Actor Udhayanidhi Stalin: ತಂದೆಯ ಕ್ಯಾಬಿನೆಟ್​ನಲ್ಲೇ ಮಿನಿಸ್ಟರ್ ಆದ ತಮಿಳು ನಟ

ನಟ, ಶಾಸಕ ಉದಯಾನಿಧಿ ಸ್ಟಾಲಿನ್ ಅವರು ಬುಧವಾರ ಡಿಎಂಕೆ ಸರ್ಕಾರದ ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಿದ್ದಾರೆ. ಅವರ ತಂದೆ ಎಂ.ಕೆ ಸ್ಟಾಲಿನ್ ಅವರ ಕ್ಯಾಬಿನೆಟ್​ನಲ್ಲಿ ಸಚಿವರಾಗಿ ಸೇರಿಕೊಂಡಿದ್ದಾರೆ. ಸ್ಟಾಲಿನ್ ಕ್ಯಾಬಿನೆಟ್​​ನಲ್ಲಿ ಸದ್ಯ 35 ಜನ ಸಚಿವರಿದ್ದಾರೆ.

ಗವರ್ನರ್ ಆರ್.ಎನ್. ರವಿ ಅವರು ರಾಜಭವನದ ದರ್ಬಾರ್ ಹಾಲ್​ನಲ್ಲಿ ಬೆಳಗ್ಗೆ 9.30ಕ್ಕೆ ಪ್ರಮಾಣವಚನ ಬೋಧಿಸಿದ್ದಾರೆ. ಸ್ಟಾಲಿನ್ ಅವರು ಯುವಕಲ್ಯಾಣ ಹಾಗೂ ಕ್ರೀಡಾಭಿವೃದ್ಧಿ ಸಚಿವರಾಗಿ ನೇಮಕಗೊಂಡಿದ್ದಾರೆ. ಇದುವರೆಗೂ ಈ ಖಾತೆ ಶಿವ ವಿ. ಮೆಯ್ಯಾನಂದನ್ ಅವರು ನೋಡಿಕೊಳ್ಳುತ್ತಿದ್ದರು. ಸ್ಟಾಲಿನ್ ಅವರ ಪತ್ನಿ ದುರ್ಗಾ, ಉದಯಾನಿಧಿ ಪತ್ನಿ ಕೀರ್ತಿಗಾ, ಕನಿಮೊಳಿ ಕರುಣಾನಿಧಿ ಹಾಗೂ ಕದಯಾನಿಧಿ ಮಾರನ್ ಹಾಗೂ ಸಚಿವರು ಹಾಜರಿದ್ದರು.

ತಮ್ಮ ಕ್ಯಾಬಿನೆಟ್​ನಲ್ಲಿ ಅವಕಾಶ ಕೊಟ್ಟಿದ್ದಕ್ಕಾಗಿ ಉದಯಾನಿಧಿ ಅವರು ಕರುಣಾನಿಧಿ ಅವರಿಗೆ ಧನ್ಯವಾದ ಹೇಳಿ ಟ್ವೀಟ್ ಮಾಡಿದ್ದಾರೆ. ನಾನು ಇದನ್ನು ಒಂದು ಸ್ಥಾನ ಎಂದು ಭಾವಿಸದೆ ಜವಾಬ್ದಾರಿಯುತವಾಗಿ ಕೆಲಸ ಮಾಡುವುದಾಗಿ ಅವರು ಹೇಳಿದ್ದಾರೆ.

ಪ್ರತಿಪಕ್ಷವಾದ ಎಐಎಡಿಎಂಕೆ ಮತ್ತು ಬಿಜೆಪಿ ಡಿಎಂಕೆಯ ಕುಟುಂಬ ರಾಜಕೀಯವನ್ನು ನಿರಂತರವಾಗಿ ಟೀಕಿಸುತ್ತಿದೆ. 1989 ರಲ್ಲಿ ಶಾಸಕರಾದ ಅವರ ತಂದೆ ಮುಖ್ಯಮಂತ್ರಿ ಸ್ಟಾಲಿನ್ ಅವರು 2006 ರಲ್ಲಿ ತಮ್ಮ ತಂದೆ ಎಂ ಕರುಣಾನಿಧಿ ಅವರ ಸಂಪುಟಕ್ಕೆ ಸೇರ್ಪಡೆಗೊಂಡರು. ಆದರೆ 2021 ರ ವಿಧಾನಸಭಾ ಚುನಾವಣೆಯಲ್ಲಿ ಡಿಎಂಕೆಯ ಯುವ ಕುಡಿ ಉದಯಾನಿಧಿ ರಾಜಕೀಯಕ್ಕೆ ಎಂಟ್ರಿ ಕೊಟ್ಟರು.

