ದಳಪತಿ ವಿಜಯ್ ನಟನೆಯ ‘ಮಾಸ್ಟರ್‘ ಸಿನಿಮಾ ರಿಮೇಕ್​?; ಇಲ್ಲಿದೆ ಉತ್ತರ

ತಮಿಳಿನ ದಲಪತಿ ವಿಜಯ್ ನಟನೆಯ ‘ಮಾಸ್ಟರ್ ‘ಸಿನಿಮಾದ  ಬಗ್ಗೆ ಒಂದಲ್ಲಾ ಒಂದು ಸುದ್ದಿಗಳು ಹೊರ ಬೀಳುತ್ತಲೇ ಇದೆ. ಕಳೆದ ವಾರ  ಮಾಸ್ಟರ್​ ಸಿನಿಮಾ ‘ಪೋಸ್ಟರ್‘ ಬಿಡುಗಡೆಯಾಗಿ ಸುದ್ದಿಯಾಗಿತ್ತು. ಅದಕ್ಕೂ ಮುನ್ನ ಶಿವಮೊಗ್ಗದ ಜೈಲಿನಲ್ಲಿ ‘ಮಾಸ್ಟರ್‘ ಚಿತ್ರತಂಡ ಶೂಟಿಂಗ್​ಗಾಗಿ ಬೀಡು ಬಿಟ್ಟಿದೆ, ಚಿತ್ರೀಕರಣ ನಡೆಯುತ್ತಿದೆ ಎಂಬ ಸುದ್ದಿಯೂ ಹರಿದಾಡಿತ್ತು. ಆದರೀಗ ‘ಮಾಸ್ಟರ್‘ ಚಿತ್ರದ ಬಗ್ಗೆ ಮತ್ತೊಂದು ಸುದ್ದಿ ಹೊರಬಿದ್ದಿದೆ. ಏನದು ಗೊತ್ತಾ?

ಮಾಹಿತಿಗಳ ಪ್ರಕಾರ ವಿಜಯ್ ನಟನೆಯ ‘ಮಾಸ್ಟರ್‘ ಸಿನಿಮಾ ಕೊರಿಯನ್ ಚಿತ್ರದಿಂದ ಪ್ರೇರಿತಗೊಂಡು ನಿರ್ಮಾಣ ಮಾಡಲಾಗುತ್ತಿದೆ ಎನ್ನಲಾಗಿದೆ.

2011ರಲ್ಲಿ ಬಿಡುಗಡೆಗೊಂಡ ಕೊರಿಯನ್ ಭಾಷೆಯ ಸೈಲೆನ್ಸ್ಡ್​​​​​ ಚಿತ್ರದಿಂದ ಪ್ರೇರಿತಗೊಂಡು ಮಾಸ್ಟರ್ ಸಿನಿಮಾ ಮಾಡಲಾಗುತ್ತಿದೆ ಎಂಬ ಸುದ್ದಿ ಹರಿದಾಡುತ್ತಿದೆ. ಆದರೆ ಇದು ಗಾಳಿ ಸುದ್ದಿಯೋ ?ಅಥವಾ ನಿಜವೇ? ಎಂಬುದು ಇನ್ನು ತಿಳಿದುಬಂದಿಲ್ಲ.

ಸೈಲೆನ್ಸ್ಡ್​​​​​ಚಿತ್ರದಲ್ಲಿ ಮಾತು ಬಾರದ ಮಕ್ಕಳನ್ನು ಹಾಸ್ಟೆಲ್ ವಾರ್ಡನ್ ಲೈಂಗಿಕ ಕಿರುಕುಳಕ್ಕೆ ಒಳಪಡಿಸುಕೊಳ್ಳುತ್ತಾನೆ. ಈ ಕೀಚಕನಿಂದ  ಹೀರೋ ಮಕ್ಕಳನ್ನು ಕಾಪಾಡುವುದು ಈ ಸಿನಿಮಾದ  ಭಾಗವಾಗಿದೆ.

