Vijay-Trisha: ಮತ್ತೆ ಒಂದಾಗ್ತಿದ್ದಾರೆ ವಿಜಯ್-ತ್ರಿಶಾ! ದಳಪತಿ ಬಾಳಲ್ಲಿ ಬಿರುಕು ಉಂಟಾಗಲು ಈ ನಟಿಯೇ ಕಾರಣನಾ?

ದಳಪತಿ ವಿಜಯ್ ತಮ್ಮ ಪತ್ನಿಗೆ ವಿಚ್ಛೇದನ ನೀಡುವ ವಿಚಾರಕ್ಕೆ ಸಖತ್ ಸುದ್ದಿಯಲ್ಲಿದ್ದಾರೆ. ಇದೀಗ ದಳಪತಿ 67ರಲ್ಲಿ ತ್ರಿಶಾ ಜೊತೆ ವಿಜಯ್ ಮತ್ತೆ ಒಂದಾಗ್ತಿದ್ದಾರೆ. ತೆರೆ ಮೇಲೆ ಈ ಹಿಟ್ ಜೋಡಿ ನೋಡಲು ಅಭಿಮಾನಿಗಳು ಕಾಯ್ತಿದ್ದಾರೆ.

ತ್ರಿಶಾ ಕೃಷ್ಣನ್, ದಳಪತಿ ವಿಜಯ್ ಅವರ ಮುಂದಿನ ಚಿತ್ರ 'ದಳಪತಿ 67' ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸಿನಿಮಾಗೆ ಇನ್ನೂ ಟೈಟಲ್ ಫಿಕ್ಸ್ ಆಗಿಲ್ಲ. ಲೋಕೇಶ್ ಕನಕರಾಜ್ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಪೂಜೆ ಕಾರ್ಯ ನಡೆದಿದ್ದು, ಶೂಟಿಂಗ್ ಕೂಡ ಶುರುವಾಗಿದೆ. ಇದರಲ್ಲಿ ಸಂಜಯ್ ದತ್, ಮನ್ಸೂರ್ ಅಲಿ ಖಾನ್, ಮನೋಬಾಲಾ, ಗೌತಮ್ ವಾಸುದೇವ್ ಮೈನೋ ಮುಂತಾದ ನಟರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ದಳಪತಿ ವಿಜಯ್ ಮತ್ತು ತ್ರಿಶಾ ಕೃಷ್ಣನ್ ಜೋಡಿ ಇದೇ ಮೊದಲ ಬಾರಿಗೆ ಕಾಣಿಸುತ್ತಿಲ್ಲ. ಇಬ್ಬರೂ ಈಗಾಗಲೇ ಅನೇಕ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. 'ಗಿಲ್ಲಿ', 'ಕುರುವಿ', 'ತಿರುಪಾಚಿ' ಮತ್ತು 'ಆಟಿ' ಚಿತ್ರಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಜೊತೆಗೆ ಇವರಿಬ್ಬರ ಅಫೇರ್ ಬಗ್ಗೆ ಕೂಡ ಸಾಕಷ್ಟು ಸುದ್ದಿಯಾಗಿತ್ತು. ಅನೇಕ ಗಾಸಿಪ್​ಗಳು ಹರಿದಾಡಿವೆ.

ಇಂತಹ ಸುದ್ದಿ ಬಳಿಕ ದಳಪತಿ ವಿಜಯ್ ಮತ್ತು ತ್ರಿಶಾ ಒಟ್ಟಾಗಿ ಕಾಣಿಸಿಕೊಂಡಿಲ್ಲ. ಸಂದರ್ಶನವೊಂದರಲ್ಲಿ ಮಾತಾಡಿದ್ದ ತ್ರಿಶಾ, ನಟ ವಿಜಯ್ ಜೊತೆ ಯಾವುದೇ ಸಂಬಂಧವಿಲ್ಲ ಎಂದು ಹೇಳಿದ್ರು.  2005 ರಲ್ಲಿ 'ಗಿಲ್ಲಿ' ಸೆಟ್ ನಲ್ಲಿ ಇಬ್ಬರ ಮೊದಲ ಭೇಟಿ ಆಗಿತ್ತು.

ಇದೀಗ ಮತ್ತೆ ವಿಜಯ್-ತ್ರಿಶಾ ಒಂದಾಗ್ತಿದ್ದಾರೆ. ತ್ರಿಶಾ ವಿಚಾರಕ್ಕೆ ನಟ ವಿಜಯ್ ಹಾಗೂ ಪತ್ನಿ ಸಂಗೀತಾ ನಡುವೆ ಮನಸ್ತಾಪ ಉಂಟಾಗಿದೆ ಎಂದು ಹೇಳಲಾಗ್ತಿದೆ. ನಟ-ನಟಿ ಇಬ್ಬರೂ ಈ ಎಲ್ಲ ಊಹಾಪೋಹಗಳನ್ನು ತಳ್ಳಿಹಾಕಿದ್ದಾರೆ.

ಇಬ್ಬರೂ ಒಂದೇ ಇಂಡಸ್ಟ್ರಿಗೆ ಸೇರಿದವರಾಗಿರುವುದರಿಂದ ಅವರ ನಡುವೆ ಸ್ನೇಹವಿದೆ ಅಷ್ಟೇ ಎಂದು ತ್ರಿಶಾ ಸ್ಪಷ್ಟಪಡಿಸಿದ್ದಾರೆ. ಒಟ್ಟಿಗೆ ಕೆಲಸ ಮಾಡುವ ಸುದ್ದಿಗೂ ಮುನ್ನ ಮಾಧ್ಯಮಗಳಲ್ಲಿ ವಿಜಯ್ ವಿಚ್ಛೇದನದ ಬಗ್ಗೆ ಸಾಕಷ್ಟು ಸುದ್ದಿಗಳು ಹರಿದಾಡಿದೆ.

ಇಬ್ಬರೂ ಸ್ಟಾರ್​ಗಳೂ ಒಟ್ಟಿಗೆ ಕಾಣಿಸಿಕೊಂಡಿದ್ದು, ತೆರೆ ಮೇಲೆ ಈ ಜೋಡಿ ನೋಡಲು ಅಭಿಮಾನಿಗಳು ಕಾತುರದಿಂದ ಕಾಯ್ತಿದ್ದಾರೆ.

ತ್ರಿಶಾ ಕೃಷ್ಣನ್ ಮತ್ತು ವಿಜಯ್ ಜೋಡಿ 14 ವರ್ಷಗಳ ನಂತರ ಒಟ್ಟಿಗೆ ತೆರೆಯ ಮೇಲೆ ಕಾಣಿಸುತ್ತಿದ್ದಾರೆ. 2008 ರಲ್ಲಿ ಬಿಡುಗಡೆಯಾದ 'ಕುರುವಿ' ಈ ಜೋಡಿಯ ಕೊನೆಯ ಚಿತ್ರವಾಗಿತ್ತು. ಇವರಿಬ್ಬರ ಹಿಟ್ ಚಿತ್ರಗಳಲ್ಲಿ 'ಗಿಲ್ಲಿ' ಅತ್ಯುತ್ತಮ ಪ್ರದರ್ಶನ ಕಂಡು ದಾಖಲೆ ಬರೆದ ಸಿನಿಮಾ ಆಗಿದೆ.