Upasana Konidela: ಅಮ್ಮಂದಿರ ದಿನದಂದು ಬೇಬಿ ಬಂಪ್ ತೋರಿಸಿದ ಉಪಾಸನಾ! ಫೋಟೋ ವೈರಲ್

ತ್ರಿಬಲ್ ಆರ್ ಸಿನಿಮಾದ ಸ್ಟಾರ್ ನಟ ರಾಮ್ ಚರಣ್ ಅವರ ಪತ್ನಿ ಉಪಾಸನಾ ಕೊನಿಡೇಲಾ ಅವರು ಅಮ್ಮಂದಿರ ದಿನಾಚರಣೆ ದಿನ ವಿಶೇಷವಾದ ಪೋಸ್ಟ್ ಶೇರ್ ಮಾಡಿದ್ದಾರೆ. ಇದರಲ್ಲಿ ಉಪಾಸನಾ ಅವರು ಮೊದಲಬಾರಿಗೆ ಬೇಬಿ ಬಂಪ್ ತೋರಿಸಿದ್ದಾರೆ. ಬ್ಲ್ಯಾಕ್ ಟೀ ಶರ್ಟ್ ಹಾಗೂ ಪ್ಯಾಂಟ್​ ಧರಿಸಿ ಫೋಟೋದಲ್ಲಿ ಕಾಣಿಸಿದ್ದಾರೆ.

ಎಲ್ಲಾ ಕಾರಣಗಳಿಂದಲೂ ನಾನು ತಾಯಿಯಾಗುತ್ತಿರುವುದಕ್ಕೆ ಹೆಮ್ಮೆ ಪಡುತ್ತಿದ್ದೇನೆ. ನಾನು ಸಮಾಜದ ನಿರೀಕ್ಷೆಗಳನ್ನು ನೋಡಿ ತಾಯಿಯಾಗಿಲ್ಲ. ನನ್ನ ವೈವಾಹಿಕ ಜೀವನವನ್ನು ಮತ್ತಷ್ಟು ಸದೃಢಪಡಿಸಲು ನಾನು ತಾಯಿಯಾಗಿಲ್ಲ. ನನ್ನ ಮಗ/ಮಗಳು ಅರ್ಹಪಡುವ ಎಲ್ಲಾ ಪ್ರೀತಿಯನ್ನು ನೀಡಲು ನಾನು ಭಾವನಾತ್ಮಕವಾಗಿ ಸಿದ್ಧವಾಗಿರುವಾಗ ತಾಯಿಯಾಗಿದ್ದೇನೆ ಎಂದು ಉಪಾಸನಾ ತಮ್ಮ ಇನ್​ಸ್ಟಾಗ್ರಾಮ್ ಪೋಸ್ಟ್​ನಲ್ಲಿ ಬರೆದಿದ್ದಾರೆ.

ಇತ್ತೀಚೆಗಷ್ಟೇ ಉಪಾಸನಾ ಅವರ ಬೇಬಿ ಶವರ್ ಪಾರ್ಟಿ ನಡೆಯಿತು. ಈ ಬೇಬಿ ಶವರ್ ಪಾರ್ಟಿಯಲ್ಲಿ ಉಪಾಸನಾ ಕುಟುಂಬ ಮತ್ತು ಸ್ನೇಹಿತರು ಭಾಗವಹಿಸಿದ್ದರು. ಎನ್‌ಟಿಆರ್ ಪತ್ನಿ ಕೂಡಾ ಸಿನಿಮಾ ಸೆಲೆಬ್ರಿಟಿಗಳೊಂದಿಗೆ ಸಮಾರಂಭದಲ್ಲಿ ಭಾಗವಹಿಸಿದ್ದರು.

