Sushmita Sen: ತಮ್ಮದೇ ಮ್ಯಾನೇಜರ್ ಕೈಯಿಂದ ಬೈಸ್ಕೊಂಡಿದ್ರು ಮಾಜಿ ವಿಶ್ವಸುಂದರಿ!

ಸುಶ್ಮಿತಾ ಸೇನ್ ತಮ್ಮ ವೈಯಕ್ತಿಕ ಜೀವನದಿಂದ ಆಗಾಗ ಸುದ್ದಿಯಲ್ಲಿರುತ್ತಾರೆ. ಸುಶ್ಮಿತಾ ತಮ್ಮ ನಟನೆಯೊಂದಿಗೆ ಸಿನಿಮಾಗಳಲ್ಲಿ ಮಾತ್ರವಲ್ಲದೆ ವೆಬ್ ಸಿರೀಸ್​ಗಳಲ್ಲಿಯೂ ಮಿಂಚಿದ್ದಾರೆ. ಆರ್ಯದಂತಹ ಅದ್ಭುತ ಧಾರಾವಾಹಿಯಲ್ಲಿ ಪ್ರಾಬಲ್ಯ ತೋರಿಸಿದ ನಟಿ, ಸ್ಪೆಷಲ್ ಡ್ಯಾನ್ಸ್​ಗಳಿಗೂ ಫೇಮಸ್ ಆಗಿದ್ದರು. ಇಡೀ ಸಿನಿಮಾ ಮಾಡುವ ಬದಲು, ಸುಶ್ಮಿತಾ ಸೇನ್ ಒಂದು ಸಮಯದಲ್ಲಿ ಸ್ಪೆಷಲ್ ಡ್ಯಾನ್ಸ್ ಮಾತ್ರ ಮಾಡಿದರು.

ಅನೇಕ ನಟಿಯರು ಸ್ಪೆಷಲ್ ಡ್ಯಾನ್ಸ್ ಮಾಡುವುದನ್ನು ಬಿಟ್ಟುಬಿಟ್ಟರೆ, ಸುಶ್ಮಿತಾ ಸೇನ್ ಅದನ್ನೇ ಮಾಡಲು ನಿರ್ಧರಿಸಿದರು. ಅವರ ಡ್ಯಾನ್ಸ್ ವಿಡಿಯೋಗಳು ವೈರಲ್ ಆಗಿವೆ.

ಸುಶ್ಮಿತಾ ಸೇನ್ ತನ್ನ ಸಿನಿಮಾ ವೃತ್ತಿಜೀವನದಲ್ಲಿ ಅನೇಕ ಸ್ಪೆಷಲ್ ಡ್ಯಾನ್ಸ್ ಮಾಡಿದ್ದಾರೆ. 'ಜೋರ್' ಚಿತ್ರದ 'ಮೈನ್ ಕುಡಿ ಅಂಜನಿ ಹೂ', 'ಫಿಜಾ' ಚಿತ್ರದ 'ಮೆಹಬೂಬ್ ಮೇರೆ, ಮೆಹಬೂರ್ ಮೇರೆ', 'ಸಿರ್ಫ್ ತುಮ್' ಚಿತ್ರದ 'ದಿಲ್ಬರ್ ದಿಲ್ಬರ್', 'ನಾಯಕ್' ಚಿತ್ರದ 'ಶಕಲಕಾ ಬೇಬಿ' ಮತ್ತು 'ನೋ ಪ್ರಾಬ್ಲಮ್' ಚಿತ್ರದ 'ಶಕೀರಾ' ' ಮುಂತಾದ ಸೂಪರ್‌ಹಿಟ್ ಹಾಡುಗಳಿವೆ.

ಸುಶ್ಮಿತಾ ಸೇನ್ ಸ್ಪೆಷಲ್ ಸಾಂಗ್ ಬಗ್ಗೆ ಇಂಟ್ರೆಸ್ಟಿಂಗ್ ಸ್ಟೋರಿ ಹೇಳಿದ್ದಾರೆ. 'ನನಗೆ ಇಬ್ಬರು ಮ್ಯಾನೇಜರ್‌ಗಳಿದ್ದು, ಅವರು ನನ್ನನ್ನು ಹುಚ್ಚಿ ಎಂದು ಭಾವಿಸಿದ್ದರು. ಬರೀ ಸ್ಪೆಷಲ್ ಸಾಂಗ್ ಒಪ್ಪಿಕೊಳ್ಳುತ್ತಿದ್ದ ಅವರನ್ನು ಹಲವು ಸಲ ಪ್ರಶ್ನಿಸಿದ್ದರು.

ಸುಶ್ಮಿತಾ ಸೇನ್ ವಿವಿಧ ಭಾಷೆಗಳಲ್ಲಿ 30 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಅಭಿನಯ ನೀಡಿದ್ದಾರೆ. ಫಿಲ್ಮ್ ಕಂಪ್ಯಾನಿಯನ್‌ಗೆ ನೀಡಿದ ಸಂದರ್ಶನದಲ್ಲಿ, ಸುಶ್ಮಿತಾ, 'ಜನರು ಸ್ಪೆಷಲ್ ಡ್ಯಾನ್ಸ್ ಬಗ್ಗೆ ಅತೃಪ್ತರಾಗಿದ್ದಾಗ ನಾಯಕ ನಟ, ನಟಿಯರು ಖ್ಯಾತಿಗೆ ಚ್ಯುತಿ ಬರಬಹುದೆಂಬ ಭಯದಿಂದ ಐಟಂ ಸಾಂಗ್‌ಗಳನ್ನು ಮಾಡಲಿಲ್ಲ. ಆದರೆ ನಾನು ಎಲ್ಲವನ್ನೂ ಒಪ್ಪಿಕೊಳ್ಳುತ್ತಿದ್ದೆ ಎಂದಿದ್ದಾರೆ.

ನನ್ನ ಮ್ಯಾನೇಜರ್​​ಗಳು ಅವರಿಗೆ ಯಾವುದೇ ಪ್ರಾಮುಖ್ಯತೆ ಕೊಡುತ್ತಿಲ್ಲ ಎಂದು ಭಾವಿಸುತ್ತಿದ್ದರು. 'ನಾವು ಈ ಇಂಡಸ್ಟ್ರಿಯಲ್ಲಿ ಎಷ್ಟೋ ವರ್ಷಗಳಿಂದ ಇದ್ದೇವೆ. ಇದನ್ನು ಹೇಗೆ ಮಾಡಬೇಕೆಂದು ನಮಗೆ ತಿಳಿದಿದೆ. ನಿನಗೆ 22 ವರ್ಷ. ನೀನು ನಮ್ಮ ಮಾತು ಕೇಳುತ್ತಿಲ್ಲ ಎಂದು ನಟಿಯ ಮೇಲೆ ರೇಗುತ್ತಿದ್ದರು ಎಂದಿದ್ದಾರೆ ಸುಶ್ಮಿತಾ.