Ram Charan-Upasana: ಈಗ 8 ತಿಂಗಳ ಗರ್ಭಿಣಿ ಉಪಾಸನಾ, ತನಗೆ ಮಗು ಬೇಡ ಎಂದಿದ್ಯಾಕೆ ರಾಮ್ ಚರಣ್ ಪತ್ನಿ?

ಮದುವೆಯಾದ 10 ವರ್ಷಗಳ ಬಳಿಕ ಉಪಾಸನಾ ತಾಯಿಯಾಗುತ್ತಿದ್ದಾರೆ. ಈ ಬಗ್ಗೆ ಸಂದರ್ಶನದಲ್ಲಿ ಖುಷಿಯನ್ನು ಸಹ ಹಂಚಿಕೊಂಡಿದ್ದಾರೆ. ದಂಪತಿ ಕೂಡ ಮಗುವನ್ನು ಬರ ಮಾಡಿಕೊಳ್ಳಲು ಕಾಯುತ್ತಿದ್ದಾರೆ. ಆದ್ರೆ ವರ್ಷಗಳ ಹಿಂದೆ ಕಾರ್ಯಕ್ರಮವೊಂದರಲ್ಲಿ ತನಗೆ ಮಗು ಬೇಡ ಎನ್ನುವ ಮಾತಾಡಿದ್ರು.

ಸದ್ಗುರು ಜಗ್ಗಿ ವಾಸುದೇವ್ ಅವರೊಂದಿಗಿನ ಕಾರ್ಯಕ್ರಮವೊಂದರಲ್ಲಿ ಉಪಾಸನಾ ಜನಸಂಖ್ಯೆ ನಿಯಂತ್ರಣಕ್ಕೆ ಸಂಬಂಧಿಸಿದಂತೆ ಮಾತಾಡಿದ್ರು. ಸಂಬಂಧ, ಸಂತಾನೋತ್ಪತ್ತಿ ಮತ್ತು ಜೀವನದ ಬಗ್ಗೆ ಮಾತಾಡುತ್ತಾ, ಜನಸಂಖ್ಯೆ ನಿಯಂತ್ರಣದ ಕಾರಣದಿಂದ ತನಗೆ ಮಗು ಬೇಡ ಎಂದು ಉಪಾಸನಾ ಹೇಳಿದ್ರು. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಇದೀಗ ವೈರಲ್ ಆಗಿದೆ.

ಕಳೆದ ವರ್ಷ ಜುಲೈನಲ್ಲಿ ಸದ್ಗುರುಗಳೊಂದಿಗಿನ ಸಂಭಾಷಣೆಯಲ್ಲಿ ಉಪಾಸನಾ, 'ನಾನು ನನ್ನ ಜೀವನದಲ್ಲಿ ತುಂಬಾ ಸಂತೋಷವಾಗಿದ್ದೇನೆ ಮತ್ತು ನನ್ನ ಕುಟುಂಬವನ್ನು ನಾನು ತುಂಬಾ ಪ್ರೀತಿಸುತ್ತೇನೆ' ಎಂದು ಹೇಳಿದ್ದರು.

ಇದಕ್ಕೆ ಪ್ರತಿಕ್ರಿಯಿಸಿದ ಸದ್ಗುರುಗಳು, ನೀವು ಮಗುವನ್ನು ಹೊಂದದಿದ್ದರೆ ನಾನು ನಿಮಗೆ ಪ್ರಶಸ್ತಿಯನ್ನು ನೀಡುತ್ತೇನೆ ಎಂದು ಹೇಳಿದ್ರು. ನಾನು ಹಿಂದೆ  ಈ ರೀತಿ ಅನೇಕ ಮಹಿಳೆಯರಿಗೆ ಪ್ರಶಸ್ತಿಯನ್ನು ಘೋಷಿಸಿದ್ದೇನೆ. ಇದು ನೀವು ಮಾಡಬಹುದಾದ ಅತ್ಯಂತ ದೊಡ್ಡ ಸೇವೆಯಾಗಿದೆ ಎಂದಿದ್ರು.

ಇದೀಗ ಮಾನವರ ಜನಸಂಖ್ಯೆ ದೊಡ್ಡದಾಗಿದೆ. ಮುಂದಿನ 30-35 ವರ್ಷಗಳಲ್ಲಿ ನಾವು 10 ಶತಕೋಟಿಯತ್ತ ಸಾಗುತ್ತಿದ್ದೇವೆ. ಜನಸಂಖ್ಯೆ ಕಡಿಮೆಯಾದ್ರೆ ಜಾಗತಿಕ ತಾಪಮಾನದ ಬಗ್ಗೆ ಚಿಂತಿಸಬೇಕಾಗಿಲ್ಲ. ಆದ್ದರಿಂದ ಮಕ್ಕಳ ಹೊಂದಲು ಬಯಸದ ಮಹಿಳೆಯರಿಗೆ ಪ್ರಶಸ್ತಿ ನೀಡಿದ್ದಾಗಿ ಸದ್ಗುರು ಹೇಳಿದ್ರು.

ಮತ್ತೊಂದು ಸಂದರ್ಶನದಲ್ಲಿ ಉಪಾಸನಾ, 'ನನಗೆ ತಾಯಿಯಾಗಲು ಭಯವಾಗಿದೆ.   ಆದರೆ ನನ್ನ ಸ್ನೇಹಿತರು ನನಗೆ ಉತ್ತಮ ಉದಾಹರಣೆಯಾಗಿದ್ದಾರೆ. ಮತ್ತು ಈಗ ನಾನು ನನ್ನದೇ ಆದ ಕೆಲ ಸಂಶೋಧನೆಯನ್ನು ಮಾಡಿದ್ದೇನೆ ಎಂದು ಹೇಳಿದ್ರು.

ಇಲ್ಲಿಯವರೆಗೆ ರಾಮ್ ಚರಣ್, ಉಪಾಸನಾ ದಂಪತಿ ಮಗುವನ್ನು ಹೊಂದದಿರಲು ಇಬ್ಬರ ವೃತ್ತಿಯೂ ಕಾರಣವಾಗಿತ್ತು. ಯಾವಾಗ ಆರ್ಥಿಕವಾಗಿ ಸದೃಢರಾಗುತ್ತೇವೋ, ಆಗ ಮಗುವನ್ನು ಪ್ಲಾನ್ ಮಾಡೋಣ ಎಂದು ಇಬ್ಬರೂ ಭಾವಿಸಿದ್ದರಂತೆ. ಈಗ ಮಗುವನ್ನು ಸ್ವಾಗತಿಸಲು ಸಿದ್ಧರಾಗಿದ್ದಾರಂತೆ

ಡಿಸೆಂಬರ್ನಲ್ಲಿ ರಾಮ್ ಚರಣ್ ಮತ್ತು ಉಪಾಸನಾ ತಮ್ಮ ಗರ್ಭಧಾರಣೆಯನ್ನು ಘೋಷಿಸಿದರು. ಉಪಾಸನಾ ಪ್ರಸ್ತುತ 8ನೇ ತಿಂಗಳ ಗರ್ಭಾವಸ್ಥೆಯಲ್ಲಿದ್ದು, ಆಕೆಯ ಪೋಷಕರ ಒಡೆತನದ ಅಪೋಲೋ ಆಸ್ಪತ್ರೆಯಲ್ಲಿ ತನ್ನ ಮಗುವಿಗೆ ಜನ್ಮ ನೀಡಲಿದ್ದಾರಂತೆ.