ಚಂದನವನದ ಈ ಖ್ಯಾತ ನಟರ ಅಸಲಿ ಹೆಸರೇನು ಗೊತ್ತಾ..?; ಈ ಸ್ಟೋರಿ ಓದಿ

ಡಾ ರಾಜ್ ಕುಮಾರ್​​, ವಿಷ್ಣು ವರ್ಧನ್, ಶಿವರಾಜ್ ಕುಮಾರ್, ನವರಸ ನಾಯಕ ಜಗ್ಗೇಶ್, ಶಂಕರ್ ನಾಗ್, ಅನಂತ್ ನಾಗ್, ಚಾಲೆಂಜಿಗ್ ಸ್ಟಾರ್ ದರ್ಶನ್, ಕಿಚ್ಚ ಸುದೀಪ್, ರಾಕಿಂಗ್ ಸ್ಟಾರ್ ಯಶ್ ಇವೆರೆಲ್ಲರು ಸ್ಯಾಂಡಲ್​ವುಡ್​​ನ ಖ್ಯಾತ ನಟರು. ಈ  ನಟರ ಹೆಸರುಗಳು ಚಿತ್ರರಂಗ ಇರುವವರೆಗೂ ಅಜರಾಮರವಾಗಿರುತ್ತದೆ. ಆದರೆ ಈ ಹೆಸರುಗಳೆಲ್ಲ ಅವರ ನಿಜವಾದ ಹೆಸರುಗಳಲ್ಲ. ನಿಜವಾದ ಹೆಸರುಗಳು  ಬೇರೆಯೇ ಇದೆ..

ಡಾ. ರಾಜ್​ ಕುಮಾರ್ ಮೊದಲ ಹೆಸರು ಸಿಂಗಾನಲ್ಲೂರು ಪುಟ್ಟಸ್ವಾಮಿ ಮುತ್ತುರಾಜ್. ಗುಬ್ಬಿ ವೀರಣ್ಣ ಅವರ ಗುಬ್ಬಿ ಡ್ರಾಮಾ ಕಂಪನಿಯಲ್ಲಿ ಧೀರ್ಘ ಕಾಲ ಕೆಲಸ ಮಾಡುತ್ತಿದ್ದ ಅಣ್ಣಾವ್ರು 1954 ರಲ್ಲಿ ‘ಬೇಡರ ಕಣ್ಣಪ್ಪ’ ಚಿತ್ರದಿಂದ ರಾಜ್​ ಕುಮಾರ್ ಆದರು. ಆ ಚಿತ್ರದ ನಿರ್ದೇಶಕ ಹೆಚ್.ಎಲ್. ಸಿಂಹ ಮುತ್ತುಸ್ವಾಮಿ ಅವರನ್ನು ರಾಜ್​ ಕುಮಾರ್ ಆಗಿ ಬದಲಿಸಿದರು.

ಸಾಹಸಸಿಂಹ ವಿಷ್ಣು ವರ್ಧನ್​ ಅವರ ಮೊದಲ ಹೆಸರು ಸಂಪತ್ ಕುಮಾರ್. ಖ್ಯಾತ ನಿರ್ದೇಶಕ ಪುಟ್ಟಣ್ಣ ಕಣಗಾಲ್ ಅವರ ಹೆಸರನ್ನು ವಿಷ್ಣುವರ್ಧನ್ ಆಗಿ ಬದಲಿಸಿದರು. ಸಂಪತ್ ಕುಮಾರ್ ಅವರ ಅದೃಷ್ಟವೋ, ಜನರ ಪ್ರೀತಿಯೋ ಇಂದು ಅವರು ಅಭಿನಯ ಭಾರ್ಗವ ವಿಷ್ಣುವರ್ಧನ್ ಆಗಿ ಜನರ ಆರಾಧ್ಯ ದೈವ ಎನಿಸಿದ್ದಾರೆ.

ವಿಷ್ಣು ಅವರ ಆಪ್ತ ಸ್ನೇಹಿತ ರೆಬಲ್ ಸ್ಟಾರ್ ಅಂಬರೀಶ್ ಮೂಲ ಹೆಸರು ಮಳವಳ್ಳಿ ಹುಚ್ಚೇಗೌಡ ಅಮರ್​​​​ನಾಥ್​​. ಇವರ ಹೆಸರನ್ನು ಕೂಡಾ ಅಂಬರೀಶ್ ಎಂದು ಬದಲಿಸಿದ್ದು ಪುಟ್ಟಣ್ಣ ಕಣಗಾಲ್ .

ಸ್ಯಾಂಡಲ್​ವುಡ್​​ನಲ್ಲಿ ಎವರ್​ಗ್ರೀನ್​ ಹೀರೋ ಎಂದೇ ಖ್ಯಾತರಾದ ಅನಂತ್ ನಾಗ್ ಮೊದಲ ಹೆಸರು ಅನಂತ್ ನಾಗರಕಟ್ಟೆ. ಆದರೆ ಸಂಕಲ್ಪ ಚಿತ್ರದಲ್ಲಿ ನಟಿಸುವಾಗ ಅವರ ಹೆಸರನ್ನು ನಿರ್ದೇಶಕ ಪಿ.ವಿ. ನಂಜರಾಜ ಅರಸ್ ಅವರ ಹೆಸರನ್ನು ಅನಂತ್ ನಾಗ್ ಎಂದು ಬದಲಿಸಿದರು.

