Sourav Ganguly-Nagma: ಸೌರವ್ ಗಂಗೂಲಿ ಜೊತೆ ಆಫೇರ್ ಹೊಂದಿದ್ರಂತೆ ನಗ್ಮಾ! ಸಂಬಂಧದ ಬಗ್ಗೆ ನಟಿ ಹೇಳಿದ್ದೇನು?

ನಟಿ ಹಾಗೂ ರಾಜಕಾರಣಿಯಾಗಿರುವ ನಗ್ಮಾ ಸಿನಿಮಾ ಇಂಡಸ್ಟ್ರಿಯಲ್ಲಿ ದೊಡ್ಡ ಹೆಸರು ಮಾಡಿದ್ದಾರೆ. 1990ರ ದಶಕದಲ್ಲಿ ಜನಪ್ರಿಯ ನಾಯಕ ನಟಿಯಾಗಿ ಮಿಂಚಿದ್ರು. 1990ರಲ್ಲಿ ಸಲ್ಮಾನ್ ಖಾನ್ ಜೊತೆಗಿನ ಬಾಘಿ ಚಿತ್ರದ ಮೂಲಕ ನಗ್ಮಾ ತಮ್ಮ ಸಿನಿಮಾ ರಂಗಕ್ಕೆ ಕಾಲಿಟ್ಟರು. ಹಿಂದಿ ಮಾತ್ರವಲ್ಲದೆ ಸೌತ್ ಸಿನಿಮಾಗಳನ್ನು ನಟಿಸಿದ್ದಾರೆ. ಜೊತೆಗೆ ಭೋಜ್​ಪುರಿ ಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾರೆ.

ಸಲ್ಮಾನ್ ಖಾನ್ ಮತ್ತು ರವಿ ಕಿಶನ್ ಜೊತೆಗಿನ ಅವರ ಆನ್-ಸ್ಕ್ರೀನ್ ಜೋಡಿ ಅಭಿಮಾನಿಗಳಿಗೆ ಇಷ್ಟವಾಗಿತ್ತು. ಮದುವೆಯಾಗದ ನಟಿ ನಗ್ಮಾ ಬಗ್ಗೆ ಅನೇಕ ರೂಮರ್ಸ್ಗಳು ಹುಟ್ಟುಕೊಂಡಿದೆ. ಭೋಜ್​ಪುರಿ ನಟನೊಂದಿಗೆ ಸಂಬಂಧ ಹೊಂದಿದ್ದಾರೆ ಎನ್ನಲಾಗಿತ್ತು. ಅಷ್ಟೇ ಅಲ್ಲದೇ ಮಾಜಿ ಕ್ರಿಕೆಟಿಗ ಸೌರವ್ ಗಂಗೂಲಿಯೊಂದಿಗಿನ ಆಫೇರ್ ಬಗ್ಗೆ ಕೂಡ ಭಾರೀ ಸುದ್ದಿಯಾಗಿತ್ತು.

ನಟಿ ನಗ್ಮಾ, ಮಾಜಿ ಕ್ರಿಕೆಟಿಗ ಸೌರವ್ ಗಂಗೂಲಿ ಅವರೊಂದಿಗೆ ಆಫೇರ್ ಹೊಂದಿದ್ದಾರೆ ಎಂದು ಹಿಂದೆ ಭಾರೀ ಸುದ್ದಿ ಆಗಿತ್ತು. ಈ ಇಬ್ಬರೂ ಸೆಲೆಬ್ರಿಟಿಗಳು ರೂರ್ಮಸ್ ಬಗ್ಗೆ ಮಾತಾಡಲಿಲ್ಲ. ಕ್ರಿಕೆಟಿಗನ ಮದುವೆಯ ನಂತರವೂ ಗಂಗೂಲಿಯೊಂದಿಗೆ ನಗ್ಮಾ ಹೆಸರು ತಳುಕು ಹಾಕಿಕೊಂಡಿತ್ತು. 2009ರಲ್ಲಿ ದಿ ಟೆಲಿಗ್ರಾಫ್ ಜೊತೆಗಿನ ಸಂಭಾಷಣೆಯಲ್ಲಿ ನಗ್ಮಾ ಅವರು ಕ್ರಿಕೆಟ್ ತಂಡದ ಮಾಜಿ ನಾಯಕ ಸೌರವ್ ಗಂಗೂಲಿ ಅವರೊಂದಿಗಿನ ಸಂಬಂಧದ ಬಗ್ಗೆ ಮಾತಾಡಿದರು.

