Star Suvarnaದಲ್ಲಿ ಯುಗಾದಿ ವಿಶೇಷ ಕಾರ್ಯಕ್ರಮ - ರಂಗು ರಂಗಿನ ವೇದಿಕೆಯಲ್ಲಿ ತಾರೆಯರ ಹಬ್ಬ

ಈ ಕಾರ್ಯಕ್ರಮದಲ್ಲಿ ಹಲವಾರು ತಾರೆಯರು, ಸಂಗೀತಗಾರರು ಭಾಗವಹಿಸಿ ಹಬ್ಬದ ಸಂಭ್ರಮ ಹೆಚ್ಚಿಸಿದ್ದು, ಈ ವೀಕೆಂಡ್​ ಪ್ರೇಕ್ಷಕರಿಗೆ ಡಬಲ್​ ಧಮಾಕ ಎನ್ನಬಹುದು.

ಈ ಸುಂದರ ಸಂಜೆಯ ಕಾರ್ಯಕ್ರಮದಲ್ಲಿ ಗಾಯಕ ಸಂಜಿತ್​ ಹೆಗ್ಡೆ ಸಹ ಭಾಗವಹಿಸಿದ್ದರು. ಸಂಜಿತ್​ ಹೆಗ್ಡೆ ಎಂದ ಮೇಲೆ ಅದ್ಭುತ ಹಾಡುಗಳಿಗೇನು ಕಮ್ಮಿ ಇರುವುದಿಲ್ಲ.

ಗಾಯಕ ಹೇಮಂತ್  ಸಹ ಈ ಕಾರ್ಯಕ್ರಮದಲ್ಲಿ  ತಮ್ಮ ಜನಪ್ರಿಯ ಹಾಡುಗಳನ್ನು ಹಾಡಿ ರಂಜಿಸಲಿದ್ದು, ಹಾಡುಗಳ ರಸದೌತಣ ಸಿಗಲಿದೆ ಎಂದರೆ ತಪ್ಪಾಗಲಾರದು.

ಅಲ್ಲದೇ ಈ ಕಾರ್ಯಕ್ರಮದಲ್ಲಿ ಜನಪ್ರಿಯ ಸಂಗೀತಗಾರರಾದ ವ್ಯಾಸ್ ರಾಜ್ ಮತ್ತು ಅಂಕಿತ ರೋಮ್ಯಾಂಟಿಕ್ ಹಾಡುಗಳ ಜೊತೆಗೆ ಕ್ರೇಜಿ ಸ್ಟಾರ್ ರವಿಚಂದ್ರನ್ ಅವರ ಹಿಟ್ ಗೀತೆಗಳನ್ನು ಹಾಡಲಿದ್ದು, ಸಂಗೀತಪ್ರಿಯರಿಗೆ ಯುಗಾದಿ ಹಬ್ಬದ ಜೊತೆ  ಸಂಗೀತ ಹಬ್ಬ ಎನ್ನಬಹುದು.

ಇಂದು ನಾಗರಾಜ್ ಮತ್ತು ಲಕ್ಷ್ಮಿ ನಾಗರಾಜ್ ಅವರ ಜುಗಲ್ ಬಂದಿ ಇದ್ದು, ಈ ವರ್ಷದ ಯುಗಾದಿ ಹಬ್ಬವನ್ನು ಸಂಗೀತಮಯವಾಗಿಸಲಿದೆ ಎನ್ನಬಹುದು.

ಈ ಕಾರ್ಯಕ್ರಮದಲ್ಲಿ ನಟ ಹಾಗೂ ಗಾಯಕ ಸುನೀಲ್ ರಾವ್​ ಸಹ ಭಾಗವಹಿಸಿದ್ದು, ಬಂಪರ್ ಮನರಂಜನೆಯನ್ನು ಒದಗಿಸಲಿದೆ.

ಇದಿಷ್ಟು ಜನರಲ್ಲದೇ ಸುನಿಲ್ ರಾವ್, ಅದಿತಿ ಪ್ರಭುದೇವ, ಮಣಿಕಾಂತ್ ಕದ್ರಿ ಮತ್ತು ಬ್ರೋ ಗೌಡ ಕೂಡ ಕಾರ್ಯಕ್ರಮದಲ್ಲಿ ಅತಿಥಿಗಳಾಗಿ ಭಾಗವಹಿಸಲಿದ್ದು, ಶಾಲಿನಿ ಈ ಕಾರ್ಯಕ್ರದ ನಿರೂಪಣೆ ಮಾಡಿದ್ದಾರೆ.

ಇನ್ನು ಈ ಕಾರ್ಯಕ್ರಮ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಏಪ್ರಿಲ್ 3ರಂದು , ಭಾನುವಾರ ಸಂಜೆ 6 ಗಂಟೆಗೆ ಪ್ರಸಾರವಾಗಲಿದ್ದು, ನೀವೂ ನೋಡಿ ಎಂಜಾಯ್​ ಮಾಡಬಹುದು.