ಅಣ್ಣನಂತೆ ತಮ್ಮ ಕೂಡಾ ನಾಗರಕಟ್ಟೆ ಶಂಕರ ಎಂಬ ಹೆಸರನ್ನು ಶಂಕರ್ ನಾಗ್ ಎಂದು ಬದಲಿಸಿಕೊಂಡರು.

ಹ್ಯಾಟ್ರಿಕ್ ಹೀರೋ ಶಿವ ರಾಜ್​ಕುಮಾರ್​ ಮೊದಲ ಹೆಸರು ನಾಗರಾಜು ಶಿವ ಪುಟ್ಟಸ್ವಾಮಿ. ಆದರೆ ಆನಂದ್ ಚಿತ್ರದ ಸಮಯದಲ್ಲಿ ಅಪ್ಪನ ಹೆಸರನ್ನು ಜೊತೆಗೆ ಸೇರಿಸಿಕೊಂಡು ಶಿವಣ್ಣ ತಮ್ಮ ಹೆಸರನ್ನು ಶಿವ ರಾಜ್​​ಕುಮಾರ್ ಎಂದು ಬದಲಿಸಿಕೊಂಡರು.

ಪವರ್ ಸ್ಟಾರ್ ಪುನೀತ್ ರಾಜ್​ ಕುಮಾರ್ ಮೂಲ ಹೆಸರು ಲೋಹಿತ್. ಆದರೆ ಜಾತಕದ ಪ್ರಕಾರ ಆ ಹೆಸರು ಸರಿ ಬರುವುದಿಲ್ಲ ಎಂಬ ಕಾರಣಕ್ಕೆ ಪಾರ್ವತಮ್ಮ ರಾಜ್​​​ ಕುಮಾರ್ ಲೋಹಿತ್ ಹೆಸರನ್ನು ಪುನೀತ್ ರಾಜ್​​ ಕುಮಾರ್ ಎಂದು ಬದಲಿಸಿದರು.

ನವರಸನಾಯಕ ಜಗ್ಗೇಶ್ ಈ ಮುನ್ನ ಈಶ್ವರ್ ಗೌಡ ಆಗಿದ್ದರು, ನಂತರ ಸಿನಿಮಾಗೆ ಬಂದ ಮೇಲೆ ಜಗ್ಗೇಶ್ ಶಿವಲಿಂಗಪ್ಪ ಎಂದು ಬದಲಿಸಿಕೊಂಡರು ಈಗ ಅವರು ಜಗ್ಗೇಶ್ ಎಂದೇ ಫೇಮಸ್.

ಸುದೀಪ್ ಮೊದಲ ಹೆಸರು ದೀಪು, ಆದರೆ ಸಿನಿರಂಗಕ್ಕೆ ಎಂಟ್ರಿ ನೀಡುತ್ತಿದ್ದಂತೆ ಹೆಸರನ್ನು ಸುದೀಪ್ ಎಂದು ಬದಲಿಸಿಕೊಂಡರು.

ಚಾಲೆಂಜಿಂಗ್ ಸ್ಟಾರ್ ದರ್ಶನ್​​ಗೆ ಅವರ ಅಪ್ಪ-ಅಮ್ಮ ಪ್ರೀತಿಯಿಂದ ಇಟ್ಟಿದ್ದ ಹೆಸರು ಹೇಮಂತ್ ಕುಮಾರ್. ಆದರೆ ಮೆಜೆಸ್ಟಿಕ್ ಚಿತ್ರಕ್ಕಾಗಿ ಹೇಮಂತ್ ದರ್ಶನ್ ಆದರು ಎಂಬುದು ಆಪ್ತರ ಮಾತು.

ಧಾರಾವಾಹಿಗಳಲ್ಲಿ ನಟಿಸುವಾಗ ನವೀನ್ ಕುಮಾರ್ ಗೌಡ ಆಗಿದ್ದವರು ಸಿನಿಮಾದಲ್ಲಿ ಅವಕಾಶ ದೊರೆಯುತ್ತಿದ್ದಂತೆ ಯಶ್ ಆದರು. ಈಗ ಅವರು ಅಭಿಮಾನಿಗಳ ಪ್ರೀತಿಯ ರಾಕಿಂಗ್ ಸ್ಟಾರ್.

ಶ್ರೀಮುರಳಿ ಮೂಲ ಹೆಸರು ಮುರುಳಿ. ಆದರೆ ಸಿನಿಮಾದಲ್ಲಿ ನಟಿಸಲು ಅವಕಾಶ ದೊರೆಯುತ್ತಿದ್ದಂತೆ ಶ್ರೀಮುರಳಿ ಎಂದು ಹೆಸರು ಬದಲಿಸಿಕೊಂಡರು.

ಪ್ರಣಯರಾಜ ಎಂದೇ ಹೆಸರಾದ ಶ್ರೀನಾಥ್ ಮೊಲದ ಹೆಸರು ನಾರಾಯಣ ಸ್ವಾಮಿ. ಮೈಸೂರಿನಲ್ಲಿ ಹುಟ್ಟಿ ಬೆಳೆದ ನಾರಾಯಣ ಸ್ವಾಮಿ, ಎಸ್​​ಲೆಚಾರಿ ನಿರ್ದೇಶನದ ಮಧುರ ಮಿಲನ ಚಿತ್ರದ ವೇಳೆ ಶ್ರೀನಾಥ್ ಆಗಿ ಬದಲಾದರು.