುಮಾರ್) ನಂದಿನಿ ವೀರಪಾಂಡಿಯನ್ ಮಗಳೆಂಬುದನ್ನು ರಿವೀಲ್ ಮಾಡುತ್ತಾರೆ. ಮಧುರಾಂತಕನ್(ರೆಹಮಾನ್) ಆಕೆಯ ಅವಳಿ ಸಹೋದರ ಎನ್ನುವುದನ್ನು ತಿಳಿಸುತ್ತಾರೆ.

ಪೊನ್ನಿಯಿನ್ ಸೆಲ್ವನ್ 2 ಸಿನಿಮಾ ಪೊನ್ನಿಯಿನ್ ಸೆಲ್ವನ್ 1 ಸಿನಿಮಾದ ಕ್ಲೈಮ್ಯಾಕ್ಸ್​ನಿಂದ ಶುರುವಾಗುತ್ತದೆ. ಊಮೈ ರಾಣಿ ಅಥವಾ ಮಂದಾಕಿನಿ ಜಯಂ ರವಿಯನ್ನು ರಕ್ಷಿಸುತ್ತಾಳೆ. ಸಿನಿಮಾದಲ್ಲಿ ನಂದಿನಿ ಹಾಗೂ ಕುಂದವೈ ಎರಡೂ ಪಾತ್ರವೂ ಮುಖ್ಯವಾಗಿರುತ್ತದೆ.