Vijay Sethupathi: ವಿಜಯ್ ಸೇತುಪತಿ ನ್ಯೂ ಲುಕ್! ಫ್ಯಾನ್ಸ್​ಗೆ ಅಚ್ಚರಿ

ಕಾಲಿವುಡ್ ನಟ ವಿಜಯ್ ಸೇತುಪತಿ ಅವರು ತಮ್ಮ ತೂಕದಿಂದಾಗಿ ಭಾರೀ ಕಾಮೆಂಟ್​​ಗಳನ್ನು ಎದುರಿಸಿದ್ದರು. ನಟನೆಯಲ್ಲಿ ಪ್ರೇಕ್ಷಕರನ್ನು ಮೋಡಿ ಮಾಡುವ ಈ ನಟ ವೈಟ್​ ಗೈನ್​​ನಿಂದಾಗಿ ಸ್ವಲ್ಪ ಸುದ್ದಿಯಾಗಿದ್ದರು.

ಆದರೆ ಈಗ ಅವರ ಹೊಸ ಫೋಟೋ ನೋಡಿ ಎಲ್ಲರೂ ಅಚ್ಚರಿಗೊಂಡಿದ್ದಾರೆ. ನಟ ತೂಕ ಇಳಿಸಿಕೊಂಡಿರುವುದು ಈ ಫೋಟೋದಲ್ಲಿ ಸ್ಪಷ್ಟವಾಗಿದೆ. ಅವರ ಫೋಟೋ ವೈರಲ್ ಆಗಿದ್ದು ಇಂಟ್ರೆಸ್ಟಿಂಗ್ ಕಾಮೆಂಟ್​​ಗಳನ್ನು ಪಡೆಯುತ್ತಿದೆ.

ನಟ ನಗುವ ಸೆಲ್ಫೀಯನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಫೋಟೋದಲ್ಲಿ ನಟ ವೈಟ್ ಕಲರ್​ ಡ್ರೆಸ್ ಧರಿಸಿದ್ದು ಮಿರರ್ ಸೆಲ್ಫೀ ಕ್ಲಿಕ್ ಮಾಡಿದ್ದಾರೆ. ಇದರಲ್ಲಿ ಅವರು ಮೊದಲಿಗಿಂತ ತೆಳ್ಳಗಾಗಿರುವುದನ್ನು ಸ್ಪಷ್ಟವಾಗಿ ಕಾಣಬಹುದು. ನಟ ಇತ್ತೀಚೆಗೆ ತಮಿಳು ಸಿನಿಮಾ ಡಿಎಸ್​ಪಿಯಲ್ಲಿ ಕಾಣಿಸಿಕೊಂಡಿದ್ದರು. ಆ ಸಿನಿಮಾದಲ್ಲಿ ನಟ ಅವರ ಎಂದಿನ ಲುಕ್​ನಲ್ಲಿದ್ದರು.

ಆದರೆ ಅವರ ಈಗಿನ ಫೋಟೋದಲ್ಲಿ ಮಾತ್ರ ಅವರು ತೂಕ ಕಳೆದುಕೊಂಡಿರುವುದು ಸ್ಪಷ್ಟವಾಗಿದೆ. ಅಭಿಮಾನಿಗಳು ಪ್ರೇರಣಾದಾಯಾಕ, ನಂಬಲಸಾಧ್ಯ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ.

ಇನ್ನೂ ಕೆಲವರು ಕಾಮೆಂಟ್ ಮಾಡಿ ಇದು ಕೇವಲ ಕ್ಯಾಮೆರಾ ಆ್ಯಂಗಲ್ ಬದಲಾವಣೆ ಅಷ್ಟೇ. ಇಷ್ಟು ಸ್ವಲ್ಪ ಅವಧಿಯಲ್ಲಿ ಅಷ್ಟು ತೂಕ ಕಳೆದುಕೊಳ್ಳಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.

2022ರಲ್ಲಿ ವಿಜಯ್ ಸೇತುಪತಿ ಅವರ 4 ಸಿನಿಮಾ ರಿಲೀಸ್ ಆಗಿದೆ. ವಿಕ್ರಮ್, ಮಾಮನಿದನ್, ಡಿಎಸ್​ಪಿ, 19 ಸಿನಿಮಾಗಳು ರಿಲೀಸ್ ಆಗಿವೆ. ಸೂಪರ್ ಡಿಲಕ್ಸ್​ನಲ್ಲಿ ತೃತೀಯಲಿಂಗಿ ವ್ಯಕ್ತಿಯ ಪಾತ್ರಕ್ಕಾಗಿ ನಟ ನ್ಯಾಷನಲ್ ಅವಾರ್ಡ್​ ಪಡೆದಿದ್ದರು.

ವಿಜಯ್ ಸೇತುಪತಿ ಪುಷ್ಪ 2 ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅದೇ ರೀತಿ ನಟ ಬಾಲಿವುಡ್​ಗೂ ಎಂಟ್ರಿ ಕೊಡಲಿದ್ದು ಶಾಹಿದ್ ಕಪೂರ್ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ.