Ugadi 2022: ಚಂದನವನದ ಚೆಂದದ ತಾರೆಯರ ಮನೆಗಳಲ್ಲಿ ಹೇಗಿತ್ತು ಯುಗಾದಿ ಸಂಭ್ರಮ? ಇಲ್ಲಿದೆ Photos ನೋಡಿ

ಹಿಂದೂಗಳ ಹೊಸ ವರ್ಷ ಯುಗಾದಿ. ಹೀಗಾಗಿ ಎಲ್ಲರ ಮನೆಯಲ್ಲೂ ಯುಗಾದಿ ಹಬ್ಬದ ಸಂಭ್ರಮ ಕಳೆಗಟ್ಟಿರುತ್ತದೆ. ಅದರಲ್ಲೂ ದಕ್ಷಿಣ ಭಾರತದಲ್ಲಿ ಈ ಹಬ್ಬವನ್ನು ಹೆಚ್ಚು ಸಂಭ್ರಮದಿಂದ ಆಚರಿಸಲಾಗುತ್ತದೆ. ಕನ್ನಡ ಚಿತ್ರರಂಗದ ಸ್ಟಾರ್ಗಳ ಮನೆಗಳಲ್ಲೂ ಯುಗಾದಿ ಹಬ್ಬ ಸಂಭ್ರಮ ಜೋರಾಗಿತ್ತು. ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಾಧಿಕಾ ಪಂಡಿತ್ ದಂಪತಿ ಯುಗಾದಿ ಹಬ್ಬವನ್ನು ಸಂಭ್ರಮದಿಂದ ಆಚರಿಸಿದರು. ಮಕ್ಕಳಾದ ಐರಾ ಹಾಗೂ ಯಥರ್ವ ಜೊತೆ ಸಾಂಪ್ರದಾಯಿಕ ಡ್ರೆಸ್ ತೊಟ್ಟು, ಸಿಹಿ ಊಟ ಮಾಡಿ, ಸಂಭ್ರಮಿಸಿದ್ರು. (ಚಿತ್ರ ಕೃಪೆ: Instagram)

ಐಂದ್ರಿತಾ ರೇ ಹಾಗೂ ದಿಗಂತ್ ದಂಪತಿ ಹೊಸ ಲುಕ್ನಲ್ಲಿ ಕಂಗೊಳಿಸಿದ್ದಾರೆ. ಯುಗಾದಿ ಸಂಭ್ರಮಲ್ಲಿರುವ ಈ ಸ್ಟಾರ್ ಕಪಲ್, ಕ್ಯಾಮೆರಾಗೆ ಪೋಸ್ ಕೊಟ್ಟಿದ್ದಾರೆ. (ಚಿತ್ರ ಕೃಪೆ: Instagram)

'ಹೋಂ ಮಿನಿಸ್ಟರ್' ಸಿನಿಮಾದ ಸಕ್ಸಸ್ ಖುಷಿಯಲ್ಲಿರುವ ರಿಯಲ್ ಸ್ಟಾರ್ ಉಪೇಂದ್ರ, ಫ್ಯಾಮಿಲಿ ಜೊತೆ ಹೊಸ ಬಟ್ಟೆ ತೊಟ್ಟು ಯುಗಾದಿ ಹಬ್ಬವನ್ನ ಆಚರಿಸಿದ್ದಾರೆ. ಪತ್ನಿ ಪ್ರಿಯಾಂಕಾ, ಮಕ್ಕಳು ಹಾಗೂ ಮನೆಯವರೊಂದಿಗೆ ಸಂಭ್ರಮಿಸಿದ್ದಾರೆ. (ಚಿತ್ರ ಕೃಪೆ: Instagram)

