Top 10 Highest Collection Films 2021: ಈ ವರ್ಷ ಬಾಕ್ಸಾಫೀಸ್​ನಲ್ಲಿ ಕಮಾಲ್​ ಮಾಡಿದ ಟಾಪ್​ 10 ಕನ್ನಡ ಸಿನಿಮಾಗಳ ಪಟ್ಟಿ ಇಲ್ಲಿದೆ..

10. ರತ್ನನ್ ಪ್ರಪಂಚ: ಡಾಲಿ ಧನಂಜಯ್ ನಾಯಕನಟನಾಗಿ ಹಾಗೂ ರೆಬ ಮೋನಿಕಾ ನಾಯಕಿಯಾಗಿ ನಟಿಸಿರುವ ರತ್ನನ್ ಪ್ರಪಂಚ ಚಿತ್ರ ಓಟಿಟಿ ಅಮೇಜಾನ್​ ಪ್ರೈಮ್ ನಲ್ಲಿ ಬಿಡುಗಡೆಯಾದರೂ ಕೂಡ ಉತ್ತಮ ರೆಸ್ಪಾನ್ಸ್ ಪಡೆಯಿತು. ಹಾಗೂ ಬರೋಬ್ಬರಿ 15 ಕೋಟಿ ರೂಪಾಯಿ ಕೊಟ್ಟು ಅಮೇಜಾನ್​ ಈ ಚಿತ್ರದ ಹಕ್ಕನ್ನು ಖರೀದಿಸಿತ್ತು.

09. ಸಖತ್: ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ಸಿಂಪಲ್ ಸುನಿ ಕಾಂಬಿನೇಷನ್​ನಲ್ಲಿ ಮೂಡಿಬಂದಿರುವ ಸಖತ್ ಚಿತ್ರ ಇತ್ತೀಚಿಗೆ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ. ಇನ್ನು ಕೂಡ ರಾಜ್ಯಾದ್ಯಂತ ಯಶಸ್ವಿಯಾಗಿ ಪ್ರದರ್ಶನ ಕಾಣುತ್ತಿದೆ. ಇನ್ನು ಇದು ಈಗಾಗಲೇ ಚಿತ್ರಮಂದಿರಗಳಲ್ಲಿಈ ಸಿನಿಮಾ ಅಂದಾಜು 25 ಕೋಟಿಗೂ ಅಧಿಕ ಕಲೆಕ್ಷನ್ ಕಂಡಿದೆ.

08. ಗರುಡ ಗಮನ ವೃಷಭ ವಾಹನ: ರಾಜ್ ಬಿ ಶೆಟ್ಟಿ ಹಾಗೂ ರಿಷಬ್ ಶೆಟ್ಟಿ ಕಾಂಬಿನೇಶನ್​ನಲ್ಲಿ ಮೂಡಿಬಂದಿದ್ದ ಈ ಸಿನಿಮಾ ಸಖತ್​ ಕಮಾಲ್​ ಮಾಡಿತ್ತು. ಈ ಸಿನಿಮಾ ಅಂದಾಜು 35 ಕೋಟಿಗೂ ಅಧಿಕ ಬಾಕ್ಸಾಫೀಸ್ ಕಲೆಕ್ಷನ್ ಮಾಡಿದೆ.

07. ಮದಗಜ: ರೋರಿಂಗ್ ಸ್ಟಾರ್ ಶ್ರೀ ಮುರಳಿ ಹಾಗೂ ಆಶಿಕ ರಂಗನಾಥ್ ಪ್ರಮುಖ ನಟನೆಯಲ್ಲಿ ಮೂಡಿಬಂದಿರುವ ಮದಗಜ ಚಿತ್ರ ಬಿಡುಗಡೆಯಾಗಿ ಈಗಾಗಲೇ ಅಂದಾಜು 38 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ.

06. ಸಲಗ: ದುನಿಯಾ ವಿಜಯ್ ನಟಿಸಿ ಮೊದಲ ಬಾರಿಗೆ ನಿರ್ದೇಶನ ಮಾಡಿದ್ದ ಸಿನಿಮಾ ಸಲಗ. ಡಾಲಿ ಧನಂಜಯ್ ಹಾಗೂ ಸಂಜನಾ ಆನಂದ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.ಪಕ್ಕಾ ಮಾಸ್ ಸಿನಿಮಾವಾಗಿರುವ ಸಲಗ ಚಿತ್ರ ಅಂದಾಜು 45 ಕೋಟಿಗೂ ಅಧಿಕ ಬಾಕ್ಸಾಫೀಸ್ ಕಲೆಕ್ಷನ್ ಮಾಡಿತ್ತು.

