ರಾಧಿಕಾ ಆಪ್ಟೆ ಹಸಿಬಿಸಿ ಫೋಟೋ ವೈರಲ್​; ಸಮಾಜಕ್ಕೆ ತಲೆಕೆಟ್ಟಿದೆ ಎಂದ ನಟಿ

ಬಾಲಿವುಡ್ ಬೋಲ್ಡ್​ ನಟಿ ರಾಧಿಕಾ ಆಪ್ಟೆ ಹಾಗೂ ನಟ ದೇವ್​ ಪಟೇಲ್​ ಜತೆಗಿನ ಹಸಿಬಿಸಿ ಫೋಟೋಗಳು ಸಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದವು.

ಸಂಪೂರ್ಣ ನಗ್ನರಾಗಿರುವ ಈ ಫೋಟೋಗಳು ದಿ ವೆಡ್ಡಿಂಗ್ ಗೆಸ್ಟ್ ಸಿನಿಮಾದ ದೃಶ್ಯಗಳಾಗಿದ್ದವು. 'ಲೈಫ್ ಆಫ್ ಪೈ' ಖ್ಯಾತಿಯ ನಟ ದೇವ್ ಪಟೇಲ್ ಜತೆ ರಾಧಿಕಾ ಆಪ್ಟೆ ಈ ಚಿತ್ರದಲ್ಲಿ ನಟಿಸಿದ್ದಾರೆ.

ಈ ಫೋಟೋ ಲೀಕ್​ ಆದ ವಿಚಾರವಾಗಿ ರಾಧಿಕಾ ಆಪ್ಟೆ ಕಿಡಿಕಾರಿದ್ದಾರೆ. ಸಮಾಜಕ್ಕೆ ಮಾನಸಿಕ ಅಸ್ವಸ್ಥತೆ ಕಾಡಿದೆ ಎಂದಿದ್ದಾರೆ. ಈ ಚಿತ್ರದಲ್ಲಿ ಸಾಕಷ್ಟು ಒಳ್ಳೆಯ ದೃಶ್ಯಗಳೂ ಇವೆ. ಅದರ ಕಡೆ ಏಕೆ ಗಮನಕೊಡುತ್ತಿಲ್ಲ ಎಂದು ಪ್ರಶ್ನಿಸಿದ್ದಾರೆ.

ಈ ಚಿತ್ರದ ಕೆಲ ಹಸಿಬಿಸಿ ದೃಶ್ಯಗಳ ಫೋಟೋಗಳು ರಾಧಿಕಾ ಹೆಸರಲ್ಲಿ ವೈರಲ್​ ಆಗುತ್ತಿವೆ. ಈ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿರುವ ಅವರು, "ದೇವ್​ ಪಟೇಲ್​ ಕೂಡ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಆದರೆ ಅವರ ಹೆಸರಲ್ಲೇಕೆ ಫೋಟೋ ವೈರಲ್​ ಆಗುತ್ತಿಲ್ಲ? ನನ್ನ ಹೆಸರನ್ನೇಕೆ ಬಳಕೆ ಮಾಡಿಕೊಳ್ಳಲಾಗುತ್ತಿದೆ," ಎಂದಿದ್ದಾರೆ.

ಮೈಕಲ್ ವಿಂಟರ್ ಬಾಟಮ್ ನಿರ್ದೇಶನ ಮಾಡಿರುವ ಈ ಚಿತ್ರದ ಟ್ರೈಲರ್​ ಬಿಡುಗಡೆಯಾಗಿದ್ದು, ಇದರ ಬೆನ್ನಲ್ಲೇ ನಟ-ನಟಿಯರ ಬೆತ್ತಲೆ ಫೋಟೋಗಳು ವೈರಲ್ ಆಗಿವೆ. (ನಟಿ ರಾಧಿಕಾ- ನಟ ದೇವ್​ ಪಟೇಲ್)