Top 10 Movies: 2022ರಲ್ಲಿ ಅತೀ ಹೆಚ್ಚು ಗೂಗಲ್ ಮಾಡಿದ ಟಾಪ್ 10 ಸಿನಿಮಾಗಳು!

ಜನ ಅತಿ ಹೆಚ್ಚು ಗೂಗಲ್ ಮಾಡಿದ ಚಿತ್ರ ಬ್ರಹ್ಮಾಸ್ತ್ರ. ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಅಭಿನಯದ ಬಾಲಿವುಡ್‍ನ ಬಹು ನಿರೀಕ್ಷಿತ ಚಿತ್ರ. ಸಿನಿರಂಗದಲ್ಲಿ ವಿನೂತನ ಪ್ರಯತ್ನ ಮಾಡಿದ್ದರು ನಿರ್ದೇಶಕ ಆಯನ್ ಮುಖರ್ಜಿ. ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಮೇಲೆ ಮೊದಲ ಬಾರಿಗೆ ರಣಬೀರ್ ಮತ್ತು ಆಲಿಯಾ ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು.

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ 2 ದೇಶ, ವಿದೇಶಗಳಲ್ಲೂ ಸದ್ದು ಮಾಡ್ತು. ಯಶ್ ಗೆ ದೊಡ್ಡ ಮಟ್ಟದ ಸಕ್ಸಸ್ ನೀಡ್ತು. ಕೋಟಿ ಕೋಟಿ ಕಲೆಕ್ಷನ್ ಗಳಿಸಿತ್ತು. ಗೂಗಲ್ ನಲ್ಲಿ ಜನ ಸರ್ಚ್ ಮಾಡಿದ್ದರಲ್ಲಿ 2ನೇ ಸ್ಥಾನದಲ್ಲಿದೆ

ಭಾರತದಾದ್ಯಂತ ಹೊಸ ಸಂಚಲನವನ್ನೇ ಮೂಡಿಸಿದ್ದ ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ ದಿ ಕಾಶ್ಮೀರ್ ಫೈಲ್ಸ್ ಚಿತ್ರ. ಹಲವಾರು ವಿವಾದಗಳನ್ನು ಹುಟ್ಟಿ ಹಾಕಿದ್ದ ಸಿನಿಮಾ ದಾಖಲೆಗಳನ್ನು ಬರೆದಿತ್ತು. ಬಿಡುಗಡೆಯಾದ ಒಂದೇ ವಾರಕ್ಕೆ ನೂರು ಕೋಟಿ ಕ್ಲಬ್ ಸೇರಿತ್ತು. ಗೂಗಲ್ ನಲ್ಲಿ ಜನ ಸರ್ಚ್ ಮಾಡಿದ್ದರಲ್ಲಿ ಈ ಚಿತ್ರ 3ನೇ ಸ್ಥಾನದಲ್ಲಿದೆ.

ಜೂನಿಯರ್ ಎನ್ ಟಿ ಆರ್ ಮತ್ತು ರಾಮ್ ಚರಣ್ ಅಭಿನಯದ, ರಾಜಮೌಳಿ ನಿರ್ದೇಶನದ ತ್ರಿಬಲ್ ಆರ್ ಸಿನಿಮಾ ಬ್ಲಾಕ್ಬಸ್ಟರ್ ಆಗಿತ್ತು. ಭಾರತದಲ್ಲಿ ಮಾತ್ರವಲ್ಲ, ಜಪಾನ್ ಬಾಕ್ಸ್ ಆಫೀಸ್‍ನಲ್ಲೂ ಚಿತ್ರಕ್ಕೆ ಅದ್ಭುತ ಪ್ರತಿಕ್ರಿಯೆ ಸಿಕ್ಕಿತ್ತು. ಗೂಗಲ್ ನಲ್ಲಿ ಜನ ಸರ್ಚ್ ಮಾಡಿದ್ದರಲ್ಲಿ ಈ ಚಿತ್ರ 4ನೇ ಸ್ಥಾನದಲ್ಲಿದೆ.

ಕನ್ನಡದ ಕಾಂತಾರ ಸಿನಿಮಾ ಇತಿಹಾಸ ಬರೆದಿದೆ. ಸದ್ಯಕ್ಕೆ ಯಾರೂ ಈಗ ಒಂದು ಇತಿಹಾಸದ ಹತ್ತಿರ ಹೋಗೋಕೆ ಆಗೋದಿಲ್ಲ. ಅಂತಹ ಒಂದು ಸಾಧನೆಯನ್ನೇ ಕಾಂತಾರ ಮಾಡಿದೆ. ನಟ-ನಿರ್ದೇಶಕ ರಿಷಬ್ ಶೆಟ್ಟಿ ದೇಶ-ವಿದೇಶಗಳಲ್ಲಿ ಗುರುತಿಸಿಕೊಂಡಿದ್ದಾರೆ. ಗೂಗಲ್ ನಲ್ಲಿ ಜನ ಸರ್ಚ್ ಮಾಡಿದ್ದರಲ್ಲಿ ಈ ಚಿತ್ರ 5ನೇ ಸ್ಥಾನದಲ್ಲಿದೆ.

