Tamannaah Bhatia: ತಮನ್ನಾ ಜೊತೆ ಬ್ರೇಕಪ್! ವಧು ಬೇಕೆಂದ ವಿಜಯ್ ವರ್ಮಾ

ಬಾಲಿವುಡ್ ನಟ ವಿಜಯ್ ವರ್ಮಾ ಅವರೊಂದಿಗೆ ತಮನ್ನಾ ಭಾಟಿಯಾ ಡೇಟಿಂಗ್ ಮಾಡುತ್ತಿರುವುದು ಎಲ್ಲರಿಗೂ ಗೊತ್ತು. ಈ ಜೋಡಿ ಶೀಘ್ರ ಮದುವೆಯಾಗಲಿದ್ದಾರೆ ಎನ್ನುವ ಸುದ್ದಿಯೂ ಇದೆ. ಆದರೆ ಇತ್ತೀಚೆಗೆ ವಿಜಯ್ ವರ್ಮಾ ಅವರ ಜಾಹೀರಾತು ಓಡಾಡುತ್ತಿದ್ದು ಇವರಿಬ್ಬರು ಬ್ರೇಕಪ್ ಮಾಡಿಕೊಂಡಿದ್ದಾರಾ ಎನ್ನುವ ಸಂಶಯ ಹುಟ್ಟುಹಾಕಿದೆ.

ವಧು ಬೇಕಾಗಿದ್ದಾರೆ ಎಂದು ವಿಜಯ್ ವರ್ಮಾ ಅವರ ಫೋಟೋ ಹಾಕಿ ಜಾಹೀರಾತು ನೀಡಲಾಗಿದ್ದು ಇದು ಈ ಎಲ್ಲ ಚರ್ಚೆಗೆ ಕಾರಣ. ಇದನ್ನು ನೋಡಿದ ನೆಟ್ಟಿಗರೆಲ್ಲ ವಿಜಯ್ ಹಾಗೂ ತಮನ್ನಾ ಬೇರೆಯಾಗಿದ್ದಾರೆ ಎಂದು ಚರ್ಚಿಸಿಕೊಳ್ಳುತ್ತಿದ್ದಾರೆ.

ವಿನೋದ್ ಸಿಂಗ್ 30 ವರ್ಷ, ಕಪ್ಪು ಬಣ್ಣ ಹ್ಯಾಂಡ್ಸಂ, ಕುಟುಂಬದ ಜ್ಯುವೆಲ್ಲರಿ ಬ್ಯುಸಿನೆಸ್ ಮಾಡುತ್ತಿದ್ದೇನೆ. ಲಾಂಗ್ ಡ್ರೈವ್ ಇಷ್ಟ. ಮಾನಸಿಕ ನೆಮ್ಮದಿಗಾಗಿ ಪ್ರಕೃತಿ ಮಧ್ಯೆ ಇರುವುದು ಇಷ್ಟ. ಸುಶಿಕ್ಷಿತ ಫ್ಯಾಮಿಲಿ ಗರ್ಲ್ ಬೇಕು. ವರದಕ್ಷಿಣೆ ಬೇಡ, ಗೋಲ್ಡ್ ಡಿಗ್ಗರ್ಸ್ ದೂರವಿರಿ. ಸಾವು ನಮ್ಮನ್ನು ದೂರ ಮಾಡುವತನಕ ಜೊತೆಗಿರುವ ಸಂಗಾತಿ ಬೇಕು ಎಂದು ಜಾಹೀರಾತಿನಲ್ಲಿ ಬರೆಯಲಾಗಿದೆ.

ಈ ಜಾಹೀರಾತು ನಟನ ಲೇಟೆಸ್ಟ್ ರಿಲೀಸ್ ದಾಹಡ್ ಕುರಿತಾಗಿರುವದ್ದು. ಇದರಲ್ಲಿ ನಟ ಆನಂದ್ ಸಾವರ್ಕರ್ ಎನ್ನುವ ಪಾತ್ರ ಮಾಡಿದ್ದಾರೆ. ಇದರಲ್ಲಿ ನಟ ಸೀರಿಯಲ್ ಕಿಲ್ಲರ್ ಹಾಗೂ ಹಿಂದಿ ಪ್ರಾಧ್ಯಾಪಕ.

ಈ ಜಾಹೀರಾತು ನೋಡಿದ ಜನರು ತಮನ್ನಾ ಹಾಗೂ ವಿಜಯ್ ಬ್ರೇಕಪ್ ಆಗಿದೆಯೇ ಎಂದು ಚರ್ಚಿಸುತ್ತಿದ್ದಾರೆ. ಆದರೆ ಇದು ಅಸಲಿಗೆ ಸಿನಿಮಾದ ಪ್ರಮೋಷನ್ ಭಾಗವಾಗಿ ಕೊಟ್ಟ ಜಾಹೀರಾತು.

ವಿಜಯ್ ಹಾಗೂ ತಮನ್ನಾ ಅವರು ಡೇಟಿಂಗ್ ಮಾಡುತ್ತಿರುವುದು ಗುಟ್ಟಾಗಿ ಉಳಿದಿಲ್ಲ. ಅವರಿಬ್ಬರೂ ಹಲವು ಬಾರಿ ಜೊತೆಯಾಗಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದಾರೆ.

ಒಂದು ಪ್ರಶಸ್ತಿ ಪ್ರಧಾನ ಸಮಾರಂಭದ ಕಾರ್ಯಕ್ರಮದಲ್ಲಿ ತಮನ್ನಾ ಮತ್ತು ವಿಜಯ್ ಇಬ್ಬರು ಒಟ್ಟಿಗೆ ಕೈ ಹಿಡಿದುಕೊಂಡು ಇರುವ ಮತ್ತು ಒಬ್ಬರ ಪಕ್ಕದಲ್ಲಿ ಇನ್ನೊಬ್ಬರು ನಿಂತುಕೊಂಡು ಫೋಟೋಗೆ ಪೋಸ್ ನೀಡಿದ್ದು ಸಹ ನೋಡಬಹುದು.

ಮುಂಬೈನಲ್ಲಿ ನಡೆದ ಪ್ರಶಸ್ತಿ ಸಮಾರಂಭದಲ್ಲಿ ತಮನ್ನಾ ಮತ್ತು ವಿಜಯ್ ಫೋಟೋಗಳಿಗೆ ಪೋಸ್ ನೀಡಿದರು. ಅವರು ಕಾಣಿಸಿಕೊಂಡಾಗ ಒಬ್ಬರಿಗೊಬ್ಬರು ಕೈಗಳನ್ನು ಹಿಡಿದುಕೊಂಡು ಮತ್ತು ಪರಸ್ಪರ ತಬ್ಬಿಕೊಂಡರು.

ಇಬ್ಬರೂ ನಟರು ತುಂಬಾನೇ ಸ್ಮಾರ್ಟ್ ಆಗಿ ಕಾಣುತ್ತಿದ್ದರು. ಇವರಿಬ್ಬರು ಒಳ್ಳೆಯ ಜೋಡಿ ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ. ಅವರ ಕೆಮಿಸ್ಟ್ರಿ ಮಾತ್ರ ಅಭಿಮಾನಿಗಳಿಗೆ ತುಂಬಾನೇ ಹಿಡಿಸಿದೆ.