Tunisha Sharma: ನಟಿ ತುನಿಶಾ ಶರ್ಮಾ ಆತ್ಮಹತ್ಯೆ ಮಾಡಿಕೊಂಡ ಸ್ಥಳದಲ್ಲಿ ಬೆಂಕಿ ಅವಘಡ, ಅಲಿ ಬಾಬಾ ಸೆಟ್ ಸುಟ್ಟು ಭಸ್ಮ

ಅಲಿ ಬಾಬಾ ದಾಸ್ತಾನ್-ಎ-ಕಾಬೂಲ್ ಧಾರಾವಾಹಿ ಮೂಲಕ ತುನಿಶಾ ಶರ್ಮಾ ಜನಪ್ರಿಯರಾಗಿದ್ದರು. ಈ ಸೀರಿಯಲ್ ಅಭಿನಯಕ್ಕೆ ಭಾರೀ ಮೆಚ್ಚುಗೆ ಕೂಡ ವ್ಯಕ್ತವಾಗಿತ್ತು. ತುನಿಶಾ ಶರ್ಮಾ ಅಪಾರ ಫ್ಯಾನ್ ಫಾಲೋವರ್ಸ್ ಕೂಡ ಹೊಂದಿದ್ದರು.

ಕೆಲವು ತಿಂಗಳ ಹಿಂದೆ ಧಾರಾವಾಹಿಯ ಸೆಟ್​ನಲ್ಲಿ ನಟಿ ತುನಿಶಾ ಶರ್ಮಾ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದರು. ಈ ಘಟನೆ ಧಾರಾವಾಹಿ ತಂಡ ಹಾಗೂ ಪ್ರೇಕ್ಷಕರನ್ನು ಬೆಚ್ಚಿಬೀಳಿತ್ತು. ಇದೀಗ ಸೆಟ್​ನಲ್ಲಿ ಮತ್ತೊಂದು ಅವಘಡ ಸಂಭವಿಸಿದೆ.

ಈ ಸೀರಿಯಲ್ ನಾಯಕ ನಟ ಮತ್ತು ತುನಿಶಾ ಶರ್ಮಾ ಬಾಯ್​ಫ್ರೆಂಡ್ ಆಕೆಯ ಗೆಳೆಯ ಶಿಜಾನ್ ಖಾನ್ ತನ್ನ ಮಗಳನ್ನು ಆತ್ಮಹತ್ಯೆಗೆ ಪ್ರೇರೇಪಿಸುತ್ತಿದ್ದಾರೆ ಎಂದು ತುನಿಶಾ ತಾಯಿ ಆರೋಪ ಮಾಡಿ ಆತನ ವಿರುದ್ಧ ದೂರು ದಾಖಲಿಸಿದ್ರು.

ಕೆಲ ದಿನಗಳ ಕಾಲ ಜೈಲಿನಲ್ಲಿದ್ದ ಶಿಜಾನ್ ಖಾನ್ ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದಾರೆ. ಅವರು ಮತ್ತೊಮ್ಮೆ ಹೊಸ ಶೋನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಶಿಜಾನ್ ಖಾನ್ ಮೇಲಿನ ಕೇಸ್ ಕೂಡ ನಡೆಯುತ್ತಿದೆ.

ಅಲಿ ಬಾಬಾ ಸೀರಿಯಲ್ ಸೆಟ್​ನಲ್ಲಿ ಇತ್ತೀಚಿಗಷ್ಟೇ ಆಘಾತಕಾರಿ ಘಟನೆಯೊಂದು ಬೆಳಕಿಗೆ ಬಂದಿದೆ. ತುನಿಶಾ ಆತ್ಮಹತ್ಯೆ ಮಾಡಿಕೊಂಡ ಐದು ತಿಂಗಳ ನಂತರ ಈ ಧಾರಾವಾಹಿಯ ಸೆಟ್​ಗೆ ಬೆಂಕಿ ಬಿದ್ದಿದೆ.

ಪಾಲ್ಘರ್​ನ ಸೆಟ್ನಲ್ಲಿ ನಟಿ ತುನಿಶಾ ಆತ್ಮಹತ್ಯೆ ಮಾಡಿಕೊಂಡಿದ್ರು. ಇದೀಗ ಅದೇ ಸೆಟ್​ನಲ್ಲಿ ಬೆಂಕಿ ಅವಘಡ ಸಂಭವಿಸಿ ಎಲ್ಲವೂ ಸುಟ್ಟು ಭಸ್ಮವಾಗಿದೆ. ಈ ಘಟನೆ ಇದೀಗ ಭಾರೀ ಅನುಮಾನ ಮೂಡಿಸಿದ್ದು, ದೂರು ಕೂಡ ದಾಖಲಾಗಿದೆ.

ಬೆಂಕಿಗೆ ಕಾರಣ ಇನ್ನೂ ಸ್ಪಷ್ಟವಾಗಿಲ್ಲ. ಆದರೆ, ಸಾಮಾಜಿಕ ಜಾಲತಾಣಗಳಲ್ಲಿ ಈ ಸುದ್ದಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಬೆಂಕಿ ಅನಾಹುತಕ್ಕೆ ಕಾರಣ ಏನು ಎನ್ನುವ ಸತ್ಯ ಹೊರ ಬರಬೇಕಿದೆ.