Urfi Javed: ಪ್ರತಿದಿನ ಹೊಡೆಯುತ್ತಿದ್ದರು! ಎರಡು ಸಲ ಸಾಯೋಕೆ ಟ್ರೈ ಮಾಡಿದೆ ಎಂದ ಉರ್ಫಿ

ಸೋಶಿಯಲ್ ಮೀಡಿಯಾ ಸೆನ್ಸೇಷನ್ ಉರ್ಫಿ ಜಾವೇದ್ ತನ್ನ ಟೈಮ್‌ಲೆಸ್ ಫ್ಯಾಶನ್‌ನಿಂದ ಅಪಾರ ಅಭಿಮಾನಿಗಳನ್ನು ಗಳಿಸಿದ್ದಾರೆ. ಅವರ ಖಾಸಗಿ ಜೀವನದ ಬಗ್ಗೆ ಕೆಲವೇ ಜನರಿಗೆ ತಿಳಿದಿದೆ.

ಉರ್ಫಿ ಜಾವೇದ್ ಇತ್ತೀಚಿನ ಸಂದರ್ಶನವೊಂದರಲ್ಲಿ ತಮ್ಮ ಖಾಸಗಿ ಜೀವನದ ಬಗ್ಗೆ ಆಘಾತಕಾರಿ ಸಂಗತಿಯನ್ನು ಬಹಿರಂಗಪಡಿಸಿದ್ದಾರೆ.

ಉರ್ಫಿ ಜಾವೇದ್ ತುಂಬಾ ಕಷ್ಟಕರವಾದ ಬಾಲ್ಯವನ್ನು ಹೊಂದಿದ್ದರು ಎನ್ನುವುದನ್ನು ರಿವೀಲ್ ಮಾಡಿದ್ದಾರೆ. ಈವರೆಗೆ ಎರಡು ಬಾರಿ ಆತ್ಮಹತ್ಯೆಗೂ ಯತ್ನಿಸಿದ್ದಾಗಿ ಹೇಳಿದ್ದಾರೆ.

ಈ ಕುರಿತು ಮಾತನಾಡಿರುವ ಉರ್ಫಿ, ತನ್ನ ಬಾಲ್ಯದಲ್ಲಿ ತಂದೆ ತಾಯಿ ಮತ್ತು ತಂಗಿಯಂದಿರಿಗೆ ದೈಹಿಕ ಮತ್ತು ಮಾನಸಿಕ ಹಿಂಸೆ ನೀಡುತ್ತಿದ್ದರು ಎಂದಿದ್ದಾರೆ.

ಉರ್ಫಿ ಜಾವೇದ್ ಲಕ್ನೋದಿಂದ ಬಂದವರು. ಕಟ್ಟಾ ಮುಸ್ಲಿಂ ಕುಟುಂಬದಲ್ಲಿ ಬೆಳೆದ ಹುಡುಗಿ. ಹಾಗಾಗಿ ಅವರಿಗೆ ಬಾಲ್ಯದಿಂದಲೂ ಹಲವು ನಿರ್ಬಂಧಗಳಿದ್ದವು.

ತನ್ನ ತಂದೆಯ ಬಗ್ಗೆ ಮಾತನಾಡಿದ ಉರ್ಫಿ, 'ಅವರು ಪ್ರತಿದಿನ ನನ್ನ ತಾಯಿ ಮತ್ತು ತಂಗಿಯಂದಿರನ್ನು ಹಿಂಸಿಸುತ್ತಿದ್ದರು. ಪ್ರತಿದಿನ ನಮ್ಮನ್ನು ಹೊಡೆಯುತ್ತಿದ್ದರು. ನಿಂದಿಸುತ್ತಿದ್ದರು' ಎಂದು ಹೇಳಿದ್ದಾರೆ.

'ಮನೆಯಲ್ಲಿ ಪ್ರತಿದಿನ ಯಾರಾದರೂ ನಿಮ್ಮನ್ನು ನಿಂದಿಸುತ್ತಿದ್ದರೆ ಮತ್ತು ಹೊಡೆಯುತ್ತಿದ್ದರೆ ನಿಮಗೆ ಹೇಗನಿಸುತ್ತದೆ? ಹಾಗಾಗಿ ಖಿನ್ನತೆಗೆ ಒಳಗಾಗಿದ್ದೆ. ಅದಕ್ಕಾಗಿಯೇ ಎರಡು ಬಾರಿ ಆತ್ಮಹತ್ಯೆಗೆ ಯತ್ನಿಸಿದ್ದೆ ಎಂದು ಹೇಳಿದರು.

ತಾನು ನಟಿಯಾಗುವುದಕ್ಕೆ ತಂದೆ ವಿರೋಧ ವ್ಯಕ್ತಪಡಿಸಿದ್ದರು ಎಂದು ಉರ್ಫಿ ಹೇಳಿದ್ದಾರೆ. ಈ ಸಂದರ್ಭದಲ್ಲಿ ಮಾತನಾಡಿದ ಅವರು, 'ನನಗೆ ಮೊದಲಿನಿಂದಲೂ ಫ್ಯಾಷನ್ ಬಗ್ಗೆ ಆಸಕ್ತಿ. ನನಗೆ ಫ್ಯಾಷನ್ ಬಗ್ಗೆ ಅಷ್ಟಾಗಿ ಗೊತ್ತಿರಲಿಲ್ಲ. ಆದರೆ ಯಾವ ಬಟ್ಟೆ ಹಾಕಬೇಕು ಅಂತ ಗೊತ್ತಿತ್ತು. ನಾನು ಎದ್ದು ಕಾಣಬೇಕು, ನನ್ನ ಅತ್ಯುತ್ತಮವಾಗಿ ಕಾಣಬೇಕು ಎಂದು ಬಯಸಿದ್ದೆ' ಎಂದು ಹೇಳಿದ್ದಾರೆ.