Private Jetನಲ್ಲಿ ವಿಜಯ್ ದೇವರಕೊಂಡ ಕುಟುಂಬದ ಮೊದಲ ಪ್ರಯಾಣ.. ತಂದೆ-ತಾಯಿಯ ಕ್ಯೂಟ್ ಮೂಮೆಂಟ್ ಸೆರೆ

ಅರ್ಜುನ್ ರೆಡ್ಡಿ ಬಳಿಕ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ವಿಜಯ್ ದೇವರಕೊಂಡ ತಮ್ಮ ಕುಟುಂಬವನ್ನು ಮೊದಲ ಬಾರಿಗೆ ಪ್ರವೇಟ್ ಜೆಟ್ (Private Jet) ನಲ್ಲಿ ಕರೆದುಕೊಂಡು ಹೋಗಿದ್ದಾರೆ.

ಕುಟುಂಬದ ಜೊತೆ ಪ್ರಯಾಣ ಮಾಡಿರುವ ವಿಡಿಯೋವನ್ನು ದೇವರಕೊಂಡ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋವನ್ನು ವಿಜಯ್ ಸೋದರ ಆನಂದ್ (Anand Devarakonda) ಸೆರೆ ಹಿಡಿದಿದ್ದಾರೆ.

ವಿಡಿಯೋದಲ್ಲಿ ವಿಜಯ್ ದೇವರಕೊಂಡ ತಾಯಿ ಟೇಕಾಫ್ ಆಗುತ್ತಿದ್ದ ವೇಳೆ ಹೆದರಿಕೊಂಡಿದ್ದರು. ಮಗ ಕೂಲ್ ಆಗಿರುವಂತೆ ಹೇಳಿರೋದನ್ನು ವಿಡಿಯೋದಲ್ಲಿ ಕೇಳಬಹುದು. ಟೇಕಾಫ್ ವೇಳೆ ವಿಜಯ್ ತಂದೆ ಪತ್ನಿಯ ಕೈ ಹಿಡಿದಿರೋದನ್ನ ಕಾಣಬಹುದು.

ಟೇಕಾಫ್ ಬಳಿಕ ಆನಂದ್ ತಂದೆ, ತಾಯಿ ಮತ್ತು ಸೋದರ ವಿಜಯ್ ದೇವರಕೊಂಡ ಅವರನ್ನು ತೋರಿಸಿದ್ದಾರೆ. ಈ ವೇಳೆ ವಿಜಯ್ ದೇವರಕೊಂಡ, ಪುಷ್ಪಕ ವಿಮಾನಂ ಚಿತ್ರದ ಪ್ರಮೋಷನ್ ಗೆ ಪ್ಲಾನ್ ಮಾಡುತ್ತಿರೋದಾಗಿ ಹೇಳಿದ್ದಾರೆ.

ಪುಷ್ಪಕ ವಿಮಾನಂ(Pushpaka Vimanam.)ದಲ್ಲಿ ಆನಂದ್ ದೇವರಕೊಂಡ ನಟಿಸಿದ್ದು, ನವೆಂಬರ್ 12ರಂದು ಬಿಡುಗಡೆಯಾಗಲಿದೆ. ವಿಡಿಯೋ ಹಂಚಿಕೊಂಡಿರುವ ನಟ, ಟ್ರಾವೆಲ್ ಡೈರಿ ದೇವರಕೊಂಡ ಫ್ಯಾಮಿಲಿ ಎಂದು ಬರೆದು ವಿಡಿಯೋ ಕ್ರೆಡಿಟ್ ತಮ್ಮನಿಗೆ ನೀಡಿದ್ದಾರೆ. ವಿಡಿಯೋಗೆ ಏಳು ಲಕ್ಷಕ್ಕೂ ಅಧಿಕ ವ್ಯೂವ್ ಮತ್ತು ಎರಡು ಸಾವಿರಕ್ಕಿಂತಲೂ ಹೆಚ್ಚು ಕಮೆಂಟ್ ಬಂದಿವೆ.

ವಿಜಯ್ ದೇವರಕೊಂಡ ಲೈಗರ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಮೊದಲ ಬಾರಿಗೆ ಖ್ಯಾತ ಬಾಕ್ಸರ್ ಮೈಕ್ ಟೈಸನ್ ಭಾರತೀಯ ಸಿನಿಮಾದಲ್ಲಿ ನಟಿಸುತ್ತಿದ್ದು, ಚಿತ್ರೀಕರಣ ವಿದೇಶದಲ್ಲಿ ನಡೆಯಲಿದೆ. ವಿಜಯ್ ಮತ್ತು ಟೈಸನ್ ಮುಖಾಮುಖಿ ಆಗುವ ಹಾಗೂ ಸಾಹಸ ದೃಶ್ಯಗಳ ಚಿತ್ರೀಕರಣ ವಿದೇಶದಲ್ಲಿ ನಡೆಯಲಿದೆ. ಅನುಮತಿ ಸಿಗುತ್ತಿದ್ದಂತೆ ವಿದೇಶಕ್ಕೆ ತೆರಳಲು ಚಿತ್ರತಂಡ ಸಿದ್ಧವಾಗಿದೆ. (ವರದಿ: ಮೊಹ್ಮದ್​ ರಫೀಕ್​ ಕೆ)