Anushka Sharma: ಕೊಹ್ಲಿ ಬೇಗ ಮಲಗುತ್ತಾರೆ! ಗಂಡನ ನಿದ್ದೆ ಬಗ್ಗೆ ಅನುಷ್ಕಾ ಶರ್ಮಾ ಹೇಳಿದ್ದಿಷ್ಟು

ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಇಬ್ಬರೂ ತಮ್ಮ ತಮ್ಮ ಕ್ಷೇತ್ರಗಳಲ್ಲಿ ಪೀಕ್​ನಲ್ಲಿದ್ದಾರೆ. ಪ್ರತಿದಿನ ಅವರು ಮತ್ತಷ್ಟು ಎತ್ತರವನ್ನು ತಲುಪುತ್ತಿದ್ದಾರೆ. ಒಂದೆಡೆ ಅನುಷ್ಕಾ ಶರ್ಮಾ ನಟನೆಯ ಜೊತೆಗೆ ಸಿನಿಮಾ ನಿರ್ಮಿಸುತ್ತಿದ್ದಾರೆ. ಮತ್ತೊಂದೆಡೆ ವಿರಾಟ್ ಕೊಹ್ಲಿ ಕೂಡ ಕ್ರಿಕೆಟ್​ನಲ್ಲಿ ದಾಖಲೆಗಳನ್ನು ಮಾಡುತ್ತಿದ್ದಾರೆ.

ವಿರಾಟ್ ಮತ್ತು ಅನುಷ್ಕಾ ತಮ್ಮ ಕ್ಷೇತ್ರದಲ್ಲಿ ದೊಡ್ಡಮಟ್ಟದಲ್ಲಿಯೇ ಗುರುತಿಸಿಕೊಂಡಿದ್ದಾರೆ. ತಮ್ಮ ಲುಕ್, ಶೈಲಿ ಮತ್ತು ಡ್ರೆಸ್​ನಿಂದಲೂ ಬಹಳಷ್ಟು ಸಲ ಅಭಿಮಾನಿಗಳ ಗಮನ ಸೆಳೆಯುತ್ತಿದ್ದಾರೆ. ಆಕರ್ಷಣೆಯ ಜೋಡಿಯಾಗಿ ಗುರುತಿಸಿಕೊಳ್ಳುತ್ತಾರೆ.

ಇತ್ತೀಚೆಗೆ ಭಾರತೀಯ ಕ್ರೀಡಾ ಪ್ರಶಸ್ತಿ ಸಮಾರಂಭದಲ್ಲಿ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಈ ಕಾರ್ಯಕ್ರಮದ ವೇಳೆ, ಅನುಷ್ಕಾ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಅವರಲ್ಲಿ ಹಲವು ಪ್ರಶ್ನೆಗಳನ್ನು ಕೇಳಲಾಗಿತ್ತು. ನಟಿಯಲ್ಲಿ ಅವರ 3 ಗಂಟೆಯ ಸ್ನೇಹಿತನ ಬಗ್ಗೆ ಕೇಳಲಾಯಿತು.

ಈ ಪ್ರಶ್ನೆಗೆ ಉತ್ತರಿಸಿದ ಅನುಷ್ಕಾ ಶರ್ಮಾ ಇಬ್ಬರೂ ಬೆಳಗ್ಗೆ 3 ಗಂಟೆಗೆ ಹೇಗೆ ಏಳುವುದಿಲ್ಲ ಎಂದು ಹೇಳಿದ್ದಾರೆ. ಇಬ್ಬರೂ ಬೇಗನೆ ನಿದ್ದೆ ಮಾಡುತ್ತಾರೆ. ಆದರೆ ಬೆಳಗ್ಗೆ 3 ಗಂಟೆಯವರೆಗೆ ಏಳುವುದಿಲ್ಲ ಎಂದು ಅನುಷ್ಕಾ ಹೇಳಿದ್ದಾರೆ.

