‘ಹರೇ ರಾಮ ಹರೇ ಕೃಷ್ಣ‘ ಹೆಸರಿನ ಬಿಕಿನಿ ತೊಟ್ಟ ವಾಣಿ ಕಪೂರ್; ಸಾಮಾಜಿಕ ತಾಣದಲ್ಲಿ ಟ್ರೋಲ್​ ಆದ್ರು ‘ವಾರ್​‘ ಬೆಡಗಿ

ವಾರ್ ಚಿತ್ರದ ನಾಯಕಿ ವಾಣಿ ಕಪೂರ್ ಮತ್ತೊಮ್ಮೆ ಸುದ್ದಿಯಾಗಿದ್ದಾರೆ. ಈ ಬಾರಿ ವಾಣಿ ಬಿಕಿನಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಆದರೆ ಬಿಕಿನಿ ಅಭಿಮಾನಿಗಳ ಕೋಪಕ್ಕೆ ಕಾರಣವಾಗಿಲ್ಲ. ಬದಲಾಗಿ ಬಿಕಿನಿ ಮೇಲೆ ಬರೆದಿರುವ ಸಂಗತಿಯೊಂದು ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದೆ.

ಹೌದು. ಬಾಲಿವುಡ್ ಬೆಡಗಿ ವಾಣಿ ಕಪೂರ್ ‘ಹರೇ ರಾಮ್ ಹರೇ ಕೃಷ್ಣ‘ ಹೆಸರಿನ ಬಿಕಿನಿಯಲ್ಲಿ ಫೋಟೋ ಶೂಟ್ ಮಾಡಿಸಿದ್ದಾರೆ.

ಮಾತ್ರವಲ್ಲದೆ, ಆ ಫೋಟೋವನ್ನು ಸಾಮಾಜಿಕ ತಾಣದಲ್ಲಿ ಹರಿ ಬಿಟ್ಟಿದ್ದಾರೆ. ಈ ಕಾರಣಕ್ಕಾಗಿ ವಾಣಿ ಚರ್ಚೆಗೆ ಬಂದಿದ್ದಾರೆ.

ಫೋಟೋ ನೋಡಿದ ನೆಟ್ಟಿಗರು ನಟಿ ವಾಣಿ ಮೇಲೆ ಕೆಂಡ ಕಾರಿದ್ದಾರೆ. ಅನೇಕರು ದೇವರ ಹೆಸರಿನ ಬಿಕಿನಿ ತೊಟ್ಟಿದ್ದೀರ, ನಾಚಿಕೆಯಿಲ್ವಾ ಎಂದು ಪ್ರಶ್ನೆ ಮಾಡಿದ್ದಾರೆ.

ಇನ್ನು ಕೆಲವರು ರಾಮನ ಹೆಸರನ್ನು ಬರೆದಿರುವ ಬಿಕಿಯನ್ನು ಧರಿಸಿದ್ದೀಯಾ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

2013ರಲ್ಲಿ ತೆರೆಕಂಡ ಶುದ್ಧ ದೇಸಿ ರೊಮ್ಯಾನ್ಸ್ ಚಿತ್ರದ ಮೂಲಕ ವಾಣಿ ಕಪೂರ್ ಬಾಲಿವುಡ್ ಪಾದಾರ್ಪಣೆ ಮಾಡಿದರು.

ರಣ್ವೀರ್ ಸಿಂಗ್ ಜೊತೆಗೆ ನಟಿಸಿದ್ದ ಬೇಫಿಕ್ರೆ ಚಿತ್ರದಲ್ಲಿ ವಾಣಿ ಕಪೂರ್ ತಮ್ಮ ಚುಂಬನದ ದೃಶ್ಯಗಳಿಂದಲೇ ಸುದ್ದಿಯಾಗಿದ್ದರು.

ಇತ್ತೀಚೆಗೆ ತೆರೆಕಂಡು ಗಲ್ಲಾಪೆಟ್ಟಿಗೆ ದೋಚಿರುವ ‘ವಾರ್’ನಲ್ಲಿಯೂ ವಾಣಿ ಕಪೂರ್ ನಟಿಸಿದ್ದಾರೆ.