Tanya Maniktala: ದೇವಸ್ಥಾನದೊಳಗೆ ಕಿಸ್ ಮಾಡಿದ ನಟಿಗೆ ಸಂಕಷ್ಟ! ಆಗಿದ್ದೇನು?

ಖ್ಯಾತ ನಟಿ ದೇವಾಲಯದ ಒಳಗೆ ಕಿಸ್ಸಿಂಗ್ ಮಾಡಿ ಟ್ರೋಲ್ ಆಗಿದ್ದಾರೆ. ನಟಿಯನ್ನು ಇದೇ ವಿಚಾರವಾಗಿ ನೆಟ್ಟಿಗರು ಟೀಕಿಸುತ್ತಿದ್ದಾರೆ.

'ಟೂತ್ ಪರಿ' ವೆಬ್ ಸಿರೀಸ್​ನ ಟ್ರೈಲರ್ ಇತ್ತೀಚೆಗೆ ಬಿಡುಗಡೆಯಾಗಿದೆ. ಈ ಟ್ರೈಲರ್‌ನಲ್ಲಿರುವ ನಟಿಯ ಬಗ್ಗೆಯೂ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ನಟಿ ತಾನ್ಯಾ ಮಣಿಕ್ತಲಾ ಈ ವೆಬ್ ಸಿರೀಸ್​ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ತಾನ್ಯಾ ಈ ಹಿಂದೆ ಇಶಾನ್ ಖಟ್ಟರ್ ಅವರ 'ಎ ಸೂಟಬಲ್ ಬಾಯ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು.

ಆದರೆ ಆ ವೇಳೆ ನಟಿಯ ದೃಶ್ಯವೊಂದು ಭಾರೀ ವಿವಾದ ಸೃಷ್ಟಿಸಿತ್ತು. ಈ ಒಂದು ಕಾರಣದಿಂದ ನಟಿ ಬಹಳಷ್ಟು ಸಮಸ್ಯೆಯನ್ನೂ ಎದುರಿಸಿದ್ದರು.

ಇದರಲ್ಲಿ ನಟಿ ಬೇರೆ ಜಾತಿಯ ಹುಡುಗನನ್ನು ಪ್ರೀತಿಸುತ್ತಿರುವುದನ್ನು ತೋರಿಸಲಾಗಿದೆ. ಆದರೆ ಇದಕ್ಕಿಂತಲೂ ವಿವಾದಕ್ಕೆ ಕಾರಣವಾಗಿದ್ದು ಇನ್ನೊಂದು ವಿಚಾರ.

ದೇವಾಲಯದ ಆವರಣದಲ್ಲಿ ನಟಿ ಹೀರೋಗೆ ಕಿಸ್ ಮಾಡುತ್ತಿರುವ ದೃಶ್ಯವೊಂದನ್ನು ಕೆಲವು ಸೆಕುಂಡುಗಳ ಕಾಲ ತೋರಿಸಲಾಗಿದೆ. ಈ ದೃಶ್ಯ ವೈರಲ್ ಆಗಿದೆ.

ಈ ದೃಶ್ಯದಿಂದ ಅನೇಕರು ಆಕ್ರೋಶಗೊಂಡಿದ್ದರು. ಹಲವು ಸಂಘಟನೆಗಳು ಅಸಮಾಧಾನ ವ್ಯಕ್ತಪಡಿಸಿ ಪ್ರತಿಭಟನೆ ನಡೆಸಿದ್ದವು. ದೇವಾಲಯದಲ್ಲಿ ಈ ರೀತಿ ಮಾಡಬಾರದಿತ್ತು ಎಂದಿದ್ದರು.

ಇದೆಲ್ಲದರ ಮಧ್ಯೆ ತಾನ್ಯಾ ತುಂಬಾ ಒತ್ತಡದಲ್ಲಿದ್ದರು. ಆದರೆ ಅದಕ್ಕೂ ಮುನ್ನ ಅವರು ನಟನಾ ಕ್ಷೇತ್ರವನ್ನೇ ತೊರೆಯಲು ಯೋಚಿಸಿದ್ದರು ಎನ್ನುವುದನ್ನು ರಿವೀಲ್ ಮಾಡಿದ್ದಾರೆ.

ಏಕೆಂದರೆ ನಟಿಯ ಪ್ರಕಾರ ಅವರು ಆಡಿಷನ್ ಮತ್ತು ರಿಜೆಕ್ಟ್ ಆಗುವುದರಿಂದ ಬೇಸತ್ತಿದ್ದರು. ವಿದೇಶಕ್ಕೆ ಹೋಗುತ್ತಿರುವಾಗ ಅವರಿಗೆ ಈ ಆಫರ್ ಬಂದಿತ್ತು. ಅದನ್ನು ಅವರು ಒಪ್ಪಿಕೊಂಡರು.

ಈ ಧಾರಾವಾಹಿಯಿಂದ ನಟಿಗೆ ಹೆಚ್ಚಿನ ಮನ್ನಣೆ ಸಿಕ್ಕಿತು. ಆದರೆ ಅದರ ಜೊತೆ ಜೊತೆಗೇ ಟೀಕೆಗಳನ್ನೂ ಎದುರಿಸಬೇಕಾಯಿತು. ಆದರೂ ಈ ಒಂದು ಸಿರೀಸ್​ ಟ್ರೈಲರ್​ಗೆ ಮೆಚ್ಚುಗೆ ವ್ಯಕ್ತವಾಗಿದೆ.