Vijay-Rashmika Movie: ವಾರಿಸು ಸಿನಿಮಾ ಟಿಕೆಟ್ ಸೋಲ್ಡ್ಔಟ್; 12,500ರೂ ದಾಟಿದೆ ಟಿಕೆಟ್ ರೇಟ್!

ವಿಜಯ್-ರಶ್ಮಿಕಾ ಜೋಡಿಯನ್ನು ತೆರೆ ಮೇಲೆ ನೋಡಲು ಕಾಯ್ತಿದ್ದ ಅಭಿಮಾನಿಗಳು ಸಿನಿಮಾ ಟಿಕೆಟ್ ಗಾಗಿ ಮುಗಿ ಬಿದ್ದಿದ್ದಾರೆ. ವಾರಿಸು ಚಿತ್ರದ ಪ್ರೀ ಬುಕ್ಕಿಂಗ್ ಓಪನ್ ಆಗಿದ್ದು, ಅನೇಕ ಶೋಗಳ ಟಿಕೆಟ್ ಸೋಲ್ಡ್ಔಟ್ ಆಗಿದೆ.

ವಾರಿಸು ತಮಿಳಿನಲ್ಲಿ ರಶ್ಮಿಕಾ ಮಂದಣ್ಣ 2ನೇ ಸಿನಿಮಾವಾಗಿದ್ದು, ದಳಪತಿ ಜೊತೆ ದೊಡ್ಡ ಪರದೆಯಲ್ಲಿ ರಶ್ಮಿಕಾ ನೋಡಲು ಅಭಿಮಾನಿಗಳು ಕಾಯ್ತಿದ್ದಾರೆ.

ಬಾಲಿವುಡ್ ಸಿನಿಮಾಗಳಲ್ಲಿ ಬ್ಯುಸಿ ಆಗಿರುವ ರಶ್ಮಿಕಾ ಮಂದಣ್ಣ, ಸೌತ್ ಸಿನಿಮಾಗಳ ಯಶಸ್ಸಿನ ನಿರೀಕ್ಷೆಯಲ್ಲಿದ್ದಾರೆ. ವಾರಿಸು ಮುಂಜಾನೆ ಶೋಗಳ ಟಿಕೆಟ್ ಗಳು ಸೋಲ್ಡ್ ಔಟ್ ಆಗಿದೆ.

2021ರಲ್ಲಿ ರಶ್ಮಿಕಾ ಅಭಿನಯದ ಮೊದಲ ತಮಿಳು ಸಿನಿಮಾ ‘ಸುಲ್ತಾನ್’ ರಿಲೀಸ್ ಆಯಿತು. ಆದರೆ, ಚಿತ್ರ ಹೆಚ್ಚು ಸದ್ದು ಮಾಡಲೇ ಇಲ್ಲ. ಅವರು ನಟಿಸುತ್ತಿರುವ ಎರಡನೇ ತಮಿಳು ಸಿನಿಮಾ ಇದಾಗಿದೆ. ಒಂದೊಮ್ಮೆ ಈ ಚಿತ್ರ ಗೆದ್ದರೆ ರಶ್ಮಿಕಾಗೆ ಕಾಲಿವುಡ್ನಲ್ಲಿ ಬೇಡಿಕೆ ಹೆಚ್ಚಲಿದೆ.

ತಮಿಳುನಾಡು ಅಷ್ಟೇ ಅಲ್ಲದೇ ದೇಶದಾದ್ಯಂತ ಅಪಾರ ಅಭಿಮಾನಿ ಬಳಗ ಹೊಂದಿರುವ ದಳಪತಿ ವಿಜಯ್ ಸಿನಿಮಾಗಿ ಜನ ಕಾಯುತ್ತಿದ್ದರು, ಜನವರಿ 11 ರಂದು ಸಿನಿಮಾ ರಿಲೀಸ್ ಆಗ್ತಿದೆ.

ಈಗಾಗಲೇ ವಾರಿಸು ಸಿನಿಮಾದ ಟಿಕೆಟ್ 12,500 ರೂಪಾಯಿಗೆ ಮಾರಾಟ ಮಾಡಲಾಗಿದ್ದು, ಪ್ರೀ ರಿಲೀಸ್ ಟಿಕೆಟ್ ಸಹ ಸೋಲ್ಡ್ ಔಟ್ ಆಗಿದೆ.

ಯುಕೆಯಲ್ಲಿ ವಿಜಯ್ ಸಿನಿಮಾ ಟಿಕೆಟ್ ಗೆ ಬೇಡಿಕೆ ಹೆಚ್ಚಾಗಿದೆ. ಇಂಗ್ಲೆಂಡ್, ಸ್ಕಾಟ್ಲೆಂಡ್, ಐರ್ಲೆಂಡ್ ಮತ್ತು ಯುಕೆಯಲ್ಲಿ ಟಿಕೆಟ್ ಬೆಲೆ 12,500 ರೂಪಾಯಿ ದಾಟಿದೆ ಎಂದು ಇ-ಟೈಮ್ಸ್ ವರದಿ ಮಾಡಿದೆ.

ಯುರೋಪ್ನ 4 ಪ್ರಮುಖ ಚಿತ್ರಮಂದಿರಗಳಲ್ಲಿ ವಾರಿಸು ತೆರೆ ಕಾಣ್ತಿದ್ದು ಪ್ರೀ-ರಿಲೀಸ್ ಬ್ಯುಸಿನೆಸ್ ಜೋರಾಗಿದೆ.