05 ಯುವರತ್ನ: ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ನಟನೆಯ ಸೂಪರ್ ಹಿಟ್ ಯುವರತ್ನ ಚಿತ್ರ ಮೊದಲ ಎರಡು ವಾರಗಳಲ್ಲಿ ಚಿತ್ರಮಂದಿರಗಳಲ್ಲಿ ತೆರೆಕಂಡ ನಂತರ ಅಮೇಜಾನ್​ ಪ್ರೈಮ್​ನಲ್ಲಿ ಪ್ರಸಾರವನ್ನು ಕಂಡಿತ್ತು. ಇನ್ನು ಇದು ಬರೋಬ್ಬರಿ 55 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ.

04. ಭಜರಂಗಿ 2: ಕರುನಾಡ ಚಕ್ರವರ್ತಿ ಶಿವಣ್ಣ ಹಾಗೂ ಹರ್ಷ ಕಾಂಬಿನೇಷನ್​​ನಲ್ಲಿ ಬಂದ ಸಿನಿಮಾ ಭಜರಂಗಿ 2 ಚಿತ್ರ ಫ್ಯಾಂಟಸಿ ಥ್ರಿಲ್ಲರ್ ವಿಭಾಗದಲ್ಲಿ ಎಲ್ಲಾ ವಿಧದ ಪ್ರೇಕ್ಷಕರ ಮನವನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಇನ್ನು ಈ ಚಿತ್ರ ಬರೋಬ್ಬರಿ 60 ಕೋಟಿ ಗಳಿಸಿದೆ.

03. ಪೊಗರು: ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಹಾಗೂ ರಶ್ಮಿಕಾ ಮಂದಣ್ಣ ಕಾಂಬಿನೇಷನ್​ನಲ್ಲಿ ಬಂದ ಸಿನಿಮಾ. ನಂದಕಿಶೋರ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಪೊಗರು ಚಿತ್ರ ಕರಾಬು ಹಾಡಿನ ಮೂಲಕ ವಲ್ಡ್ ಫೇಮಸ್ ಆಗಿತ್ತು. ಇನ್ನು ಈ ಚಿತ್ರ ಅಂದಾಜು 60 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ.

02. ಕೋಟಿಗೊಬ್ಬ 3: ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಟನೆಯ ಕೋಟಿಗೊಬ್ಬ3 ಚಿತ್ರ ಲೇಟಾಗಿ ಬಿಡುಗಡೆಯಾದರೂ ಕೂಡ ಲೇಟೆಸ್ಟ್ ಆಗಿ ಬಾಕ್ಸಾಫೀಸ್ ಕಲೆಕ್ಷನ್ ರೆಕಾರ್ಡ್ ಮಾಡಿದೆ. ಕೋಟಿಗೊಬ್ಬ 3 ಚಿತ್ರ ಬಾಕ್ಸಾಫೀಸ್ ನಲ್ಲಿ ಅಂದಾಜು 75 ಕೋಟಿಗೂ ಅಧಿಕ ಕಲೆಕ್ಷನ್ ಗಳಿಸಿದೆ.

01. ರಾಬರ್ಟ್: ಇನ್ನು ಉಮಾಪತಿ ನಿರ್ಮಾಣದ ಈ ವರ್ಷದ ಸೂಪರ್ ಹಿಟ್ ಚಿತ್ರ ರಾಬರ್ಟ್ ಬಾಕ್ಸಾಫೀಸ್​ನಲ್ಲಿ 100 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ. ಹಾಗೂ 2021 ವರ್ಷದ ಅತ್ಯಂತ ಹೆಚ್ಚು ಕಲೆಕ್ಷನ್ ಮಾಡಿರುವ ಕನ್ನಡ ಚಿತ್ರದ ಹಿರಿಮೆಗೆ ಪಾತ್ರವಾಗಿದೆ.