Ram Charan-Upasana: ಅಮೆರಿಕಾದಲ್ಲಿ ಮೊದಲ ಮಗುವಿಗೆ ಜನ್ಮ ಕೊಡ್ತಾರಾ ರಾಮ್ ಚರಣ್ ಪತ್ನಿ? ಚೊಚ್ಚಲ ಹೆರಿಗೆ ಬಗ್ಗೆ ಉಪಾಸನಾ ಸ್ಪಷ್ಟನೆ

ಅಮೆರಿಕಾಗೆ ತೆರಳಿದ್ದ ರಾಮ್ ಚರಣ್ ಟಿವಿ ಕಾರ್ಯಕ್ರಮವೊಂದರಲ್ಲಿ ಲೇಡಿ ಡಾಕ್ಟರ್ ಒಬ್ಬರ ಅಪಾಯಿಂಟ್ಮೆಂಟ್ ಪಡೆದುಕೊಂಡಿದ್ದಾರೆ. ಇದ್ರಿಂದ ಉಪಾಸನಾ ಅಮೆರಿಕಾದಲ್ಲೇ ಮಗುವಿಗೆ ಜನ್ಮ ನೀಡ್ತಾರೆ ಎನ್ನುವ ಸುದ್ದಿ ಹಬ್ಬಿದೆ. ಉಪಾಸನಾ ಅಮೆರಿಕಾಗೆ ಹೆರಿಗಾಗಿ ತೆರಳುತ್ತಾರೆ ಎನ್ನಲಾಗ್ತಿದೆ.

ಶೀಘ್ರದಲ್ಲೇ ಉಪಾಸನಾ ಕೂಡ ಅಮೆರಿಕಕ್ಕೆ ಬರುತ್ತಾರೆ. ನಿಮ್ಮ ನಂಬರ್ ನಾನು ಪಡೆದುಕೊಳ್ಳುತ್ತೇನೆ ಎಂದು ಡಾ. ಜೆನ್ ಆಸ್ಟನ್ ಎಂಬ ಲೇಡಿ ಡಾಕ್ಟರ್​ಗೆ ರಾಮ್ ಚರಣ್ ಹೇಳಿರುವ ವಿಡಿಯೋ ಕ್ಲಿಪ್ ವೈರಲ್ ಆಗಿದೆ. ಈ ಗಾಸಿಪ್ ಬಗ್ಗೆ ಉಪಾಸನಾ ಅವರೇ ಸ್ಪಷ್ಟನೆ ನೀಡಿದ್ದಾರೆ.

ಉಪಾಸನಾ ಕೊನಿಡೆಲಾ ಅವರು ಟ್ವೀಟ್ ಮಾಡುವ ಮೂಲಕ ಗಾಸಿಪ್ಗೆ ತೆರೆ ಎಳೆದಿದ್ದಾರೆ. ಅಲ್ಲದೇ ಅವರು ಹೇಳಿಕೆ ಕೂಡ ಬಿಡುಗಡೆ ಮಾಡಿದ್ದು, ಭಾರತದಲ್ಲೇ ಮೊದಲ ಮಗುವಿಗೆ ಜನ್ಮ ನೀಡಲಿದ್ದೇನೆ ಎಂದು ಹೇಳಿದ್ದಾರೆ. ಭಾರತದಲ್ಲಿನ ವಿಶ್ವದರ್ಜೆಯ ವೈದ್ಯರ ಜೊತೆಗೆ ಅಮೆರಿಕದ ಡಾ. ಜೆನ್ ಆಸ್ಟನ್ ಕೂಡ ಈ ವೇಳೆ ಉಪಾಸನಾ ಜೊತೆ ಇರಲಿದ್ದಾರೆ.

ರಾಮ್ ಚರಣ್ ಮತ್ತು ಉಪಾಸನಾ ಅವರು ಮದುವೆ ಆಗಿದ್ದು 2012ರ ಜೂನ್ 14ರಂದು. ವೈವಾಹಿಕ ಜೀವನಕ್ಕೆ ಕಾಲಿಟ್ಟು 10 ವರ್ಷಗಳ ಬಳಿಕ ದಂಪತಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಉಪಾಸನಾ ಗರ್ಭಿಣಿ ಎನ್ನುವ ವಿಚಾರವನ್ನು ಚಿರಂಜೀವಿ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ರು.

