Urfi Javed: ಫ್ಯಾಷನ್ ಪ್ರಯತ್ನ ವೇಸ್ಟ್ ಆಗಲಿಲ್ಲ! ಜಾನ್ವಿ, ಸಾರಾಳನ್ನೇ ಹಿಂದಿಕ್ಕಿ ಟಾಪ್​ನಲ್ಲಿ ಉರ್ಫಿ ಜಾವೇದ್

ಉರ್ಫಿ ಜಾವೇದ್ ಜಾಗತಿಕವಾಗಿ 2022 ರಲ್ಲಿ ಹೆಚ್ಚು ಹುಡುಕಲ್ಪಟ್ಟ ಏಷ್ಯನ್ ಸೆಲೆಬ್ರಿಟಿಯಾಗಿ ಹೊರಹೊಮ್ಮಿದ್ದಾರೆ. ಬಿಗ್ ಬಾಸ್ OTT ಖ್ಯಾತಿಯ ನಟಿ ಉರ್ಫಿ ಜಾವೇದ್ ಬಾಲಿವುಡ್ ನಟಿ ಸಾರಾ ಅಲಿ ಖಾನ್, ಜಾನ್ವಿ ಕಪೂರ್ ಮತ್ತು ದಿಶಾ ಪಠಾನಿಯಂತಹ ಟಾಪ್ ನಟಿಯರನ್ನು ಹಿಂದಿಕ್ಕಿ 2022 ರಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ ಏಷ್ಯನ್ ಸೆಲೆಬ್ರಿಟಿ ಎಂಬ ಬಿರುದನ್ನು ಪಡೆದಿದ್ದಾರೆ.

ಉರ್ಫಿ ಏಷ್ಯಾದ ಟಾಪ್ ಸರ್ಚ್ಡ್ ಪರ್ಸನಾಲಿಟಿಯಲ್ಲಿ ಎರಡು ಬಾರಿ ಸ್ಥಾನ ಗಳಿಸಿದ್ದಾರೆ. ಇದು ಅವರ ಫ್ಯಾಷನ್ ಟ್ರೋಲ್ ಮಾಡುವವರಿಗೆ ಸರಿಯಾದ ಉತ್ತರ ಎಂದಿದ್ದಾರೆ ಅವರ ಅಭಿಮಾನಿಗಳು.

ಇತ್ತೀಚೆಗೆ, 'Google ನಲ್ಲಿ ಹೆಚ್ಚು ಹುಡುಕಲ್ಪಟ್ಟ ಏಷ್ಯನ್ 2022' ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಹಲವಾರು ದೊಡ್ಡ ಸೆಲೆಬ್ರಿಟಿಗಳನ್ನು ಹಿಂದಿಕ್ಕಿ ಉರ್ಫಿ ಜಾವೇದ್ ಹೆಚ್ಚು ಹುಡುಕಲ್ಪಟ್ಟ ಏಷ್ಯನ್ನರಲ್ಲಿ ಒಬ್ಬರಾದರು.

ಶೋಬಿಜ್ ಉದ್ಯಮದಲ್ಲಿ ಈಗ ಪ್ರಸಿದ್ಧ ಹೆಸರು ಇವರದ್ದಾಗಿದ್ದು ಉರ್ಫಿ ಜಾವೇದ್ ಅವರು ಮುಂಬೈ ಬೀದಿಗಳಲ್ಲಿ ಅತ್ಯಂತ ಆಕರ್ಷಕ ರೀತಿಯಲ್ಲಿ ಕಾಣಿಸಿಕೊಂಡಾಗಲೆಲ್ಲ ಸುದ್ದಿಯಾಗುತ್ತಲೇ ಇರುತ್ತಾರೆ. ಆದರೆ ಇದೀಗ ನಟಿಗೆ ಮತ್ತೊಂದು ಹಿರಿಮೆ ಸಿಕ್ಕಿದೆ.

ಸಾರಾ ಅಲಿ ಖಾನ್, ಜಾನ್ವಿ ಕಪೂರ್, ದಿಶಾ ಪಟಾನಿ ಮುಂತಾದ ಟಾಪ್ ಬಾಲಿವುಡ್ ಸೆಲೆಬ್ರಿಟಿಗಳನ್ನು ಬಿಟ್ಟು, ಉರ್ಫಿ ವಿಶ್ವದ ಅತಿ ಹೆಚ್ಚು ಹುಡುಕಲ್ಪಟ್ಟ ಏಷ್ಯನ್ ಸೆಲೆಬ್ರಿಟಿಯಾಗಿದ್ದಾರೆ.

ಉರ್ಫಿ ತನ್ನ ವಿಲಕ್ಷಣವಾದ ಫ್ಯಾಶನ್ ಆಯ್ಕೆಗಳೊಂದಿಗೆ ಪ್ರೇಕ್ಷಕರನ್ನು ಆಗಾಗ ಮೋಡಿ ಮಾಡುತ್ತಾರೆ. ಅಪಾರ ಅಭಿಮಾನಿಗಳಿಂದಾಗಿ ಅವರು ಹೆಚ್ಚು ಹುಡುಕಲ್ಪಟ್ಟ ಏಷ್ಯನ್ನರ ಪಟ್ಟಿಯಲ್ಲಿ 57 ನೇ ಸ್ಥಾನದಲ್ಲಿದ್ದಾರೆ ಎಂದು ETimes ವರದಿ ಮಾಡಿದೆ.

ಉರ್ಫಿ ಜಾವೇದ್ ಪ್ರಸ್ತುತ ಸ್ಪ್ಲಿಟ್ಸ್ವಿಲ್ಲಾ 14 ರಲ್ಲಿ ಕಾಣಿಸಿಕೊಂಡಿದ್ದಾರೆ. ಇದಕ್ಕೂ ಮೊದಲು, ಅವರು ಹೇ ಹೇ ಯೆ ಮಜ್ಬೂರಿ ಎಂಬ ಶೀರ್ಷಿಕೆಯ ಮ್ಯೂಸಿಕ್ ಆಲ್ಬಂನಲ್ಲಿ ಕಾಣಿಸಿಕೊಂಡಿದ್ದಾರೆ.

ಮೇರಿ ದುರ್ಗಾ, ಬೇಪನ್ನಾಹ್, ಪಂಚ್ ಬೀಟ್ ಸೀಸನ್ 2, ಚಂದ್ರ ನಂದಿನಿ, ಸಾತ್ ಫೆರೋ ಕಿ ಹೇರಾ ಫೆರಿ, ಯೇ ರಿಶ್ತಾ ಕ್ಯಾ ಕೆಹ್ಲಾತಾ ಹೈ ಮತ್ತು ಕಸೂಟಿ ಜಿಂದಗಿ ಕೇ ಸೇರಿದಂತೆ ಹಲವಾರು ಧಾರಾವಾಹಿಗಳಲ್ಲಿ ಉರ್ಫಿ ಕಾಣಿಸಿಕೊಂಡಿದ್ದಾರೆ. ಕಳೆದ ವರ್ಷ ಬಿಗ್ ಬಾಸ್ ಒಟಿಟಿಯಲ್ಲೂ ಭಾಗವಹಿಸಿದ್ದರು.