Veera Simha Reddy: ವಿಜಯ್, ಅಜಿತ್ ಸಿನಿಮಾಗೆ ಸೆಡ್ಡು ಹೊಡೆದ ಬಾಲಯ್ಯ ಸಿನಿಮಾ! ಫಸ್ಟ್ ಡೇ ಕಲೆಕ್ಷನ್ ಎಷ್ಟು?

ವೀರಸಿಂಹ ರೆಡ್ಡಿ ಸಿನಿಮಾ ಕರ್ನಾಟಕದಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ. ನಂದಮುರಿ ಬಾಲಕೃಷ್ಣ ಅವರ ಸಿನಿಮಾ ಮೊದಲ ದಿನ ಭರ್ಜರಿ ಓಪನಿಂಗ್ ಕಂಡಿದೆ. ಗುರುವಾರ ರಿಲೀಸ್ ಆದ ದಿನವೇ ಸಿನಿಮಾ 32 ಕೋಟಿ ಕಲೆಕ್ಷನ್ ಮಾಡಿದೆ.

ತೆಲುಗು ಸಿನಿಮಾ ವಿಜಯ್ ಅಭಿನಯದ ವಾರಿಸು ಹಾಗೂ ಅಜಿತ್ ಅವರ ತುನಿವು ಸಿನಿಮಾದ ಟೋಟಲ್ ಕಲೆಕ್ಷನ್ ಬೀಟ್ ಮಾಡಿ ಮುನ್ನುಗ್ಗುತ್ತಿದೆ. ವೀರಸಿಂಹ ರೆಡ್ಡಿ ಸಿನಿಮಾ ಸುಮಾರು 67 ಶೇಕಡ ಒಕ್ಯುಪೆನ್ಸಿ ಪಡೆದಿದ್ದು ಸಕ್ಸಸ್​ಫುಲ್ ಆಗಿ ಓಡುತ್ತಿದೆ.

ವೀರಸಿಂಹ ರೆಡ್ಡಿ ಸಿನಿಮಾ ಮೊದಲ ದಿನ 32 ಕೋಟಿ ಗಳಿಸಿದೆ ಎನ್ನಲಾಗಿದೆ. ವಾರಿಸು ಸಿನಿಮಾ 26.5 ಕೋಟಿ ಗಳಿಸಿದ್ದು ತುನಿವು ಸಿನಿಮಾ ಕೂಡಾ 26 ಕೋಟಿ ಗಳಿಸಿದೆ.

ಹೈದರಾಬಾದ್​ನ ಆರ್​ಟಿಎಕ್ಸ್ ರೋಡ್​ನಲ್ಲಿ ಮಾತ್ರವೇ ಸಿನಿಮಾ 43 ಲಕ್ಷ ಗಳಿಸಿದೆ. ಪುಷ್ಪಾ ಹಾಗೂ ತ್ರಿಬಲ್ ಆರ್ ಸಿನಿಮಾದ ಡೇ ವನ್ ಕಲೆಕ್ಷನ್ ಸುಮಾರು 75 ಲಕ್ಷ ಇತ್ತು.

ಫಸ್ಟ್ ಡೇ ಕಲೆಕ್ಷನ್ ನೋಡಿದರೆ ಬಾಲಯ್ಯ ಅವರ ಸಿನಿಮಾ ಫೆಂಟಾಸ್ಟಿಕ್ ಆದ ಓಪನಿಂಗ್ ಪಡೆದಿದೆ ಎನ್ನುವುದರಲ್ಲಿ ಸಂದೇಹವೇ ಇಲ್ಲ.

ಬಾಲಯ್ಯ ಅವರ ಜೊತೆ ಹನಿ ರೋಸ್, ಶ್ರುತಿ ಹಾಸನ್, ವರಲಕ್ಷ್ಮಿ ಶರತ್​ಕುಮಾರ್, ದುನಿಯಾ ವಿಜಯ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಈ ಸಿನಿಮಾ ಜನವರಿ 13ರಂದು ರಿಲೀಸ್ ಆಗುವ ವಾಲ್ಟೇರ್ ವೀರಯ್ಯ ಸಿನಿಮಾ ಜೊತೆ ಕ್ಲಾಷ್ ಆಗಲಿದೆ. ಆದರೆ ಆರಂಭಿಕ ಕಲೆಕ್ಷನ್ ಭರವಸೆ ಮೂಡಿಸಿದೆ.