ಮಾಮಲ್ಲಪುರಂನಲ್ಲಿ ನಡೆದ 44ನೇ ಆವೃತ್ತಿಯ ಚೆಸ್ ಒಲಿಂಪಿಯಾಡ್‌ನ ಯಶಸ್ವಿ ನಿರ್ವಹಣೆಯಲ್ಲಿ ಉದಯನಿಧಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಕರುಣಾನಿಧಿ ಅವರ ನಿಧನದ ಎರಡು ವರ್ಷಗಳ ನಂತರ 2019 ರ ಸಾರ್ವತ್ರಿಕ ಚುನಾವಣೆಯಲ್ಲಿ ಲೊಯೊಲಾ ಕಾಲೇಜಿನಲ್ಲಿ ಉದಾಯಾನಿಧಿ ಸಕ್ರಿಯ ರಾಜಕೀಯ ಆರಂಭಿಸಿದರು.

2021 ರ ವಿಧಾನಸಭಾ ಚುನಾವಣೆಯ ಸಮಯದಲ್ಲಿ ಅವರು 'AIIMS' ಎಂದು ಬರೆದಿರುವ ಇಟ್ಟಿಗೆಯನ್ನು ಹಿಡಿದುಕೊಂಡು, AIIMS ಮಧುರೈ ಅನ್ನು ಸ್ಥಾಪಿಸುವಲ್ಲಿ ಯಾವುದೇ ಪ್ರಗತಿ ಆಗಿಲ್ಲ ಎಂದಿದ್ದರು, ಇದು ಬಿಜೆಪಿ ವಿರೋಧಿ ನಡೆ ಹೆಚ್ಚಿಸಿತ್ತು.

ಜುಲೈನಲ್ಲಿ ಡಿಎಂಕೆ ಮೈತ್ರಿಕೂಟವು ಚುನಾವಣೆಯಲ್ಲಿ ಜಯಗಳಿಸಿದ ನಂತರ ಅವರನ್ನು ಪಕ್ಷದ ಯುವ ವಿಭಾಗದ ಕಾರ್ಯದರ್ಶಿಯಾಗಿ ನೇಮಿಸಲಾಯಿತು. ಈ ವಿಭಾಗವನ್ನು ಮೂಲತಃ 1968 ರಲ್ಲಿ ಸ್ಟಾಲಿನ್ ಪ್ರಾರಂಭಿಸಿದರು. ಸುಮಾರು ನಾಲ್ಕು ದಶಕಗಳ ಕಾಲ ಅವರು ಕಾರ್ಯದರ್ಶಿಯಾಗಿ ನೇತೃತ್ವ ವಹಿಸಿದ್ದರು.

ಯುವ ಘಟಕದ ಚುಕ್ಕಾಣಿಯಲ್ಲಿ, ಉದಯನಿಧಿ ವೈದ್ಯಕೀಯ ಪ್ರವೇಶಕ್ಕಾಗಿ NEET, ಪೌರತ್ವ (ತಿದ್ದುಪಡಿ) ಕಾಯಿದೆ, TNPSC ನಲ್ಲಿ ಪರೀಕ್ಷಾ ಹಗರಣ ಮತ್ತು ಕೋವಿಡ್ ಪರಿಹಾರ ಕಾರ್ಯಗಳ ಜೊತೆಗೆ ಹಿಂದಿ ಭಾಷೆಯ ಹೇರಿಕೆಯ ವಿರುದ್ಧ ಪ್ರತಿಭಟನೆಗಳನ್ನು ನಡೆಸಿದರು.

25 ಲಕ್ಷ ಹೊಸ ಸದಸ್ಯರನ್ನು ಹೊಂದಿರುವ ಬೃಹತ್ ದಾಖಲಾತಿಯನ್ನು ಪಡೆವ ಮೂಲಕ ಯುವ ಘಟಕವನ್ನು ಬಲಪಡಿಸುವಲ್ಲಿ ಉದಯನಿಧಿ ಕೆಲಸ ಮಾಡಿದ್ದಾರೆ. ವಿಧಾನಸಭಾ ಚುನಾವಣೆಗೆ ಮುಂಚಿತವಾಗಿ 3.5 ಲಕ್ಷ ಪದಾಧಿಕಾರಿಗಳನ್ನು ಘಟಕದಲ್ಲಿ ನೇಮಿಸಿದರು. ಇದು ಪಕ್ಷಕ್ಕೆ ತಳಮಟ್ಟದಲ್ಲಿ ಸಹಾಯ ಮಾಡಿತು.