ವಿರಾಟ್ ಕೊಹ್ಲಿ ನಿದ್ದೆಯ ಬಗ್ಗೆ ಮಾತನಾಡಿದ ಅನುಷ್ಕಾ ಶರ್ಮಾ, ನಾವು 3 ಗಂಟೆಗೆ ಏಳಲು ಬಯಸುವುದಿಲ್ಲ. ನಾವು ಬೇಗನೆ ಮಲಗುತ್ತೇವೆ. ಬೆಳಗ್ಗೆ 3 ಗಂಟೆಯ ಹೊತ್ತಿಗೆ ಏಳುವುದಿಲ್ಲ ಎಂದಿದ್ದಾರೆ.

ಅನುಷ್ಕಾ ಶರ್ಮಾ ತನ್ನ ಮಗಳು ವಾಮಿಕಾ ಹುಟ್ಟಿದ ನಂತರ ಹೇಗೆ ದಿನಚರಿಯನ್ನು ಫಾಲೋ ಮಾಡಲು ಪ್ರಾರಂಭಿಸಿದರು ಎನ್ನುವುದನ್ನು ಹೇಳಿದರು. ಅನುಷ್ಕಾ ಮತ್ತು ವಿರಾಟ್ ಈಗ ತಮ್ಮ ಜೀವನದಲ್ಲಿ ವಾಮಿಕಾಗೆ ಆದ್ಯತೆ ನೀಡುತ್ತಾರೆ. ಆದರೂ ಇಬ್ಬರೂ ತಮ್ಮ ವೃತ್ತಿಜೀವನವನ್ನು ಬಿಟ್ಟುಕೊಟ್ಟಿಲ್ಲ.

ಅನುಷ್ಕಾ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಆಗಾಗ ವೆಕೇಷನ್ ಹೋಗುತ್ತಾರೆ. ಒಮ್ಮೆ ಸ್ಟಾರ್ ಸ್ಪೋರ್ಟ್ಸ್‌ಗೆ ನೀಡಿದ ಸಂದರ್ಶನದಲ್ಲಿ, ಅನುಷ್ಕಾ ಮತ್ತು ವಿರಾಟ್ ನೈಟ್ ಪಾರ್ಟಿಗಳಲ್ಲಿ ಏಕೆ ಕಾಣಿಸುವುದಿಲ್ಲ ಎಂದು ಕೇಳಲಾಯಿತು. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಅನುಷ್ಕಾ, ಪೋಷಕರಾದ ನಂತರ ತಮ್ಮ ಮಗಳ ಮೇಲೆ ಗಮನ ನೀಡುತ್ತಿರುವುದಾಗಿ ಹೇಳಿದ್ದಾರೆ.

ನಿಮಗೆ ಮಗುವಾದಾಗ, ನೀವು ಹೆಚ್ಚು ಸೋಷಿಯಲ್ ಆಗಿರಲು ಸಾಧ್ಯವಿಲ್ಲ ಎಂಬುದು ವಾಸ್ತವ. ನಾವಿಬ್ಬರೂ ಹೆಚ್ಚು ಸೋಷಿಯಲ್ ಆಗಿರದ ಕಾರಣ ನಾವು ನಿಜವಾಗಿಯೂ ಸಂತೋಷವಾಗಿದ್ದೇವೆ. ನಾವು ಸರಳವಾದ ವಿಷಯಗಳನ್ನು ಇಷ್ಟಪಡುತ್ತೇವೆ. ಮನೆಯಲ್ಲಿ ಸಮಯ ಕಳೆಯುತ್ತೇವೆ. ನಮಗೆ ಅಷ್ಟಾಗಿ ಸಮಯ ಸಿಗುವುದಿಲ್ಲ. ಒಟ್ಟಿಗೆ ಸಮಯ ಸಿಕ್ಕಾಗ ಅದನ್ನು ಸರಿಯಾಗಿ ಬಳಸುತ್ತೇವೆ ಎಂದಿದ್ದಾರೆ.