ಲಕ್ಷಾಂತರ ಜನರ ನಡುವೆ ಒಬ್ಬ ವ್ಯಕ್ತಿ ವಿಶೇಷನಾಗುತ್ತಾನೆ ಎಂದು ನಗ್ಮಾ ಹೇಳಿದ್ದಾರೆ. ಸಿನಿಮಾ ರಂಗ ವಿವಿಧ ರೀತಿಯ ಜನರನ್ನು ಭೇಟಿ ಮಾಡಲು ವೇದಿಕೆಯಾಗಿದೆ. ತಮ್ಮ ಕ್ಷೇತ್ರಗಳಲ್ಲಿ ಜನಪ್ರಿಯರಾದ ಇಬ್ಬರು ಭೇಟಿಯಾದಾಗ ಇಂತಹ ರೂಮರ್ಸ್​​ಗಳು ಹುಟ್ಟಿಕೊಳ್ಳುತ್ತದೆ ಎಂದಿದ್ದಾರೆ.

ಸ್ನೇಹಿತರು ಯಾವಾಗಲೂ ಸ್ನೇಹಿತರಾಗಿಯೇ ಇರುತ್ತಾರೆ ಎಂದು ನಗ್ಮಾ ಹೇಳಿದ್ದಾರೆ. ನನ್ನ ಪ್ರಕಾರ ಸಂಬಂಧ ನಿಜವಾಗಿದ್ದರೆ ಅದು ಮುರಿಯುವುದಿಲ್ಲ. ಸಾಮಾನ್ಯ ಜನರು ಕೂಡ ಕುಟುಂಬದೊಳಗೆ ಜಗಳವಾಡುತ್ತಾರೆ ಎನ್ನುವ ಮೂಲಕ ನಗ್ಮಾ-ಗಂಗೂಲಿ ಜೊತೆಗಿನ ಸಂಬಂಧದ ಬಗ್ಗೆ ಅಡ್ಡ ಗೋಡೆ ಮೇಲೆ ದೀಪವಿಟ್ಟಂತೆ ಮಾತಾಡಿದ್ದಾರೆ.

ಸೌರವ್ ಗಂಗೂಲಿ ಅವರು ನಗ್ಮಾ ಜೊತೆಗಿನ ಸಂಬಂಧದ ಬಗ್ಗೆ ಎಂದಿಗೂ ಬಹಿರಂಗವಾಗಿ ಮಾತಾಡಿಲ್ಲ. 2020ರಲ್ಲಿ ನಗ್ಮಾ ಅವರ ಜನ್ಮದಿನದಂದು ಟ್ವಿಟರ್​ನಲ್ಲಿ ಶುಭ ಹಾರೈಸಿದರು. ಬಳಿಕ ನೆಟಿಜನ್​ಗಳು ಇಬ್ಬರ ಸಂಬಂಧದ ಬಗ್ಗೆ ಮತ್ತೆ ಕಮೆಂಟ್ ಮಾಡಿ ಗದ್ದಲ ಎಬ್ಬಿಸಿದ್ದಾರೆ.

ಮೊಗುಡು (1992), ಕಿಂಗ್ ಅಂಕಲ್ (1993), ಸುಹಾಗ್ (1994), ಕಾದಲನ್ (1994), ಬಾಷಾ (1995) ಮತ್ತು ಲಾಲ್ ಬಾದ್ಶಾ (1999) ಚಿತ್ರಗಳಲ್ಲಿ ಅಭಿನಯಿಸಿದ ನಗ್ಮಾ ಸಖತ್ ಫೇಮಸ್ ಆಗಿದ್ದಾರೆ. ತಮ್ಮ ನಟನಾ ವೃತ್ತಿಯನ್ನು ಬಾಲಿವುಡ್ನಲ್ಲಿ ಪ್ರಾರಂಭಿಸಿದರು. ಬಳಿಕ ತೆಲುಗು, ತಮಿಳು, ಹಿಂದಿ ಮತ್ತು ಭೋಜ್ಪುರಿ ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ.

ಈಗ ನಗ್ಮಾ ಅವರು ಕಾಂಗ್ರೆಸ್ ಪಕ್ಷದಲ್ಲಿ ಕಾಣಿಸಿಕೊಳ್ತಿದ್ದಾರೆ. ಸಿನಿಮಾ ರಂಗದಿಂದ ದೂರವಿರುವ ನಗ್ಮಾ ರಾಜಕೀಯದಲ್ಲಿ ಸಂಪೂರ್ಣವಾಗಿ ಸಕ್ರಿಯರಾಗಿದ್ದಾರೆ. ಇತ್ತೀಚಿಗೆ ನಗ್ಮಾ ರಾಹುಲ್ ಗಾಂಧಿಯವರೊಂದಿಗೆ ಭಾರತ್ ಜೋಡೋ ಯಾತ್ರೆಯಲ್ಲೂ ಕಾಣಿಸಿಕೊಂಡರು.