ಆರ್​ಆರ್​ಆರ್ ನಂತರ, ಎನ್​ಟಿಆರ್ ಮತ್ತು ರಾಮ್ ಚರಣ್ ಮಾತ್ರವಲ್ಲದೆ ಲಕ್ಷ್ಮಿ ಪ್ರಣತಿ ಉಪಾಸನಾ ಉತ್ತಮ ಸ್ನೇಹಿತರಾದರು. ಈ ಹಿನ್ನಲೆಯಲ್ಲಿ ಗರ್ಭಿಣಿಯಾದ ತಮ್ಮ ಆತ್ಮೀಯ ಗೆಳತಿ ಉಪಾಸನಾ ಅವರಿಗೆ ಲಕ್ಷ್ಮಿ ಪ್ರಣತಿ ವಿಶೇಷ ಉಡುಗೊರೆಗಳನ್ನು ನೀಡಿದ್ದಾರೆ.

ಉಪಾಸನಾ ಅವರಿಗೆ ತುಂಬಾ ಇಷ್ಟವಾದ ಎರಡು ಬಗೆಯ ಸಿಹಿತಿಂಡಿಗಳನ್ನು ಲಕ್ಷ್ಮಿ ಪ್ರಣತಿ ಉಡುಗೊರೆಯಾಗಿ ನೀಡಿದರು. ಇವುಗಳ ಜೊತೆಗೆ ಕೆಲವು ಡ್ರೈ ಫ್ರೂಟ್ಸ್ ಕೂಡ ಸೇರಿಸಲಾಯಿತು. ಈ ಉಡುಗೊರೆ ನೋಡಿ ಉಪಾಸನಾ ತುಂಬಾ ಖುಷಿಪಟ್ಟಿದ್ದಾರೆ ಎನ್ನಲಾಗಿದೆ. ಇದಕ್ಕೆ ಸಂಬಂಧಿಸಿದ ಸುದ್ದಿಯೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಜುಲೈ ತಿಂಗಳಿನಲ್ಲಿ ಉಪಾಸನಾ ಮಗುವಿಗೆ ಜನ್ಮ ನೀಡಲಿದ್ದಾರೆ.

ಹೆರಿಗೆ ಸಮಯದಲ್ಲಿ ಉಪಾಸನಾ ಪಕ್ಕದಲ್ಲಿ ರಾಮ್ ಚರಣ್ ಇರುತ್ತಾರೆ ಎಂದು ನಿರೀಕ್ಷಿಸಲಾಗಿದೆ. ಇದಲ್ಲದೆ, ಹೆರಿಗೆಯ ನಂತರವೂ, ರಾಮ್ ಚರಣ್ ತನ್ನ ಹೆಂಡತಿಯ ಉಪಾಸನಗೆ ಸಹಾಯ ಮಾಡಲು ಮನೆಯಲ್ಲಿ ಕೆಲವು ತಿಂಗಳು ಇರಲು ಬಯಸಿದ್ದಾರೆ.

ನಟ ಅಲ್ಲು ಅರ್ಜುನ್ ಕೂಡಾ ತಾಯಿಯಾಗಲಿರುವ ಉಪಾಸನಾ ಅವರಿಗೆ ಶುಭಾಶಯಗಳನ್ನು ತಿಳಿಸಿದ್ದಾರೆ. ಇನ್​ಸ್ಟಾಗ್ರಾಮ್ ಸ್ಟೋರಿ ಶೇರ್ ಮಾಡಿ ಉಪಾಸನಾಗೆ ವಿಶ್ ಮಾಡಿದ್ದರು ಅಲ್ಲು.

ಉಪಾಸನಾ ತಮ್ಮ ಪತಿಯೊಂದಿಗೆ ಆಸ್ಕರ್ ಅವಾರ್ಡ್ ಫಂಕ್ಷನ್​ನಲ್ಲಿಯೂ ಭಾಗಿಯಾಗಿದ್ದರು. ಇದಕ್ಕೆ ನಟಿ ಧರಿಸಿದ್ದ ಆಭರಣಗಳು ಹೈಲೈಟ್ ಆಗಿತ್ತು. ನಟಿ ಸದ್ಯ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ.