Priyanka Chopra: ನನ್ನಂತಹ ಸ್ಟಾರ್​ನನ್ನು ಮದುವೆಯಾಗ್ತಿಯಾ? ಪ್ರಿಯಾಂಕಾಗೆ ಪ್ರಪೋಸ್ ಮಾಡಿದ್ದ ಶಾರುಖ್

ಪ್ರಿಯಾಂಕಾ ಚೋಪ್ರಾ ಹಾಗೂ ಶಾರುಖ್ ಖಾನ್ ಅವರ ಸಂಬಂಧದ ಬಗ್ಗೆ ಬಾಲಿವುಡ್​ನಲ್ಲಿ ದೊಡ್ಡ ಚರ್ಚೆ ಇದೆ. ಡಾನ್ ಸಿನಿಮಾ ಮಾಡಿದ ನಂತರ ಇವರಿಬ್ಬರ ಮಧ್ಯೆ ಸಂಬಂಧ ಇದೆ ಎಂದು ಹೊಸ ಮಾತು ಕೇಳಿ ಬಂತು. ಆದರೆ ಇದಕ್ಕೂ ಮೊದಲೇ ಇವರಿಬ್ಬರ ಮಧ್ಯೆ ಕೆಮೆಸ್ಟ್ರಿ ಶುರುವಾಗಿತ್ತು ಎನ್ನುವುದು ನಿಮಗೆ ಗೊತ್ತೇ? ಈ ರೀತಿಯ ಒಂದು ಚರ್ಚೆಯೂ ಇದೆ.

ಪ್ರಿಯಾಂಕಾ ಚೋಪ್ರಾರರನ್ನು ಪತಿಯಿಂದ ದೂರ ಮಾಡಲು ಗೌರಿ ಖಾನ್ ಕಷ್ಟಪಟ್ಟಿದ್ದರು. ಅಂತೂ ಗೌರಿ ಶಾರುಖ್ ಮಧ್ಯೆ ಪ್ರಿಯಾಂಕಾ ಬಂದಿದ್ದು ಇಂಡಸ್ಟ್ರಿ ಮಾತ್ರವಲ್ಲದೆ ಶಾರುಖ್ ಅಭಿಮಾನಿಗಳಿಗೂ ಇಷ್ಟವಾಗಲಿಲ್ಲ. ಆದರೆ ಇವರ ನಡುವೆ ಪರಸ್ಪರ ಆಕರ್ಷಣೆ ಇರುವುದು ಹಿಂದೆಯೇ ರಿವೀಲ್ ಆಗಿತ್ತು.

ಸಿನಿಮಾ ಜಗತ್ತಿಗೆ ಎಂಟ್ರಿ ಕೊಡುವ ಮೊದಲು ಪ್ರಿಯಾಂಕಾ ಅವರು ಸೌಂದರ್ಯ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಅವರು ಬಹಳ ಸುದ್ದಿ ಮಾಡಿದ ಸ್ಪರ್ಧಿಗಳಲ್ಲಿ ಒಬ್ಬರಾಗಿದ್ದರು. ಫಿನಾಲೆಗೂ ಬಂದಿದ್ದರು.

ಅಲ್ಲಿ ಮೊದಲ ಬಾರಿ ಶಾರುಖ್ ಖಾನ್ ಅವರೊಂದಿಗೆ ಮಾತನಾಡಿದ್ದರು. ಜಡ್ಜಸ್​ಗಳಲ್ಲಿ ಒಬ್ಬರಾಗಿದ್ದ ಶಾರುಖ್ ಕೊನೆಗೆ ಪ್ರಿಯಾಂಕಾಗೆ ಇಂಟ್ರೆಸ್ಟಿಂಗ್ ಪ್ರಶ್ನೆಯೊಂದನ್ನು ಕೇಳಿದ್ದರು.

ಪ್ರಶ್ನೋತ್ತರ ಸುತ್ತಿನಲ್ಲಿ ಪ್ರಿಯಾಂಕಾ ಅವರಿಗೆ ಮದುವೆಯಾಗಲು ಮೂವರು ಯುವಕರ ಆಯ್ಕೆಯನ್ನು ನೀಡಲಾಯಿತು. ಈ ಆಯ್ಕೆಗಳಲ್ಲಿ ಶಾರುಖ್ ತಮ್ಮನ್ನೂ ಸೇರಿಸಿದ್ದರು. ಪ್ರಿಯಾಂಕಾ ತನ್ನನ್ನೇ ಆಯ್ಕೆ ಮಾಡಬಹುದು ಎಂದುಕೊಂಡಿದ್ದರು ಶಾರುಖ್. ಆದರೆ ಅದು ಹಾಗಾಗಲಿಲ್ಲ. ಪ್ರಿಯಾಂಕಾ ಉತ್ತರ ಎಲ್ಲರನ್ನು ಸೈಲೆಂಟ್ ಮಾಡಿತು.