ಸೈಲೆನ್ಸ್ಡ್​​​​​ಚಿತ್ರ ಬಿಡುಗಡೆಗೊಂಡ ನಂತರ ದಕ್ಷಿಣ ಕೊರಿಯಾದ ಜನರು ಅಲ್ಲಿನ ಸರ್ಕಾರದ ವಿರುದ್ಧ ಕಿಡಿ ಕಾರಿದ್ದರು. ಮಾತ್ರವಲ್ಲದೆ, ಅಂತಹ ಹಾಸ್ಟೆಲ್ ವಿರುದ್ಧ ಕ್ರಮಗಳನ್ನು ಕೈಗೊಳ್ಳುವಂತೆ ಒತ್ತಡ ಹಾಕಿದರು.

ಆದರೆ ಇದೀಗ ಹರಿದಾಡುತ್ತಿರುವ ವದಂತಿಗಳ ಪ್ರಕಾರ ವಿಜಯ್ ನಟನೆಯ ‘ಮಾಸ್ಟರ್‘ ಸಿನಿಮಾ ಕೂಡ ಸೈಲೆನ್ಸ್ಡ್​​​​​ ಚಿತ್ರದಿಂದ ಪ್ರೇರಿತಗೊಂಡಿದೆ ಎಂದು ಹೇಳಲಾಗುತ್ತಿದೆ.

ಮತ್ತೊಂದಡೆ ನಟ ವಿಜಯ್ ಈ  ಸಿನಿಮಾದಲ್ಲಿ ಪ್ರೊಪೆಸರ್ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಇತ್ತೀಚೆಗೆ ವಿಕಲಚೇತನ ಮಕ್ಕಳಿಗಾಗಿ ಶಾಲೆಯೊಂದರಲ್ಲಿ ಚಿತ್ರೀಕರಣ ನಡೆಸಲಾಗಿದೆ ಎಂಬ ಸುದ್ದಿ ಹೊರ ಬಿದ್ದಿದೆ.

‘ಮಾಸ್ಟರ್‘ ಸಿನಿಮಾದ ಬಗ್ಗೆ ಈಗಾಗಲೇ ಸಾಕಷ್ಟು ಕತೂಹಲ ಕೆರಳಿದ್ದು, ಈ ಸಿನಿಮಾವನ್ನು ‘ಖೈದಿ‘  ನಿರ್ದೇಶಕ ಲೊಕೇಶ್ ಕನಗರಾಜ್ ನಿರ್ದೇಶನ ಮಾಡುತ್ತಿದ್ದಾರೆ. ಇದು ಅವರ ಮೂರನೇ ಸಿನಿಮಾವಾಗಿದೆ.

‘ಬಿಗಿಲ್‘ ಚಿತ್ರದ ನಂತರ ನಟ ವಿಜಯ್ ‘ಮಾಸ್ಟರ್‘ನಲ್ಲಿ ಬ್ಯುಸಿಯಾಗಿದ್ದಾರೆ. ‘ಬಿಗಿಲ್‘ ಚಿತ್ರದಲ್ಲಿ ವಿಭಿನ್ನವಾಗಿ ಕಾಣಿಸಿಕೊಂಡ ದಳಪತಿ ವಿಜಯ್ ಈ ಸಿನಿಮಾದಲ್ಲಿ ಹೇಗೆ ಕಾಣಿಸಿಕೊಳ್ಳಲಿದ್ದಾರೆ ಎಂದು ಕಾದು ನೋಡಬೇಕಿದೆ.

‘ಮಾಸ್ಟರ್‘​ ಸಿನಿಮಾದಲ್ಲಿ ನಟ ವಿಜಯ್ ಜೊತೆಗೆ ವಿಜಯ್​​ ಸೇತುಪತಿ ಕೂಡ ನಟಿಸುತ್ತಿದ್ದಾರೆ. ಈ ಸಿನಿಮಾ ಇದೇ ವರ್ಷದಲ್ಲಿ ತೆರೆಗೆ ಬರಲಿದೆ.