Honey Rose: ಹೆಸರಷ್ಟೇ ಅಲ್ಲ ನೀವು ನಿಜಕ್ಕೂ ಗುಲಾಬಿ! ಹನಿ ರೋಸ್ ಸೌಂದರ್ಯಕ್ಕೆ ನೆಟ್ಟಿಗರು ಫಿದಾ

ವೀರಸಿಂಹ ರೆಡ್ಡಿ ಚಿತ್ರದ ನಂತರ ಮಲಯಾಳಿ ಬ್ಯೂಟಿ ಹನಿರೋಜ್ ಮತ್ತೊಮ್ಮೆ ಬಾಲಯ್ಯ ಜೊತೆ ನಟಿಸುತ್ತಿದ್ದಾರೆ. ವೀರಸಿಂಹ ರೆಡ್ಡಿ ಚಿತ್ರದಲ್ಲಿ ಮೀನಾಕ್ಷಿ ಪಾತ್ರದಲ್ಲಿ ತನ್ನ ಸೌಂದರ್ಯದಿಂದ ಮಿಂಚಿದ್ದ ಈ ನಟಿಗೆ ಬಾಲಯ್ಯ ಮತ್ತೊಂದು ಅವಕಾಶ ಕೊಟ್ಟಿದ್ದಾರೆ ಎಂಬ ಮಾತು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಬಾಲಯ್ಯ ತಮ್ಮ ಮುಂದಿನ ಸಿನಿಮಾವನ್ನು ಅನಿಲ್ ರವಿಪುಡಿ ನಿರ್ದೇಶನದಲ್ಲಿ ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲೂ ಹನಿರೋಸ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಈ ಒಂದು ಸುದ್ದಿ ಈಗ ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಯಾಗುತ್ತಿದೆ.

ಸದ್ಯ ಬಾಲಯ್ಯ 108 ಸಿನಿಮಾದ ಚಿತ್ರೀಕರಣ ನಡೆಯುತ್ತಿದೆ. ಪ್ರೇಕ್ಷಕರ ಕುತೂಹಲದ ಮಧ್ಯೆ ತೆರೆಕಾಣುತ್ತಿರುವ ಈ ಸಿನಿಮಾದ ಮೇಲೆ ಅಭಿಮಾನಿಗಳು ಭಾರೀ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಈ ಸಿನಿಮಾ ಯಾವ ರೀತಿ ಮೂಡಿಬರಲಿದೆ ಎಂಬುದನ್ನು ಕಾದು ನೋಡಬೇಕು.

ಗೋಪಿಚಂದ್ ಮಲಿನೇನಿ ನಿರ್ದೇಶನದ ವೀರಸಿಂಹ ರೆಡ್ಡಿ ಸಂಕ್ರಾಂತಿ ಉಡುಗೊರೆಯಾಗಿ ಜನವರಿ 12 ರಂದು ಬಿಡುಗಡೆಯಾಗಿ ಉತ್ತಮ ಯಶಸ್ಸನ್ನು ಪಡೆದುಕೊಂಡಿದೆ. ಹನಿ ರೋಸ್ ವಿಷಯಕ್ಕೆ ಬಂದರೆ ಬಾಲಯ್ಯ ಅವರ ಇತ್ತೀಚಿನ ಚಿತ್ರ ವೀರಸಿಂಹ ರೆಡ್ಡಿಯಲ್ಲಿ ಮೀನಾಕ್ಷಿಯಾಗಿ ಮಲಯಾಳಿ ಕುಟ್ಟಿ ಹನಿ ರೋಸ್ ತಮ್ಮ ಸೌಂದರ್ಯ ಮತ್ತು ನಟನೆಯಿಂದ ಪ್ರೇಕ್ಷಕರ ಮನ ಗೆದ್ದಿದ್ದಾರೆ.

ನಟಿ 1991ರ ಸೆಪ್ಟೆಂಬರ್ 5ರಂದು ಕೇರಳದ ತೊಡುಪುಳದಲ್ಲಿ ಸೈರೋ-ಮಲಬಾರ್ ಕ್ಯಾಥೋಲಿಕ್ ಕುಟುಂಬದಲ್ಲಿ ಜನಿಸಿದರು. ಹನಿ ರೋಸ್ ಕಮ್ಯುನಿಕೇಟಿವ್ ಇಂಗ್ಲಿಷ್‌ನಲ್ಲಿ ಬ್ಯಾಚುಲರ್ ಆಫ್ ಆರ್ಟ್ಸ್ ಪದವಿಯನ್ನು ಹೊಂದಿದ್ದಾರೆ.

