Vikrant Rona-Oscar: ಆಸ್ಕರ್ ಲಿಸ್ಟ್​ನಲ್ಲಿ ವಿಕ್ರಾಂತ್ ರೋಣ! ಕನ್ನಡದ 2 ಸಿನಿಮಾ

ಕಾಂತಾರ ಸಿನಿಮಾ ಆಸ್ಕರ್ ಕ್ವಾಲಿಫಿಕೇಷನ್​ಗಳನ್ನು ಪಾಸ್ ಮಾಡಿದ ಬೆನ್ನಲ್ಲೇ ಕನ್ನಡದ ಇನ್ನೊಂದು ಸಿನಿಮಾ ಲಿಸ್ಟ್ ಸೇರಿರುವ ವಿಚಾರ ರಿವೀಲ್ ಆಗಿದೆ.

ಅನೂಪ್ ಭಂಡಾರಿ ನಿರ್ದೇಶನದ ಕನ್ನಡ ಸಿನಿಮಾ ವಿಕ್ರಾಂತ್ ರೋಣ ಕೂಡಾ ಆಸ್ಕರ್ ಲಿಸ್ಟ್ ಸೇರಿಕೊಂಡಿದ್ದು ನಿರ್ದೇಶಕರು ಈ ಹ್ಯಾಪಿ ನ್ಯೂಸ್ ಶೇರ್ ಮಾಡಿದ್ದಾರೆ.

ನಿರ್ದೇಶಕರ ಅನೂಪ್ ಭಂಡಾರಿ ಈ ಕುರಿತು ಟ್ವೀಟ್ ಮಾಡಿದ್ದಾರೆ. 2016ರಲ್ಲಿ ರಂಗಿತರಂಗ ನಂತರ ವಿಕ್ರಾಂತ್ ರೋಣವನ್ನು ಆಸ್ಕರ್ ಲಿಸ್ಟ್​ನಲ್ಲಿ ನೋಡಲು ಖುಷಿಯಾಗುತ್ತಿದೆ. ಕಾಂತಾರವನ್ನೂ ಲಿಸ್ಟ್​ನಲ್ಲಿ ನೋಡಿ ಖುಷಿ ಆಯ್ತು. 2 ಕನ್ನಡ ಸಿನಿಮಾ, ತಂಡಕ್ಕೆ ಶುಭಾಶಯಗಳು ಎಂದು ಬರೆದಿದ್ದಾರೆ.

ವಿಕ್ರಾಂತ್ ರೋಣ ಸಿನಿಮಾದಲ್ಲಿ ಕಿಚ್ಚ ಸುದೀಪ್, ಮಿಲನಾ ನಾಗರಾಜ್, ಬಾಲಿವುಡ್ ನಟಿ ಜಾಕ್ಲಿನ್ ಫರ್ನಾಂಡಿಸ್ ಅವರು ನಟಿಸಿದ್ದಾರೆ.

ರಂಗಿತರಂಗ ಸಿನಿಮಾದ ಪಾರ್ಟ್ 2 ನಂತೆ ಬಂದ ವಿಕ್ರಾಂತ್​ ರೋಣ ಸಿನಿಮಾ ಕಥೆ ಬಹಳಷ್ಟು ಹೋಲಿಕೆ ಕಾಣುತ್ತಿತ್ತು. ಸಿನಿಮಾ ಬಾಕ್ಸ್ ಆಫೀಸ್​ನಲ್ಲಿ ಹಿಟ್ ಆಗಿತ್ತು.

ಕಾಂತಾರ ಸೇರಿದಂತೆ ಟಾಪ್ ಸಿನಿಮಾಗಳು ಆಸ್ಕರ್​ಗೆ ಅರ್ಜಿ ಸಲ್ಲಿಸಿದ್ದವು. ಇದೀಗ ಕನ್ನಡದ ಎರಡು ಸಿನಿಮಾ ಆಸ್ಕರ್ ಕ್ವಾಲಿಫಿಕೇಷನ್ ಪಾಸ್ ಮಾಡಿರುವುದು ಹೆಮ್ಮೆಯ ಸಂಗತಿ.

ಕಾಂತಾರ ಸಿನಿಮಾ ಕೂಡಾ ಕ್ವಾಲಿಫಿಕೇಷನ್ ಪಾಸ್ ಮಾಡಿದ್ದು ಹೊಂಬಾಳೆ ಫಿಲ್ಮ್ಸ್ ಈ ಗುಡ್ ನ್ಯೂಸ್ ಶೇರ್ ಮಾಡಿದೆ. ಅಂತೂ ಲಿಸ್ಟ್ ರಿಲೀಸ್ ಆಗಿ ಸ್ಯಾಂಡಲ್​ವುಡ್​ಗೆ ಪಾಸಿಟಿವ್ ನ್ಯೂಸ್ ಸಿಕ್ಕಿದೆ.