800 ವರ್ಷ ಹಳೆಯ ಕೋಟೆಯಲ್ಲಿ ನಡೆಯಲಿದೆ Vicky Kaushal-Katrina Kaif ವಿವಾಹ

ಸವಾಯಿ ಮಾಧೋಪುರ ಜಿಲ್ಲೆಯಿಂದ ಸುಮಾರು 25 ಕಿ.ಮೀ ದೂರದಲ್ಲಿದೆ ಚೌತ್​ ಕ ಬಾರ್ವಾರ. ಇಲ್ಲಿನ ಗುಡ್ಡದ ಮೇಲೆ ಇರುವ ಕೋಟೆಯನ್ನೇ ಐಷಾರಾಮಿ ಹೋಟೆಲಾಗಿ ಬದಲಾಗಿಸಲಾಗಿದೆ. ಇದು ಇಲ್ಲಿನ ಮೊದಲ ಬಾರ್ವಾಡದ ಸರಪಂಚ್​ ಆಗಿದ್ದ ಭಗವತಿ ಸಿಂಗ್​ ಅವರ ಕೋಟೆಯಾಗಿತ್ತು. ​

ಭಗವತಿ ಸಿಂಗ್​ ಅವರು ಒಸ್​ಮಾಸ್​ ಕಂಪನಿಗೆ ಮಾರಾಟ ಮಾಡಿದ್ದರು. ಈ ಕಂಪೆನಿ ಕೋಟೆಯನ್ನು ಐಷಾರಾಮಿ ಹಾಗೂ ಭವ್ಯವಾದ ಹೋಟೆಲ್​ ಅನ್ನಾಗಿ ಬದಲಾಯಿಸಿದ್ದಾರೆ. ಈ ಹೋಟೆಲ್​ ಅನ್ನು ಸಿಕ್ಸ್​ ಸೆನ್ಸ್​ ಗ್ರೂಪ್​ಗೆ ಈ ಹೋಟೆಲ್​ ಅನ್ನು ನಡೆಸಲು ಲೀಸ್​ಗೆ ಕೊಡಲಾಗಿದೆ.

ಈ ಹೋಟೆಲ್​ 800 ವರ್ಷ ಹಳೆಯದಾಗಿದ್ದು, ಕಳೆದ ಅಕ್ಟೋಬರ್​ 15ರಂದು ಹೋಟೆಲ್​ ಅನ್ನು ಆರಂಭಿಸಲಾಯಿತಂತೆ. ಈ ಹೋಟೆಲ್​ಗೆ ನಟಿ ಮಲೈಕಾ ಅರೋರಾ ಅವರು ಭೆಟಿ ನೀಡಿದ್ದರು. ಇದು ಸಹ ಸುದ್ದಿಯಾಗಿತ್ತು. 

ಈಗ ಇದೇ ಕೋಟೆಯ ಹೋಟೆಲ್​ನಲ್ಲಿ ಕತ್ರಿನಾ ಕೈಫ್​ ಹಾಗೂ ವಿಕ್ಕಿ ಕೌಶಲ್​ ಅವರ ಮದುವೆ ಸಹ ನಡೆಯಲಿದೆಯಂತೆ. ಈ ಕುರಿತಾಗಿ ಹೋಟೆಲ್​ ಕಡೆಯಿಂದ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಆದರೆ, ಈ ಕುರಿತಾಗಿ ಸಾಕಷ್ಟು ಚರ್ಚೆಯಾಗುತ್ತಿದೆ. 

ಈ ಹಳೆಯ ಕೋಟೆಯಲ್ಲಿ ನಿರ್ಮಿಸಿರುವ ಹೋಟೆಲ್​ನಲ್ಲಿ ಸುಮಾರು ನೂರು ಕೋಣೆಗಳಿದ್ದು, ಒಂದು ಕೋಣೆಯ ಒಂದು ದಿನದ ಬಾಡಿಗೆ ಒಂದು ಲಕ್ಷ ಎಂದು ಹೇಳಲಾಗುತ್ತಿದೆ.

ವಿಕ್ಕಿ ಕೌಶಲ್​ ಹಾಗೂ ಕತ್ರಿನಾ ಕೈಫ್​ ಅವರ ಮದುವೆ ಸುದ್ದಿ ಹರಿದಾಡಲಾರಂಭಿಸುತ್ತಿದ್ದಂತೆಯೇ  ಈ ಐಷಾರಾಮಿ ಹೋಟೆಲ್​ ಸಹ ಸುದ್ದಿಗೆ ಬಂದಿದೆ. ಈಗ ಎಲ್ಲರ ಗಮನ ರಾಜಸ್ತಾನದ ಈ ಐಷಾರಾಮೊ ಹೋಟೆಲ್​ ಮೇಲಿದೆ. 

ವಿಕ್ಕಿ ಕೌಶಲ್​ ಹಾಗೂ ಕತ್ರಿನಾ ಕೈಫ್​ ಅವರ ನಿಶ್ಚಿತಾರ್ಥದ ಸುದ್ದಿ ಸಹ ಹೊರ ಬಿದ್ದಿದ್ದು, ಇವರು ಮದುವೆಯಾದ ನಂತರ ಇರಲಿರುವ ಮನೆಯ ಕುರಿತಾದ ವಿಷಯವೈ ಈಗ ವೈರಲ್​ ಆಗಿದೆ. ಅನುಷ್ಕಾ ಶರ್ಮಾ ಹಾಗೂ ವಿರಾಟ್​ ಕೊಹ್ಲಿ ವಾಸವಿರುದ ಕಡೆಯೇ ಇವರೂ  ಇರಲಿದ್ದಾರೆ ಎಂದು ಹೇಳಲಾಗುತ್ತಿದೆ.