Prabhas-Rishab Shetty: ವಿಶ್ ಮಾಡೋಕೆ ಕಾಲ್ ಮಾಡಿದ್ರೆ ಇಂಟ್ರೆಸ್ಟ್ ತೋರಿಸ್ಲಿಲ್ಲ ಪ್ರಭಾಸ್! ರಿಷಬ್ ಏನಂದ್ರು?

ನಟ ರಿಷಬ್ ಶೆಟ್ಟಿ ಅವರು ಪ್ರಭಾಸ್ ಅವರ ಜೊತೆಗಿನ ಹಳೆಯ ಫೋನ್ ಕಾಲ್ ಸಂಭಾಷಣೆಯೊಂದನ್ನು ರಿವೀಲ್ ಮಾಡಿದ್ದಾರೆ. ಬಾಹುಬಲಿ ಸ್ಟಾರ್​ಗೆ ರಿಷಬ್ ಕರೆ ಮಾಡಿದ್ದೇಕೆ?

ಪ್ರಭಾಸ್ ಬರ್ತ್​ಡೇ ದಿನ ರಿಷಬ್ ಶೆಟ್ಟಿ ಅವರು ಬಾಹುಬಲಿ ಸ್ಟಾರ್​ಗೆ ವಿಶ್ ಮಾಡೋಕೆ ಕಾಲ್ ಮಾಡಿದ್ರಂತೆ. ಆದರೆ ಪ್ರಭಾಸ್ ವಿಶ್ ಬಗ್ಗೆ ಆಸಕ್ತಿಯೇ ತೋರಿಸಿಲ್ಲ.

ನಾನು ಬರ್ತ್​ಡೇ ವಿಶ್ ಮಾಡೋಕೆ ಕಾಲ್ ಮಾಡಿದ್ದೆ. ಆದರೆ ಅವರು ವಿಶ್ ಬಗ್ಗೆ ಆಸಕ್ತಿ ಹೊಂದಿರಲಿಲ್ಲ. ಬರೀ ಕಾಂತಾರ ಬಗ್ಗೆಯೇ ಮಾತನಾಡಿದ್ದರು ಎಂದಿದ್ದಾರೆ ರಿಷಬ್ ಶೆಟ್ಟಿ.

ಕಾಂತಾರ ಸಿನಿಮಾ ರಿಲೀಸ್ ಆಗಿ ಎರಡನೇ ದಿನಕ್ಕೇ ಸಿನಿಮಾಗೆ ಶುಭ ಹಾರೈಸಿದವರಲ್ಲಿ ನಟ ಪ್ರಭಾಸ್ ಕೂಡಾ ಒಬ್ಬರು ಎನ್ನುವುದು ಗಮನಾರ್ಹ.

ಕಾಂತಾರ ಸಿನಿಮಾ ರಿಲೀಸ್ ಆಗಿ ಹೊಸ ಅಲೆ ಶುರುವಾಗಿತ್ತಷ್ಟೇ. ಆಗಿನ್ನೂ ಸ್ವತಃ ಚಿತ್ರತಂಡಕ್ಕೂ ಈ ಸಿನಿಮಾ ಹೀಗೆ ಹಿಟ್ ಆಗುತ್ತೆ ಎನ್ನುವುದು ಗೊತ್ತಿರಲಿಲ್ಲವೇನೋ.

ಆದರೆ ಕನ್ನಡದ ಸ್ಟಾರ್ ನಟರು ರಿಷಬ್ ಶೆಟ್ಟಿಗೆ ಶುಭಾಶಯ ಹೇಳುವ ಮೊದಲೇ ನಟ ಪ್ರಭಾಸ್ ಅವರು ಇನ್​​ಸ್ಟಾಗ್ರಾಮ್ ಸ್ಟೋರಿ ಹಾಕಿ ರಿಷಬ್ ಶೆಟ್ಟಿ ಹಾಗೂ ತಂಡಕ್ಕೆ ವಿಶ್ ಮಾಡಿದ್ದರು.