ಹಿರಿಯ ನಟ ಜಗ್ಗೇಶ್ ಅವರ ಮನೆಯಲ್ಲೂ ಯುಗಾದಿ ಸಂಭ್ರಮ ಕಳೆಗಟ್ಟಿತ್ತು. ಜಗ್ಗೇಶ್-ಪರಿಮಳಾ ದಂಪತಿ ಮಕ್ಕಳು, ಸೊಸೆ, ಮೊಮ್ಮಗನೊಂದಿಗೆ ಹಬ್ಬ ಆಚರಿಸಿದ್ರು. ಮೊಮ್ಮಗ ಅರ್ಜುನ್ ಇಂದಿನ ನಮ್ಮ ಮನೆಯ ಹಬ್ಬಕ್ಕೆ ಧರಿಸಿದ ಬಟ್ಟೆ ತಾತನು ಧರಿಸಬೇಕು ಎಂದು ಅಜ್ಜಿ ನಿರ್ಧರಿಸಿ ಅಂಗಡಿ ಸುತ್ತಿ ಬಟ್ಟೆ ತಂದು ಇಬ್ಬರಿಗು ಹಾಕಿಸಿ ಸಂಭ್ರಮಿಸಿದಳು. ಸಂತೋಷ ಸಂಭ್ರಮ ಆನಂದ ಬೇರೆ ಎಲ್ಲೂ ಸಿಗದು. ಹಬ್ಬದ ಊಟ ಮೊಮ್ಮಗನ ಆಟ ಮಡದಿ ಮಕ್ಕಳ ಪ್ರೀತಿ ನನ್ನ ಹೊಟ್ಟೆ ಮನಸ್ಸು ತುಂಬಿಸಿತು ಜಗ್ಗೇಶ್ ಬರೆದುಕೊಂಡಿದ್ದಾರೆ. (ಚಿತ್ರ ಕೃಪೆ: Instagram)

ನಟಿ ರಾಗಿಣಿ ದ್ವಿವೇದಿ ಈ ವರ್ಷ ಸಂಭ್ರಮದಿಂದ ಯುಗಾದಿ ಆಚರಿಸಿದ್ದಾರೆ. ಡ್ರಗ್ಸ್ ಕೇಸ್, ಜೈಲು ವಾಸ ಇತ್ಯಾದಿಗಳಿಂದ ನೊಂದಿದ್ದ ಅವರು, ಇದೀಗ ಅವುಗಳಿಂದ ಮುಕ್ತರಾಗುತ್ತಿದ್ದಾರೆ. (ಚಿತ್ರ ಕೃಪೆ: Instagram)

ಕಳೆದ ವರ್ಷ ಸಹೋದರ ಚಿರು ನಿಧನದ ದುಃಖದಲ್ಲಿದ್ದ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಈ ವರ್ಷ ಯುಗಾದಿ ಹಬ್ಬ ಆಚರಿಸಿದ್ದಾರೆ. ಪತ್ನಿ ಪ್ರೇರಣಾ ಹಾಗೂ ಕುಟುಂಬಸ್ಥರ ಜೊತೆ ಧ್ರುವ ಹಬ್ಬ ಸೆಲಬ್ರೇಟ್ ಮಾಡಿದ್ದಾರೆ. (ಚಿತ್ರ ಕೃಪೆ: Instagram)

ನಟಿ ಸುಧಾರಾಣಿ ಯುಗಾದಿ ಹಬ್ಬ ಆಚರಿಸಿದ್ದಾರೆ. ಹೊಸ ಸೀರೆ ತೊಟ್ಟು, ಮಗಳು ಹಾಗೂ ಕುಟುಂಸ್ಥರೊಂದಿಗೆ ಹಬ್ಬ ಆಚರಿಸಿದ್ಗಾರೆ. ಆ ಫೋಟೋಗಳನ್ನು ಸುಧಾರಾಣಿ ಶೇರ್ ಮಾಡಿದ್ದಾರೆ. (ಚಿತ್ರ ಕೃಪೆ: Instagram)

ಬಿಗ್ ಬಾಸ್ ಖ್ಯಾತಿಯ ಕಿರುತೆರೆ ನಟಿ ದಿವ್ಯಾ ಸುರೇಶ್ ಕೂಡ ಹಬ್ಬದ ಸಂಭ್ರಮದಲ್ಲಿದ್ದಾರೆ. ಹೊಸ ಸೀರೆ ತೊಟ್ಟು ಸಖತ್ ಆಗಿ ಕಾಣಿಸಿರುವ ದಿವ್ಯಾ, ತಮ್ಮ ಅಭಿಮಾನಿಗಳಿಗೂ ಹಬ್ಬದ ಶುಭ ಕೋರಿದ್ರು. (ಚಿತ್ರ ಕೃಪೆ: Instagram)