Hridayam Re-Release: ಯುವಜನರ ಮನಸು ಗೆದ್ದ ಅದ್ಭುತ ಪ್ರೇಮಕಥೆ! ಹೃದಯಂ ರಿ-ರಿಲೀಸ್

ವಿನೀತ್ ಶ್ರೀನಿವಾಸನ್ ನಿರ್ದೇಶನದ ಮತ್ತು ಪ್ರಣವ್ ಮೋಹನ್ ಲಾಲ್ ಅಭಿನಯದ ಹೃದಯಂ ಸಿನಿಮಾ ರಿ-ರಿಲೀಸ್ ಆಗಿದೆ. ಈ ಚಿತ್ರ ಮತ್ತೆ ಪ್ರೇಮಿಗಳ ದಿನದಂದು ಮತ್ತೊಮ್ಮೆ ಬಿಗ್ ಸ್ಕ್ರೀನ್ ಮೇಲೆ ಬಂದಿದೆ.

ಫೆಬ್ರವರಿ 10 ರಿಂದ ಹೃದಯಂ ಬಿಡುಗಡೆಯಾಗುತ್ತದೆ ಎಂದು ಚಿತ್ರದ ನಿರ್ಮಾಪಕ ವಿಶಾಖ್ ಸುಬ್ರಮಣ್ಯಂ ಈಗಾಗಲೇ ಅನೌನ್ಸ್ ಮಾಡಿದ್ದಾರೆ.

'ಹೃದಯಂ' 2022 ರ ಮೊದಲ ಯಶಸ್ವಿ ಚಿತ್ರ. ಕೋವಿಡ್ ಲಾಕ್​ಡೌನ್ ನಂತರ ಬಿಡುಗಡೆಯಾದ ಈ ಚಿತ್ರವು ವಿಶ್ವದಾದ್ಯಂತ ಬಾಕ್ಸ್ ಆಫೀಸ್‌ನಲ್ಲಿ ಸುಮಾರು 50 ಕೋಟಿ ಗಳಿಸಿತು.

100ಕ್ಕೂ ಹೆಚ್ಚು ದಿನ ಥಿಯೇಟರ್​ನಲ್ಲಿ ಓಡಿದ ಚಿತ್ರದಲ್ಲಿ ಕಲ್ಯಾಣಿ ಪ್ರಿಯದರ್ಶನ್ ಮತ್ತು ದರ್ಶನಾ ರಾಜೇಂದ್ರನ್ ನಾಯಕಿಯರು. 'ಹೃದಯಂ' ಸಿನಿಮಾ ಎರಡು ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿಗಳನ್ನೂ ಗೆದ್ದುಕೊಂಡಿದೆ.

ವಿನೀತ್ ಶ್ರೀನಿವಾಸನ್ ನಿರ್ದೇಶನದ ಈ ಚಿತ್ರವು ಹಾಡುಗಳ ವಿಷಯದಲ್ಲಿ ದಾಖಲೆಗಳನ್ನು ಸೃಷ್ಟಿಸಿದೆ. ಇದು ಪ್ರಣವ್ ಮೋಹನ್ ಲಾಲ್ ಅವರ ವೃತ್ತಿಜೀವನದ ದೊಡ್ಡ ಹಿಟ್ ಕೂಡ ಆಗಿತ್ತು.

ಹೃದಯಂ ಸಿನಿಮಾದಲ್ಲಿ ಪ್ರಣವ್ ಮೋಹನ್​ ಲಾಲ್ ಹಾಗೂ ಕಲ್ಯಾಣಿ ಪ್ರಿಯದರ್ಶನ್ ಅವರ ಅಭಿನಯ ವ್ಯಾಪಕ ಮೆಚ್ಚುಗೆಯನ್ನು ಗಳಿಸಿತು. ನಟಿ ದರ್ಶನಾ ಅವರ ಪಾತ್ರವೂ ಪ್ರೇಕ್ಷಕರಿಗೆ ಮೆಚ್ಚುಗೆಯಾಯಿತು.

ಪ್ರಣವ್ ನಟ ಮೋಹನ್ ಲಾಲ್ ಅವರ ಪುತ್ರ. ಆದರೆ ಅವರು ಸಿನಿಮಾ ಇಂಡಸ್ಟ್ರಿಯಲ್ಲಿ ಅಷ್ಟು ಆ್ಯಕ್ಟಿವ್ ಆಗಿಲ್ಲ. ಕೆಲವೇ ಸಿನಿಮಾಗಳನ್ನು ಮಾಡಿದರೂ ಉತ್ತಮ ಪ್ರತಿಕ್ರಿಯೆ ಗಳಿಸಿದ್ದಾರೆ.