ಉಪಾಸನಾ ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ನೆಗೆಟಿವ್ ಕಾಮೆಂಟ್​ಗಳಿಗೆ ಒಳಗಾಗುತ್ತಿದ್ದಾರೆ. ಜೋಶ್ ಟಾಕ್ ಹೆಸರಿನ ಯೂಟ್ಯೂಬ್ ಚಾನೆಲ್ನಲ್ಲಿ ಮಾತನಾಡುತ್ತಾ, ನಾನು ಗೋಲ್ಡನ್ ಮತ್ತು ಪ್ಲಾಟಿನಂ ಚಮಚ ಬಾಯಲ್ಲಿ ಇಟ್ಟುಕೊಂಡು ಹುಟ್ಟಿದ್ದೇನೆ ಎಂದು ಹಲವರು ಹೇಳುತ್ತಾರೆ. ಆದರೆ ನನ್ನ ಪೋಷಕರು ಈ ಮಟ್ಟಕ್ಕೆ ಬರಲು ತುಂಬಾ ಶ್ರಮಿಸಿದ್ದಾರೆ. ಮೇಲಾಗಿ ವಿಶ್ರಾಂತಿ ಇಲ್ಲದೇ ಕೆಲಸ ಮಾಡಿದ್ದಾರೆ ಎಂದು ಹೇಳಿದ್ರು.

ನನ್ನ ಬಗ್ಗೆ ನೆಗೆಟಿವ್ ಕಮೆಂಟ್ ಮಾಡುವ ಬದಲು ಮೊದಲು ಸತ್ಯ ತಿಳಿದುಕೊಳ್ಳಿ. ದಯವಿಟ್ಟು ಈ ರೀತಿ ಕಮೆಂಟ್ ಮಾಡಿ ನೋವು ಕೊಡಬೇಡಿ ಎಂದಿದ್ರು. ನನ್ನ ಮಕ್ಕಳನ್ನು ವೃತ್ತಿಪರ ಜವಾಬ್ದಾರಿಯೊಂದಿಗೆ ಬೆಳೆಸುತ್ತೇನೆ ಎಂದು ಉಪಾಸನಾ ಹೇಳಿದ್ದಾರೆ. ಉಪಾಸನಾ ಬಡ ಜನರಿಗೆ ಸಾಧ್ಯವಾದಷ್ಟು ಸಹಾಯ ಮಾಡುವ ಮೂಲಕ ಅನೇಕರಿಗೆ ಮಾದರಿಯಾಗಿದ್ದಾರೆ. ಫೋಟೋ: Instagram

ಸದ್ಯದಲ್ಲೇ ರಾಮ್ ಚರಣ್-ಉಪಾಸನಾ ದಂಪತಿ ಪೋಷಕರಾಗಿ ಪ್ರಮೋಷನ್ ಪಡೆಯಲಿದ್ದಾರೆ. ಮದುವೆಯಾಗಿ ಸುಮಾರು 10 ವರ್ಷಗಳ ನಂತರ, ದಂಪತಿ ಮೊದಲ ಮಗುವಿಗೆ ಜನ್ಮ ನೀಡಲಿದ್ದಾರೆ. 2012ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಜೋಡಿ ಕೊನೆಗೂ ಮಗುವಿನ ಬಗ್ಗೆ ಗುಡ್ ನ್ಯೂಸ್ ನೀಡಿದ್ದು, ಮೆಗಾ ಮನೆಯಲ್ಲಿ ಸಂತಸ ಮೂಡಿದೆ. ಫೋಟೋ: Instagram

ಉಪಾಸನಾ ಮನೆಗೆ ಬಂದಿದ್ದ ಆಕೆಯ ಸ್ನೇಹಿತರು ಗೆಳತಿಗೆ ಸಣ್ಣದಾಗಿ ಸೀಮಂತ ಮಾಡಿದ್ದಾರೆ. ಆಕೆಯ ಕೊರಳಿಗೆ ಮಾಲೆ ಹಾಕಿ ಗಿಫ್ಟ್ ಕೊಟ್ಟು ಶುಭಕೋರಿದ್ದಾರೆ. ಸೀಮಂತದ ಫೋಟೋಗಳು ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ಉಪಾಸನಾ ಮತ್ತು ಚರಣ್ ತನ್ನ ಸ್ನೇಹಿತರು ಮತ್ತು ಆಪ್ತರೊಂದಿಗೆ ಈ ಸಮಾರಂಭದಲ್ಲಿ ಭಾಗವಹಿಸಿದ್ದರು.