ಹನಿರೋಸ್ ತನ್ನ 14 ನೇ ವಯಸ್ಸಿನಲ್ಲಿ 2005 ರಲ್ಲಿ ತನ್ನ ನಟನಾ ವೃತ್ತಿಯನ್ನು ಪ್ರಾರಂಭಿಸಿದರು. ಅದರ ನಂತರ, ಅವರು ಮೊದಲು ತೆಲುಗಿನಲ್ಲಿ ಎರಡು ಚಿತ್ರಗಳನ್ನು ಮಾಡಿದ್ದಾರೆ. ಮುತ್ಯಾಲ ಸುಬ್ಬಯ್ಯನವರ 50ನೇ ಚಿತ್ರ ಟೆಂಪಲ್ ನಲ್ಲಿ ಹನಿ ರೋಸ್ ನಟಿಸಿದ್ದಾರೆ. ಅದರ ನಂತರ ಹನಿರೋಸ್ ಈ ವರ್ಷ ಸಾಕ್ಷಿಗಾ ಎಂಬ ತೆಲುಗು ಚಿತ್ರದಲ್ಲಿ ನಟಿಸಿದರು. ಹನಿರೋಸ್ ಅವರ ಮೊದಲ ತಮಿಳು ಚಿತ್ರ ಮುದಲ್ ಕನವೆ.

ವೀರಸಿಂಹ ರೆಡ್ಡಿ ಚಿತ್ರದ ಮೂಲಕ ಹನಿರೋಸ್ ಹೆಚ್ಚು ಜನಪ್ರಿಯತೆ ಪಡೆದರು. ಇದರೊಂದಿಗೆ ತೆಲುಗಿನಲ್ಲೂ ಒಳ್ಳೆಯ ಅವಕಾಶಗಳು ಬರುತ್ತಿವೆಯಂತೆ. ನಟನೆಗೆ ಸ್ಕೋಪ್ ಇರುವ ಪಾತ್ರಗಳ ಜೊತೆಗೆ ಹನಿಗೆ ಗ್ಲಾಮರ್ ಪಾತ್ರಗಳೂ ಸಿಗುತ್ತಿವೆ ಎಂಬ ಮಾತು ಕೇಳಿಬರುತ್ತಿದೆ.

ಬಾಲಯ್ಯ ಸತತ ಸಿನಿಮಾ ಮಾಡುತ್ತಿದ್ದಾರೆ. ಅದರ ಭಾಗವಾಗಿ ಗೋಪಿಚಂದ್ ಮಲಿನೇನಿ ಜೊತೆ ವೀರಸಿಂಹ ರೆಡ್ಡಿ ಎಂಬ ಸಿನಿಮಾ ಮಾಡಿದರು. ಇದೀಗ ಅವರ ಮುಂದಿನ ಸಿನಿಮಾಗಾಗಿ ಜನ ಕಾಯುತ್ತಿದ್ದಾರೆ.

ಈ ಚಿತ್ರವು ಬಾಲಯ್ಯ ಅವರ ವೃತ್ತಿಜೀವನದಲ್ಲಿ ಸಾರ್ವಕಾಲಿಕ ಗರಿಷ್ಠ ಓಪನಿಂಗ್ಸ್ ಗಳಿಸಿದೆ. ಈ ಸಿನಿಮಾ ಮೊದಲ ದಿನ 29 ಕೋಟಿ ಶೇರ್ ಪಡೆದರೆ, 50 ಕೋಟಿ ಗಳಿಕೆ ಕಂಡಿದೆ. ಈ ಸಿನಿಮಾದ ಪ್ರಿ ಸೇಲ್ಸ್ ಒಂದು ರೇಂಜ್ ನಲ್ಲಿದೆ.

ಹನಿರೋಸ್ ನೋಡಲು ಸೌಂದರ್ಯವತಿಯಾದರೂ ಮಲಯಾಳಂ ಚಿತ್ರರಂಗದಲ್ಲಿ ಅವರು ಅಷ್ಟಾಗಿ ಫೇಮಸ್ ಆಗಲಿಲ್ಲ. ಟಾಪ್ ಹೀರೋಗಳ ಜೊತೆ ನಟಿಸಿದರೂ ಹನಿರೋಸ್ ಕ್ಲಿಕ್ ಆಗಿದ್ದು ತುಂಬಾ ತಡವಾಗಿ.

ಆದರೆ ವೀರಸಿಂಹ ರೆಡ್ಡಿ ಸಿನಿಮಾ ಅವರಿಗೆ ರಿಯಲ್ ಹಿಟ್ ಆಗಿತ್ತು. ಇದು ನಟಿಗೆ ತೆಲುಗಿನಲ್ಲಿ ವಿಶೇಷ ಮನ್ನಣೆ ತಂದುಕೊಟ್ಟಿದೆ. ಈಗ ಅವರ ಸಿನಿಮಾಗೆ ಡಿಮ್ಯಾಂಟ್ ಹೆಚ್ಚಿದೆ.