2000 ಮಿಸ್ ಇಂಡಿಯಾ ಫಿನಾಲೆಯಲ್ಲಿ ಶಾರುಖ್ ಖಾನ್ ಅವರು ಪ್ರಿಯಾಂಕಾ ಚೋಪ್ರಾಗೆ ಪ್ರಶ್ನೆ ಮಾಡಿದ್ದರು. ನಿಮ್ಮಷ್ಟೇ ನನಗೂ ನರ್ವಸ್ ಆಗಿದೆ. ನಾನು ಸೌಂದರ್ಯದ ಮುಂದೆ ಮೂಕನಾಗುತ್ತೇನೆ ಎಂದು ಹೇಳಿದ್ದಾರೆ.

ನೀವು ಮದುವೆಯಾಗುವುದಾದರೆ ಈ ಕೆಳಗಿನವರಲ್ಲಿ ಯಾರನ್ನು ಆಯ್ಕೆ ಮಾಡುತ್ತೀರಿ? ನಿಮ್ಮನ್ನು ಹೆಮ್ಮೆ ಪಡುವಂತೆ ಮಾಡಬಲ್ಲ, ದೇಶಕ್ಕೆ ಕೀರ್ತಿ ತರಬಲ್ಲ, ನಿಮ್ಮನ್ನು ಜಗತ್ತು ಸುತ್ತಿಸಬಲ್ಲ ಸ್ಪೋರ್ಟ್ಸ್ ಮ್ಯಾನ್ ಅಝರ್ ಭಾಯ್, ಅಥವಾ ನಿಮಗೆ ನೆಕ್ಲೆಸ್, ಆಭರಣ, ವಜ್ರ ಎಲ್ಲ ಕೊಡಿಸಬಲ್ಲ ಕಷ್ಟದ ಹೆಸರಿರುವಂತಹ ಬ್ಯುಸಿನೆಸ್ ಮ್ಯಾನ್ ಸ್ವರೋಸ್ಕಿ ಅವರೇ ಎಂದು ಪ್ರಶ್ನಿಸುತ್ತಾರೆ.

ಮೂರನೇ ಚಾಯ್ಸ್ ಇಂಟ್ರೆಸ್ಟಿಂಗ್ ಆಗಿತ್ತು. ಶಾರುಖ್ ಅವರು ಪ್ರಿಯಾಂಕ ಇದನ್ನೇ ಆಯ್ಕೆ ಮಾಡುತ್ತಾರೆ ಎಂದುಕೊಂಡಿದ್ದರು. ಅಥವಾ ನೀವು ನನ್ನಂತಹ ಫಿಲ್ಮ್ ಸ್ಟಾರ್​ನನ್ನು ಮದುವೆಯಾಗುತ್ತೀರಾ ಎಂದು ಕೇಳಿದ್ದರು. ನಿಮ್ಮ ಉತ್ತರ ಏನೇ ಇರಲಿ, ಯಾವುದೂ ನಿಮಗೆ ನೀಡುವ ನನ್ನ ಅಂಕಗಳನ್ನು ನಿರ್ಧರಿಸುವುದಿಲ್ಲ ಎಂದಿದ್ದರು.

ನಟಿ ಈ ಪ್ರಶ್ನೆಗೆ ಉತ್ತರಿಸುವಾಗ ಇದಕ್ಕೆ ಉತ್ತರಿಸುವುದು ತುಂಬಾ ಕಷ್ಟ ಎಂದಿದ್ದಾರೆ. ಈ ಕಷ್ಟದ ಆಯ್ಕೆಗಳನ್ನು ನನಗೆ ಕೊಟ್ಟರೆ ನಾನು ಸ್ಪೋರ್ಟ್ಸ್​ಮ್ಯಾನ್​ನನ್ನೇ ಆರಿಸುತ್ತೇನೆ ಎಂದಿದ್ದಾರೆ. ಪ್ರಿಯಾಂಕಾ ಉತ್ತರಕ್ಕೆ ಪ್ರಶಂಸೆ ವ್ಯಕ್ತವಾಗಿತ್ತು. ಜೋರಾದ ಚಪ್ಪಾಳೆ ಕೇಳಿಬಂದಿತ್ತು.

ನಾನು ಮನೆಗೆ ಮರಳಿ ಬಂದಾಗ ಅಥವಾ ಅವನು ಬಂದಾಗ ನಾನು ಭಾರತ ಹೆಮ್ಮೆ ಪಡುವಷ್ಠ ನಿನ್ನ ಬಗ್ಗೆ ನನಗೂ ಹೆಮ್ಮೆ ಇದೆ ಎಂದು ಸಪೋರ್ಟ್ ಮಾಡುತ್ತೇನೆ. ನೀನು ಬೆಸ್ಟ್ ಕೆಲಸ ಮಾಡಿದ್ದಿ. ನೀನು ಯಾವಾಗಲೂ ಬೆಸ್ಟ್ ಎನ್ನುತ್ತೇನೆ. ನನ್ನ ದೇಶಕ್ಕೆ ಹೆಮ್ಮೆ ತರಬಲ್ಲ ಗಂಡನ ಕುರಿತು ನಾನೂ ಹೆಮ್ಮೆ ಪಡುತ್ತೇನೆ ಎಂದಿದ್ದಾರೆ.