Rishab Shetty ಮನೆಯಲ್ಲಿ ಹಬ್ಬದ ಸಂಭ್ರಮ: ವಿಶ್​ ಮಾಡಿದ ಪ್ರಗತಿ ಶೆಟ್ಟಿ..!

ಸ್ಯಾಂಡಲ್​ವುಡ್​ನ ಬಹುಮುಖ ಪ್ರತಿಭೆ.... ನಟ ಹಾಗೂ ನಿರ್ದೇಶಕ ರಿಷಭ್​ ಶೆಟ್ಟಿ ಮಗ ಹಾಗೂ ಮಡದಿ ಜೊತೆ ಸಂಭ್ರಮದಿಂದ ಹಬ್ಬ ಆಚರಿಸಿದ್ದಾರೆ. ಮನೆಯಲ್ಲಿ ದೇವಿಯ ಪೂಜೆ ಮಾಡುವ ಮೂಲಕ ದೇವಿಯ ಕೃಪೆಗೆ ಪಾತ್ರರಾಗಿದ್ದಾರೆ.

ನಾಡ ಹಬ್ಬ ದಸರಾವನ್ನು ಸಂಭ್ರಮದಿಂದ ಆಚರಿಸಿದ್ದಾರೆ ರಿಷಭ್​ ಶೆಟ್ಟಿ ಹಾಗೂ ಪ್ರಗತಿ ಶೆಟ್ಟಿ. ಮನೆಯಲ್ಲಿ ಪತಿಯ ಜತೆ ಪೂಜೆ ಮಾಡುತ್ತಿರುವ ಚಿತ್ರಗಳನ್ನು ಪ್ರಗತಿ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಹಬ್ಬ-ಹರಿದಿನಗಳ ವಿಷಯಕ್ಕೆ ಬಂದರೆ, ರಿಷಭ್​ ಶೆಟ್ಟಿ ಹಾಗೂ ಅವರ ಕುಟುಂಬದವರೂ ಚಾಚೂ ತಪ್ಪದೆ ನಿಯಮಗಳನ್ನು ಪಾಲಿಸುತ್ತಾ ಶ್ರದ್ಧೆಯಿಂದ ಅದನ್ನು ಆಚರಿಸುತ್ತಾರೆ.

ಮನೆಯಲ್ಲಿ ದೇವಿಯ ಪೂಜೆ ಮಾಡಿದ ನಂತರ ಆ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ನೆಟ್ಟಿಗರಿಗೆ ಹಬ್ಬದ ಶುಭ ಕೋರಿದ್ದಾರೆ ಪ್ರಗತಿ ಶೆಟ್ಟಿ.

ಪೂಜೆ ಮಾಡಿದ ನಂತರ ಪತಿಯ ಜೊತೆಗೆ ಫೋಟೋಗೆ ಪೋಸ್​ ಕೊಡುವಾಗ ಪ್ರಗತಿ ನಾಚಿ ನೀರಾಗಿದ್ದಾರೆ. ಫೋಟೋ ತೆಗೆಯುವ ವ್ಯಕ್ತಿ ಅದ್ಯಾವ ಜೋಕ್​ ಮಾಡಿದ್ದರೂ ತಿಳಿಯದು. ಆದರೆ, ನಾಚುತ್ತಾ ಪತಿಯ ಮೇಲೆ ಮುಖ ಇಟ್ಟು ನಗುತ್ತಿದ್ದಾರೆ ಪ್ರಗತಿ.

ರಿಷಭ್ ಶೆಟ್ಟಿ ಅವರಿಗೆ ಕಳೆದ ಎರಡು ವರ್ಷಗಳು ನಿಜಕ್ಕೂ ಅದೃಷ್ಟ ತಂದುಕೊಟ್ಟಿವೆ ಎಂದರೆ ತಪ್ಪಾಗದು. ಸಾಲು ಸಾಲು ಸಿನಿಮಾಗಳಲ್ಲಿ ನಟನೆ, ಜೊತೆಗೆ ನಿರ್ದೇಶನದ ಜವಾಬ್ದಾರಿ ಸಹ ಹೊತ್ತುಕೊಂಡಿದ್ದಾರೆ.

ರಿಷಭ್​ ಶೆಟ್ಟಿ ಅವರು ಹೊಂಬಾಳೆ ಸಿನಿಮಾದ ಜತೆ ಕೈ ಜೋಡಿಸಿದ್ದು, ಕಾಂತಾರ ಸಿನಿಮಾವನ್ನು ನಿರ್ದೇಶನ ಮಾಡುವುದರ ಜೊತೆಗೆ ಅದರಲ್ಲಿ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ. ಜೊತೆಗೆ ಸಂದೇಶ್​ ನಾಗರಾಜ್​ ಅವರ ನಿರ್ಮಾಣದ ಹರಿಕಥೆಯ್ಲ ಗಿರಿಕಥೆ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇದರ ಜೊತೆಗೆ ಬೆಲ್​ ಬಾಟಮ್​ 2 ಚಿತ್ರದ ಮುಹೂರ್ತ ಸಹ ನೆರವೇರಿದೆ.