Urfi Javed: ಮಾಧುರಿ ದೀಕ್ಷಿತ್ ವಿರುದ್ಧ ಉರ್ಫಿ ಗಂಭೀರ ಆರೋಪ!

ಹಿಂದಿ ಕಿರುತೆರೆ ನಟಿ, ಸೋಷಿಯಲ್ ಮೀಡಿಯಾ ಸೆನ್ಸೇಷನ್ ಉರ್ಫಿ ಜಾವೇದ್ ಇತ್ತೀಚೆಗೆ ಬಾಲಿವುಡ್ ಹಿರಿಯ ನಟಿ ಮಾಧುರಿ ದೀಕ್ಷಿತ್ ವಿರುದ್ಧ ಮಾತನಾಡಿದ್ದು ಈಗ ವೈರಲ್ ಆಗಿದೆ. ಉರ್ಫಿ ಜಾವೇದ್ ಇನ್​ಸ್ಟಾಗ್ರಾಮ್ ಪೋಸ್ಟ್ ಮೂಲಕ ಮಾಧುರಿ ದೀಕ್ಷಿತ್ ವಿರುದ್ಧ ಮಾತನಾಡಿದ್ದಾರೆ. ಈ ಪೋಸ್ಟ್ ಸದ್ಯ ಡಿಲೀಟ್ ಮಾಡಲಾಗಿದೆ.

ಬೋಲ್ಡ್ ಫ್ಯಾಷನ್ ಆಯ್ಕೆಗಳಿಂದ ಫೇಮಸ್ ಆಗಿರುವ ನಟಿ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಈ ವಿಚಾರವನ್ನು ಶೇರ್ ಮಾಡಿದ್ದಾರೆ. ನನ್ನನ್ನು ಒಂದು ಅವಾರ್ಡ್ ಫಂಕ್ಷನ್​ಗೆ ಆಹ್ವಾನಿಸಲಾಗಿತ್ತು. ಅಲ್ಲಿ ಮಾಧುರಿ ದೀಕ್ಷಿತ್ ಮುಖ್ಯ ಅತಿಥಿಯಾಗಿದ್ದರು. ಸೋನಾಲಿ ಬೇಂದ್ರೆಯೂ ಇದ್ದರು.

ಉರ್ಫಿ ಜಾವೇದ್ ಅವಾರ್ಡ್ ಫಂಕ್ಷನ್​ಗೆ ಹೋಗಲು ಎಲ್ಲಾ ಸಿದ್ಧತೆಗಳನ್ನು ಮಾಡಿಕೊಂಡಿದ್ದರು. ಅದಕ್ಕಾಗಿ ಬೇಕಾದ ಉಡುಪುಗಳನ್ನೂ ರೆಡಿ ಮಾಡಿಕೊಂಡಿದ್ದರು. ಆದರೆ ಕೊನೆ ಕ್ಷಣದಲ್ಲಿ ಅವರ ಆಹ್ವಾನವನ್ನು ಕ್ಯಾನ್ಸಲ್ ಮಾಡಲಾಗಿದೆ.

ಮಾಧುರಿ ಅವರ ತಂಡ ನನ್ನ ಆಹ್ವಾನ ಕ್ಯಾನ್ಸಲ್ ಮಾಡಿದೆ. ಮಾಧುರಿ ಅವರು ಕಾರ್ಯಕ್ರಮ ನಿರೂಪಕರಾಗಿರಲಿಲ್ಲ ಎನ್ನಲಾಗಿದೆ.

ಅವರು ನನ್ನನ್ನು ಆಹ್ವಾನಿಸಿ ನನ್ನ ತಂಡವನ್ನು ತಲುಪಿದ್ದರು. ನಾನು ಅವರ ಆಹ್ವಾನವನ್ನು ಸ್ವೀಕರಿಸಿ ನನ್ನ ಉಳಿದ ಪ್ಲಾನ್​ಗಳನ್ನು ಕ್ಯಾನ್ಸಲ್ ಮಾಡಿ ಬಟ್ಟೆ ಎಲ್ಲ ರೆಡಿ ಮಾಡಿದ್ದೆ. ಆದರೆ ಕೊನೆ ಘಳಿಗೆಯಲ್ಲಿ ನನ್ನ ಆಹ್ವಾನ ರದ್ದು ಮಾಡಿದರು ಎಂದಿದ್ದಾರೆ.

ಈ ದಿಢೀರ್ ನಿರ್ಧಾರದ ಬಗ್ಗೆ ಅವರನ್ನು ಕೇಳಲಾಯಿತು. ಆಗ ಅವರು ನಾನು ಮಾಧುರಿ ದೀಕ್ಷಿತ್ ಅವರ ಲಿಸ್ಟ್​ನಲ್ಲಿಲ್ಲ ಎಂದು ಹೇಳಿದರು. ಅಯ್ಯೋ ನಾನಲ್ಲಿಗೆ ಹೋಗೋಕೆ ತುದಿಗಾಲಲ್ಲಿ ನಿಂತಿಲ್ಲ. ಆದರೆ ಯಾರನ್ನೇ ಆದರು ಕಾರ್ಯಕ್ರಮಕ್ಕೆ ಕರೆದು ಕೊನೆ ಘಳಿಗೆಯಲ್ಲಿ ಕ್ಯಾನ್ಸಲ್ ಮಾಡಬಾರದು ಎಂದಿದ್ದಾರೆ.

ನಟಿ ಉರ್ಫಿ ಜಾವೇದ್ ಅವರು ಆಗಾಗ ಟ್ರೊಲ್ ಆಗುತ್ತಲೇ ಇರುತ್ತಾರೆ. ಚಿತ್ರ ವಿಚಿತ್ರ ಉಡುಗೆಗಳನ್ನು ಧರಿಸುವ ಹಿಂದಿ ಕಿರುತೆರೆ ನಟಿ ಹಿಂದಿ ಒಟಿಟಿ ಬಿಗ್​ಬಾಸ್​ನಲ್ಲಿ ಭಾಗವಹಿಸಿದ್ದರು. ಆದರೆ ಒಂದೇ ವಾರಕ್ಕೆ ಎಲಿಮಿನೇಟ್ ಆಗಿ ಹೊರಗೆ ಬಂದರು.