ತೆಲುಗು ನಟ ಅಲ್ಲು ಅರ್ಜುನ್ ಮತ್ತು ಕನ್ನಡದ ನಟಿ ರಶ್ಮಿಕಾ ಮಂದಣ್ಣ ಮುಖ್ಯ ಪಾತ್ರಗಳಲ್ಲಿ ಅಭಿನಯಿಸಿದ್ದ ಪುಷ್ಪಾ ಚಿತ್ರ ಗಲ್ಲಾ ಪೆಟ್ಟಿಗೆಯಲ್ಲಿ ಕೋಟಿ ಕೋಟಿ ಹಣವನ್ನು ಗಳಿಸಿತ್ತು. ಗೂಗಲ್ ನಲ್ಲಿ ಜನ ಸರ್ಚ್ ಮಾಡಿದ್ದರಲ್ಲಿ ಈ ಚಿತ್ರ 6ನೇ ಸ್ಥಾನದಲ್ಲಿದೆ.

ಕಮಲ್ ಹಾಸನ್ ಅವರ ಬ್ಲಾಕ್ಬಸ್ಟರ್ ಚಿತ್ರ ವಿಕ್ರಮ್ ಸಹ ಈ ವರ್ಷದ ಅತಿ ಹೆಚ್ಚು ಗಳಿಕೆ ಮಾಡಿದ ತಮಿಳು ಚಿತ್ರ. ಲೋಕೇಶ್ ಕನಕರಾಜ್ ನಿರ್ದೇಶನದ ಆಕ್ಷನ್ ಥ್ರಿಲ್ಲರ್ ವಿಶ್ವದಾದ್ಯಂತ ಬಾಕ್ಸ್ ಆಫೀಸ್‍ನಲ್ಲಿ 442 ಕೋಟಿ ರೂ.ಗಳನ್ನು ಗಳಿಸಿತ್ತು. ಗೂಗಲ್ ನಲ್ಲಿ ಜನ ಸರ್ಚ್ ಮಾಡಿದ್ದರಲ್ಲಿ ಈ ಚಿತ್ರ 7ನೇ ಸ್ಥಾನದಲ್ಲಿದೆ.

ಲಾಲ್ ಸಿಂಗ್ ಚಡ್ಡಾ ಅಮೀರ್ ಖಾನ್ ನಟಿಸಿರುವ ಬಹು ನಿರೀಕ್ಷೆಯ ಚಿತ್ರವನ್ನು ಸಿನಿಪ್ರಿಯರೆಲ್ಲ ಒಟ್ಟಾಗಿ ತಿರಸ್ಕರಿಸಿದ್ದರು. ಚಿತ್ರ ಬಿಡುಗಡೆಯಾದ ಥಿಯೇಟರ್ ಗಳೆಲ್ಲಾ ಖಾಲಿ ಹೊಡೆದು ನಿರ್ಮಾಪಕರು ದೊಡ್ಡ ನಷ್ಟವನ್ನೇ ಅನುಭವಿಸಿದ್ದರು. ನೆಟ್ ಫ್ಲಿಕ್ಸ್ ಲಾಲ್ ಸಿಂಗ್ ಚಡ್ಡಾ ಜನ ಇಷ್ಟ ಪಟ್ಟಿದ್ದರು. ಗೂಗಲ್ ನಲ್ಲಿ ಜನ ಸರ್ಚ್ ಮಾಡಿದ್ದರಲ್ಲಿ ಈ ಚಿತ್ರ 8ನೇ ಸ್ಥಾನದಲ್ಲಿದೆ.

ವಿಜಯ್ ಸಲ್ಗಾಂವ್ಕರ್ ಆಗಿ ಅಜಯ್ ದೇವಗನ್ ಅವರು ಅಭಿನಯಿಸಿರುವ ದೃಶ್ಯಂ 2 ಬಾಲಿವುಡ್‍ನಲ್ಲಿ ಸಂಚಲನ ಸೃಷ್ಟಿಸಿತ್ತು. ಕೋಟಿ ಕೋಟಿ ಕಲೆಕ್ಷನ್ ಮೂಲಕ ಅಜಯ್ ದೇವಗನ್ ದೊಡ್ಡ ಹಿಟ್ ತಂದು ಕೊಟ್ಟಿದೆ. ಈ ಸಿನಿಮಾವೂ ಮಲಯಾಳಂನ ದೃಶ್ಯಂ 2 ಚಿತ್ರದ ಹಿಂದಿ ರಿಮೇಕ್. ಅಭಿಷೇಕ್ ಪಾಠಕ್ ನಿರ್ದೇಶಿಸಿದ, ದೃಶ್ಯಂ 2 ನಲ್ಲಿ ತಬು, ಅಕ್ಷಯ್ ಖನ್ನಾ, ಇಶಿತಾ ದತ್ತಾ, ಶ್ರಿಯಾ ಸರನ್ ಮತ್ತು ಸೌರಭ್ ಶುಕ್ಲಾ ಸಹ ನಟಿಸಿದ್ದಾರೆ. ಗೂಗಲ್ ನಲ್ಲಿ ಜನ ಸರ್ಚ್ ಮಾಡಿದ್ದರಲ್ಲಿ ಈ ಚಿತ್ರ 9ನೇ ಸ್ಥಾನದಲ್ಲಿದೆ.

ಹಾಲಿವುಡ್ ಚಿತ್ರ 'ಥಾರ್: ಲವ್ ಅಂಡ್ ಥಂಡರ್' ಗೂಗಲ್ ಇಂಡಿಯಾದಲ್ಲಿ ಅತಿ ಹೆಚ್ಚು ಹುಡುಕಲ್ಪಟ್ಟ 10 ನೇ ಚಲನಚಿತ್ರವಾಗಿದೆ. ಕ್ರಿಸ್ ಹೆಮ್ಸ್‌ವರ್ತ್ ಅಭಿನಯದ ಚಿತ್ರವನ್ನು ಟೈಕಾ ವೈಟಿಟಿ ನಿರ್ದೇಶಿಸಿದ್ದಾರೆ.