KGF 2: ಅಲೆಲೆಲೇ... 'ದೊಡ್ಡಮ್ಮ' ಜೊತೆ ಹೆಂಗ್​ ಪೋಸ್​ ಕೊಟ್ಟವ್ರೇ ನೋಡಿ ಆರ್​ಸಿಬಿ ಟೀಂ!

ವಿಶ್ವದ ಮೂಲೆ ಮೂಲೆಯಲ್ಲೂ ಕೆಜಿಎಫ್​ 2(KGF 2) ಅಬ್ಬರ ಜೋರಾಗಿದೆ. ಬಾಕ್ಸ್​ ಆಫೀಸ್​(Box Office)ನಲ್ಲಿ ರಾಕಿ ಭಾಯ್​ ಧೂಳೆಬ್ಬಿಸುತ್ತಿದ್ದಾರೆ.

ಕಲೆಕ್ಷನ್‌ ಲೆಕ್ಕಾಚಾರದಲ್ಲಿ ‘ಕೆಜಿಎಫ್: ಚಾಪ್ಟರ್ 2’ ಸಿನಿಮಾ ಮುನ್ನುಗ್ಗುತ್ತಿದೆ. ಯಶ್​(Yash)ಮಾಡಿರುವ ಹೊಸ ದಾಖಲೆಯನ್ನು ಟಚ್​ ಮಾಡುವುದರಲಿ, ಈ ದಾಖಲೆಯತ್ತರ ಬರೋದಕ್ಕೂ ಮತ್ತೆ ರಾಕಿನೇ ಬರಬೇಕು ಅಂತಿದ್ದಾರೆ ಸಿನಿಪಂಡಿತರು.

ಕೆಲವು ದಿನಗಳ ಹಿಂದಷ್ಟೇ 'KGF 2' ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲ್ಮ್ಸ್ ಹಾಗೂ RCB ಟೀಮ್ವ ಒಟ್ಟಿಗೆ ಸೇರಿತ್ತು. ಈ ಎರಡೂ ಸಂಸ್ಥೆಗಳೂ ಒಟ್ಟಿಗೆ ಸೇರಿ ಹಲವು ಕ್ಷೇತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಲಿದೆ ಎಂದು ಹೇಳಿತ್ತು

ಅದರ ಮೊದಲ ಭಾಗವಾಗಿ 'ಕೆಜಿಎಫ್ 2' ಸಿನಿಮಾವನ್ನು ಆರ್‌ಸಿಬಿ ಆಟಗಾರರು ಸಿನಿಮಾ ನೋಡಿದ್ದಾರೆ. ಭಾನುವಾರ (ಏಪ್ರಿಲ್ 17) 'ಕೆಜಿಎಫ್ 2' ಸಿನಿಮಾವನ್ನು ವೀಕ್ಷಣೆ ಮಾಡಿದ್ದಾರೆ. ಬಿಡುವಿನ ವೇಳೆಯಲ್ಲಿ ಆರ್‌ಸಿಬಿ ಆಟಗಾರರು ಸಿನಿಮಾ ನೋಡಿದ್ದಾರೆ. ಸಿನಿಮಾ ನೋಡಿದ ಬೆಂಗಳೂರು ಬಾಯ್ಸ್​ ಸಖತ್​ ಥ್ರಿಲ್​ ಆಗಿದ್ದಾರೆ.

ಐಪಿಎಲ್ ಪಂದ್ಯಾವಳಿ ನಡೆಯುತ್ತಿರುವುದರಿಂದ ಆಟಗಾರರೆಲ್ಲರೂ ಬಯೋ ಬಬಲ್‌ನಲ್ಲಿದ್ದಾರೆ. ಹೀಗಾಗಿ 'ಕೆಜಿಎಫ್ 2' ಸಿನಿಮಾವನ್ನೂ ಕೂಡ ಬಯೋ ಬಬಲ್‌ ಒಳಗೆನೇ ಸಿನಿಮಾ ವೀಕ್ಷಣೆ ಮಾಡಲು ಅವಕಾಶ ಮಾಡಿಕೊಡಲಾಗಿತ್ತು. ಅದರಂತೆಯೇ ಆರ್‌ಸಿಬಿ ಆಟಗಾರರು ಏಪ್ರಿಲ್ 17ರಂದು ರಾತ್ರಿ ಸಿನಿಮಾವನ್ನು ವೀಕ್ಷಣೆ ಮಾಡಿದ್ದಾರೆ.

ಪೋಸ್ಟರ್‌, ಸ್ಯಾಂಡೀಸ್‌ ಇಟ್ಟು ಪ್ರಚಾರ ಮಾಡಿತ್ತು. ರಾತ್ರಿ ಆರ್‌ಸಿಬಿ ಆಟಗಾರರಿಗೆ ವಿಶೇಷ ಪ್ರದರ್ಶನ ಏರ್ಪಡಿಸಲಾಗಿದೆ ಎಂದು ಹೇಳಿದ್ದರು. ಅದರಂತೆ, ವಿರಾಟ್ ಕೊಹ್ಲಿ, ಗ್ಲೆನ್ ಮ್ಯಾಕ್ಸ್‌ವೆಲ್, ಫಾಫ್ ಡು ಪ್ಲೆಸಿಸ್ ಸೇರಿದಂತೆ ಹಲವು ಆಟಗಾರರು ಸಿನಿಮಾ ವೀಕ್ಷಿಸಿದ್ದಾರೆ. ಜೊತೆಗೆ ದೊಡ್ಡಮ್ಮ ಜೊತೆ ನಿಂತು ಕ್ಯಾಮರಾಗೆ ಪೋಸ್​ ಕೊಟ್ಟಿದ್ದಾರೆ.

ಒಂದು ಕನ್ನಡ ಸಿನಿಮಾ(Kannada Movie) ಈ ಮಟ್ಟಕ್ಕೆ ದಾಖಲೆ ಮೇಲೆ ದಾಖಲೆ ಬರೆಯುತ್ತಿರುವುದು ಕನ್ನಡಿಗರ ಹೆಮ್ಮೆ ಎಂದರೆ ತಪ್ಪಾಗಲಾರದು. ಎಲ್ಲರೂ ಮತ್ತೆ ಮತ್ತೆ ಚಿತ್ರಮಂದಿರಗಳಿಗೆ ಹೋಗಿ ಸಿನಿಮಾ ನೋಡುತ್ತಿದ್ದಾರೆ. ಇದೀಗ ರಾಯಲ್​ ಚಾಲೆಂಜರ್ಸ್(Royal Challengers Banglore)​ ಆಟಗಾರರು ಕೂಡ ಕೆಜಿಎಫ್ 2 ಸಿನಿಮಾ ನೋಡಿದ್ದಾರೆ.

ರಾಕಿ ಭಾಯ್​ ಅಬ್ಬರ ಕಂಡು ಆರ್​ಸಿಬಿ ಬಾಯ್ಸ್​ ದಂಗಾಗಿ ಹೋಗಿದ್ದಾರೆ. ಸಂಜಯ್​ ದತ್​ ಅವರ ಅಭಿನಯಕ್ಕೂ ಆರ್​ಸಿಬಿ ತಂಡ ಫಿದಾ ಹೋಗಿದ್ದಾರೆ.