Guru Shishyaru: ಟಿವಿಯಲ್ಲಿ ಬರ್ತಿದೆ ಹೊಸ ಸಿನಿಮಾ ಗುರುಶಿಷ್ಯರು: ಯಾವಾಗ, ಯಾವ ಚಾನೆಲ್​?

ಇತ್ತೀಚೆಗೆ ಬಿಡುಗಡೆಯಾದ ಸಿನಿಮಾ ಗುರುಶಿಷ್ಯರು ಸಿನಿಮಾ ಮೋಡಿ ಮಾಡಿತ್ತು. ಎಷ್ಟೋ ಜನ ಶರಣ್ ನಟನೆಯನ್ನು ಮೆಚ್ಚಿಕೊಂಡಿದ್ದರು. ಗ್ರಾಮೀಣ ಸೊಬಗು ಸವಿದು ಖುಷಿ ಪಟ್ಟಿದ್ದರು. ಈಗ ಈ ಸಿನಿಮಾ ಟಿವಿಯಲ್ಲಿ ಯಲ್ಲಿ ಬರಲು ಸಜ್ಜಾಗಿದೆ.

ಗುರು ಶಿಷ್ಯರು ಸಿನಿಮಾವೂ ಸ್ಟೋಟ್ರ್ಸ್ ಡ್ರಾಮಾ ಕುರಿತಾದ ಚಿತ್ರವಾಗಿದ್ದು, ಡಿಸೆಂಬರ್ 11ರಂದು ಜೀ ಕನ್ನಡದಲ್ಲಿ ಮಧ್ಯಾಹ್ನ 3 ಗಂಟೆಗೆ ಪ್ರಸಾರವಾಗಲಿದೆ. ಮಿಸ್ ಮಾಡ್ದೇ ನೋಡಿ.

ಗುರುಶಿಷ್ಯರು ಚಿತ್ರವು 90ರ ದಶಕದ ಕಥೆಯಾಗಿದೆ. ಈ ಸಿನಿಮಾದಲ್ಲಿ ಶರಣ್ ಅವರ 12 ಶಿಷ್ಯರ ಪಾತ್ರಗಳು ಸಿನಿಮಾಗೆ ಜೀವ ತುಂಬುತ್ತವೆ. ಅದರಲ್ಲಿ ಆರು ಮಂದಿ ಶಿಷ್ಯಂದಿರು ಕನ್ನಡದ ಜನಪ್ರಿಯ ನಟರ ಮಕ್ಕಳಾಗಿದ್ದಾರೆ.

ಜಡೇಶ್ ಕುಮಾರ್ ಹಂಪಿ ನಿರ್ದೇಶನದ ಗುರು ಶಿಷ್ಯರು ಚಿತ್ರದಲ್ಲಿ ಶರಣ್, ನಿಶ್ವಿಕಾ ನಾಯ್ಡು ಅದ್ಭುತವಾಗಿ ನಟಿಸಿದ್ದಾರೆ. ಚಿತ್ರದಲ್ಲಿ ಕಾಮಿಡಿಯೂ ಚೆನ್ನಾಗಿ ಮೂಡಿ ಬಂದಿದೆ. ಹಾಡುಗಳು ಸಹ ಜನರಿಗೆ ಇಷ್ಟವಾಗಿದ್ದವು

ಗುರು ಶಿಷ್ಯರು ಸಿನಿಮಾದಲ್ಲಿ ಖೋ ಖೋ ಆಟಕ್ಕೆ ಹೆಚ್ಚು ಮಹತ್ವ ನೀಡಲಾಗಿದೆ. ಸಿನಿಮಾದಲ್ಲಿ ದೈಹಿಕ ಶಿಕ್ಷಕರಾಗಿ ನಟಿಸಿದ ಶರಣ್ ಅವರು, ಆಟಕ್ಕಾಗಿ ಹುಡುಗರ ಜತೆ ದೈಹಿಕ ತರಬೇತಿ ಪಡೆದಿದ್ದರಂತೆ.

ನಾಯಕ ಶರಣ್ ಅವರ ಪುತ್ರ ಹೃದಯ್, ನೆನಪಿರಲಿ ಪ್ರೆಮ್ ಪುತ್ರ ಏಕಾಂತ್, ಬುಲೆಟ್ ಪ್ರಕಾಶ್ ಪುತ್ರ ರಕ್ಷಕ್, ನವೀನ್ ಕೃಷ್ಣ ಪುತ್ರ ಹರ್ಷಿತ್, ರವಿಶಂಕರ್ ಗೌಡ ಪುತ್ರ ಸೂರ್ಯ ಮತ್ತು ರಾಜಕಾರಣಿ ರಾಜು ಗೌಡ ಪುತ್ರ ಮಣಿಕಂಠ ನಾಯಕ್ ನಟಿಸಿದ್ದಾರೆ.

ಶಿಷ್ಯರ ಪಾತ್ರಗಳಿಗೆ ನಡೆದ ಆಡಿಷನ್‍ನಲ್ಲಿ 6 ಜನ ಸಿನಿಮಾ ನಾಯಕರ ಮಕ್ಕಳು, ಉಳಿದ 6 ಜನರನ್ನು ಹೊರಗಿನವರನ್ನು ಆಯ್ಕೆ ಮಾಡಿದ್ರಂತೆ. 12 ಜನ ಉತ್ತಮವಾಗಿ ನಟಿಸಿದ್ದಾರೆ.

ಚಿತ್ರದಲ್ಲಿ ಗ್ರಾಮೀಣ ಸೊಬಗು ತುಂಬಿದ್ದು, ಸಿನಿಮಾ ಮಿಸ್ ಮಾಡಿಕೊಂಡವರಿಗೆ ಒಳ್ಳೆಯ ಅವಕಾಶ. ಮನೆಯಲ್ಲೇ ಕೂತು ಜೀ ಕನ್ನಡದಲ್ಲಿ ಡಿಸೆಂಬರ್ 11 ರಂದು ಮಧ್ಯಾಹ್ನ 3 ಗಂಟೆಗೆ ನೋಡಿ.