Rahul Gandhi: ಶಾರುಖ್ ಖಾನ್ ಹತ್ರ ಸಲಹೆ ಕೇಳಿದ ರಾಹುಲ್ ಗಾಂಧಿ! ಶಾರುಖ್ ಏನಂದ್ರು ಗೊತ್ತಾ?

ಶಾರುಖ್ ಖಾನ್ ಅವರಿಗೆ ಅಪಾರ ಅಭಿಮಾನಿಗಳಿದ್ದಾರೆ. ಜನಸಾಮಾನ್ಯರಷ್ಟೇ ಅಲ್ಲ ಹಿರಿಯ ರಾಜಕಾರಣಿಗಳಯ, ರಾಜಕೀಯ ಮುಖಂಡರು ಕೂಡಾ ಶಾರುಖ್ ಖಾನ್ ಅವರ ಬಗ್ಗೆ ಅಪಾರ ಅಭಿಮಾನ ಇಟ್ಟುಕೊಂಡಿದ್ದಾರೆ. ಇದೀಗ ರಾಹುಲ್ ಗಾಂಧಿ ಹಾಗೂ ಶಾರುಖ್ ಖಾನ್ ಅವರ 2008ರ ಸಂಭಾಷಣೆ ವೈರಲ್ ಆಗಿದೆ.

ರಾಹುಲ್ ಗಾಂಧಿ ಅವರ ಪ್ರಶ್ನೆಗೆ ಶಾರುಖ್ ಖಾನ್ ಕೊಟ್ಟಿದ್ದ ಉತ್ತರ ಏನಿತ್ತು ಗೊತ್ತಾ? ವೈರಲ್ ವಿಡಿಯೋದಲ್ಲಿ ಇರೋದೇನು? 2008ರಲ್ಲಿ ಎನ್​ಡಿಟಿವಿ ಇಂಡಿಯನ್ ಆಫ್ ದಿ ಇಯರ್ ಅವಾರ್ಡ್ಸ್​ ಕಾರ್ಯಕ್ರಮದಲ್ಲಿ ರಾಹುಲ್ ಗಾಂಧಿ ಅವರು ಶಾರುಖ್ ಹತ್ರ ಸಲಹೆ ಕೇಳಿದ್ದರು.

ರಾಜಕಾರಣಿಗಳಿಗೆ ನೀಡಲು ಇಷ್ಟಪಡುವಂತಹ ಸಲಹೆ ಏನು ಎಂದು ರಾಹುಲ್ ಗಾಂಧಿ ಅವರು ಶಾರುಖ್ ಖಾನ್ ಅವರ ಬಳಿ ಕೇಳಿದ್ದಾರೆ. ಇದಕ್ಕೆ ಶಾರುಖ್ ಖಾನ್ ಅವರು ಕೊಟ್ಟಂತಹ ರಿಪ್ಲೈ ವೈರಲ್ ಆಗಿದೆ.

ನೀವು ರಾಜಕಾರಣಿಗಳಿಗೆ ನೀಡಲು ಬಯಸುವಂತಹ ಒಂದು ಸಲಹೆ ಏನು ಎಂದು ರಾಹುಲ್ ಗಾಂಧಿ ಅವರು ಶಾರುಖ್ ಖಾನ್ ಅವರಲ್ಲಿ ಪ್ರಶ್ನಿಸಿದ್ದಾರೆ. ಇದಕ್ಕೆ ಶಾರುಖ್ ಅವರು ಫ್ರಾಂಕ್ ಆಗಿ ಉತ್ತರ ಕೊಟ್ಟಿದ್ದು ಪ್ರೇಕ್ಷಕರ ಮೆಚ್ಚುಗೆಗೆ ಕಾರಣವಾಯ್ತು.

ಸದ್ಯ ಇದೊಂದು ಸಿಂಪಲ್ ಪ್ರಶ್ನೆ ಎಂದು ಶಾರುಖ್ ಖಾನ್ ನಿರಾಳ ಭಾವ ತೋರಿಸಿದಾಗ ಸಭಿಕರೆಲ್ಲ ಜೋರಾಗಿ ನಕ್ಕಿದ್ದಾರೆ. ನಾನು ಸುಳ್ಳು ಹೇಳುತ್ತೇನೆ. ನಟಿಸುತ್ತೇನೆ. ಜೀವನಕ್ಕಾಗಿ ಅಭಿನಯಿಸುತ್ತೇನೆ. ನಾನು ನಟ. ನಾನು ಎಲ್ಲವನ್ನೂ ತೋರಿಸುತ್ತೇನೆ. ನನ್ನಲ್ಲಿ ನೋಡಿದ್ದೆಲ್ಲ ನಿಜವಲ್ಲ ಎಂದಿದ್ದಾರೆ.

ಮಾತು ಮುಂದುವರಿಸಿದ ನಟ ರಾಜಕಾರಣಿಗಳು ಟೇಬಲ್ ಅಡಿಯಲ್ಲಿ ಹಣವನ್ನು ಎಂದಿಗೂ ತೆಗೆದುಕೊಳ್ಳಬಾರದು ಎಂದು ಹೇಳಿದ್ದಾರೆ.

ದೇಶವನ್ನು ನಡೆಸುವ ನಾಯಕರ ಬಗ್ಗೆ ನನಗೆ ಅಪಾರ ಗೌರವ ಇದೆ. ದೇಶವನ್ನು ಮನಸಿನಲ್ಲಿಟ್ಟು ಅವರು ದೇಶ ನಡೆಸುತ್ತಾರೆ. ಇದು ನಿಜಕ್ಕೂ ನಿಸ್ವಾರ್ಥವಾಗಿರುವಂತಹ ಸೇವೆ. ನಾವು ಲಂಚ ಪಡೆದುಕೊಳ್ಳುವುದು ಬೇಡ ಎಂದಿದ್ದಾರೆ.

ನಾವಿದನ್ನು ಸರಿಯಾಗಿ ಮಾಡಿದರೆ ನಾವೆಲ್ಲರೂ ಸಂಪಾದಿಸಬಹುದು. ನಾವೆಲ್ಲರೂ ಖುಷಿಯಾಗಿರಬಹುದು. ನಾವೆಲ್ಲರೂ ಸಂತೋಷದಿಂದ ಈ ದೇಶ ಹೆಮ್ಮೆಪಡುವಂತೆ ಮಾಡಬಹುದು ಎಂದಿದ್ದಾರೆ.

ಎಲ್ಲಾ ರಾಜಕಾರಣಿಗಳಿಗೆ ನನ್ನ ಸಲಹೆ ಏನೆಂದರೆ ಪ್ರಾಮಾಣಿಕವಾಗಿರಿ ಎಂದು ಶಾರುಖ್ ಖಾನ್ ಅವರು ತಮ್ಮ ಮಾತು ಕೊನೆಗೊಳಿಸಿದ್ದಾರೆ. ನಟ ಕೊಟ್ಟ ಸಲಹೆಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಯಿತು.