Urfi Javed: ಆಹಾ ನನ್ನ ಮದುವೆಯಂತೆ! ಉರ್ಫಿ ಜಾವೇದ್​ ಕೊಟ್ರು ಗುಡ್​ನ್ಯೂಸ್

ಹಿಂದಿ ಬಿಗ್ ಬಾಸ್ ಒಟಿಟಿ ಖ್ಯಾತಿಯ ಉರ್ಫಿ ಜಾವೇದ್ ಅಂದ್ರೆ ಗೊತ್ತಾಗದವರಿಲ್ಲ. ಸೋಷಿಯಲ್ ಮೀಡಿಯಾದಲ್ಲಿ ಅಷ್ಟು ಫೇಮಸ್ ಈ ಚೆಲುವೆ. ದಿನಕ್ಕೊಂದು ರೀತಿಯ ಬಟ್ಟೆ ಧರಿಸಿ ಕ್ಯಾಮೆರಾ ಮುಂದೆ ಬರುವ ಉರ್ಫಿ ಸಿಕ್ಕಾಪಟ್ಟೆ ಟ್ರೋಲ್ ಆಗುತ್ತಾರೆ.

ವಿಚಿತ್ರ ಉಡುಗೆಗಳ ಮೂಲಕವೇ ಉರ್ಫಿ ಸಿಕ್ಕಾಪಟ್ಟೆ ಸುದ್ದಿಯಲ್ಲಿರುತ್ತಾರೆ. ಆದರೆ ಈ ಬಾರಿ ಉರ್ಫಿ ಪ್ರೀತಿ-ಪ್ರೇಮದ ವಿಚಾರವಾಗಿ ಸುದ್ದಿಯಾಗಿದ್ದಾರೆ. ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಬಗ್ಗೆ ಒಂದು ಹಿಂಟ್ ಕೊಟ್ಟಿದ್ದಾರೆ.

ನಟಿ ಹಂಚಿಕೊಂಡಿರುವ ಒಂದು ಫೋಟೋ ನೋಡಿದ ಜನ ಉರ್ಫಿ ಶೀಘ್ರದಲ್ಲಿಯೇ ಮದುವೆಯಾಗಲಿದ್ದಾರೆ ಎಂದಿದ್ದಾರೆ. ಉರ್ಫಿ ಪೋಸ್ಟ್ ನೆಟ್ಟಿಗರ ಕುತೂಹಲಕ್ಕೆ ಕಾರಣವಾಗಿದೆ.

ಅವನು ಯೆಸ್ ಎಂದ ಎಂದು ಬರೆದಿರುವ ಫೋಟೋವನ್ನ ಪೋಸ್ಟ್ ಮಾಡಿದ್ದಾರೆ ಉರ್ಫಿ ಜಾವೇದ್. ಈ ಮೂಲಕ ಮದುವೆ ಬಗ್ಗೆ ಸುಳಿವು ನೀಡಿದ್ದಾರೆ. ಎಲ್ಲರೂ ಶೀಘ್ರ ಉರ್ಫಿ ಮದುವೆಯಾಗಬಹುದೆಂದು ಊಹಿಸುತ್ತಿದ್ದಾರೆ.

ಉರ್ಫಿ ಈ ಹಿಂದೆ ಮಾಡೆಲ್ ಪರಾಸ್ ಕಲ್ನಾವತ್ ಅವರೊಂದಿಗೆ ಡೇಟಿಂಗ್ ಮಾಡುತ್ತಿದ್ದರು. ಇಬ್ಬರ ಸಂಬಂಧ ಮುರಿದು ಬಿದ್ದಿತ್ತು. ಈಗ ಉರ್ಫಿ ಮತ್ತೊಬ್ಬರ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಆದರೆ ಯಾರು ಎಂದು ರಿವೀಲ್ ಮಾಡಿಲ್ಲ.

ಉರ್ಫಿ ವಿರುದ್ಧ ಬಹಳಷ್ಟು ಸೆಲೆಬ್ರಿಟಿಗಳು ಕೂಡಾ ಮಾತನಾಡಿದ್ದಾರೆ. ಇತ್ತೀಚೆಗೆ ರಣಬೀರ್ ಕಪೂರ್ ಅವರು ತಮಗೆ ಅಂಥ ಫ್ಯಾಷನ್ ಬಗ್ಗೆ ಟೇಸ್ಟ್ ಇಲ್ಲ ಎಂದು ಹೇಳಿದ್ದರು.

ಉರ್ಫಿ ಜಾವೇದ್ ಅವರು ಈಗ ಮದುವೆಯಾಗುತ್ತಿರುವ ಸುದ್ದಿ ವೈರಲ್ ಆಗುತ್ತಿದೆ. ನೆಟ್ಟಿಗರೆಲ್ಲ ನೀವು ಮದುವೆಯಾದ ಮೇಲೆ ಸೀರೆ ಉಡುತ್ತೀರಾ? ಅಥವಾ ಮದುವೆಗೆ ಯಾವ್ ಡ್ರೆಸ್ ಹಾಕ್ತೀರಿ ಎಂದು ಟ್ರೋಲ್ ಮಾಡಿದ್ದಾರೆ.

ಉರ್ಫಿ ಜಾವೇದ್ ಕೆಲವೊಮ್ಮೆ ಸುಮ್ಮನೆ ಈ ರೀತಿ ಪೋಸ್ಟ್ ಹಾಕುತ್ತಾರೆ. ಹಾಗಾಗಿ ಇದು ನಿಜ ಎಂದು ನಂಬಲು ಕಷ್ಟವಿದೆ. ಅದೇನಿದ್ದರೂ ಇನ್ನು ನಟಿಯೇ ಹೇಳಬೇಕಷ್ಟೆ.